Novas por contido

O día 12 de agosto de 2019 os delegados da CIG acompañamos ao Servizo de Prevención de Riscos Laborais na visita para realización da avaliación de riscos laborais do centro de traballo da Xefatura territorial de Sanidade en Avda. de Zamora, 13, Ourense. A maioría do persoal está de vacacións polo que non é posible realizar unha correcta identificación de riscos laborais no que participe o persoal de traballador nin se recollen as enquisas suficientes para que sexan representativas.

Este edificio ten problemas de temperaturas extremas que non foron medidas pola data e hora na que se realizou a visita (ese día foi inusualmente fresco para ser agosto). Os problemas que refire o persoal son a calor excesiva no verán (piso superior, zonas acristaladas e pechadas) e o frío no inverno en case todo o edificio pola súa distribución e tiro de aire do oco central que provoca escape da calor e correntes de aire.

Esta visita foi de revisión da avaliación de riscos existente, pero descoñecemos si se aplicaron as medidas previstas no anterior documento, sobre todo as previstas para a evacuación do edificio no caso dunha emerxencia xa que a sinalización hoxe é moi deficiente. O persoal tampouco é coñecedor desta anterior avaliación de riscos do seu posto de traballo.

Atopamos moitos problemas para a seguridade do persoal que requiren urxente reparación. Rexistramos varios escritos dirixidos a xefatura coma ao servizo de prevencións de riscos esixindo solución a todos os problemas atopados.

Unha vez máis, desde a CIG denunciamos que, mentres no resto de provincias a Xunta conta cun centro administrativo único, en Ourense existen máis de 20 centros administrativos espallados pola cidade. Todos con moitas deficiencias e carencias: locais sen luz natural, problemas de climatización, falta de espazo, humidades, vertidos, síndrome de edificio enfermo, sen medidas de emerxencia, con problemas de radon... Edificios que ademais incumpren a lei de accesibilidade universal.

Reclamamos un edificio novo, operativo e funcional que remate co agravio comparativo respecto as outras provincias. Os delegados da CIG en Ourense continuamos na loita para defender os dereitos dos traballadores e protexer a súa saúde.

Outras novas recentes

Venres, 13 Novembro 2026

Promoción interna de corpos xerais; funcionarización en excedencia; finanzas-veterinarios/as-agacal-gain-intecmar (MSF e MX 10/11/26)

O martes 10, véspera da Folga Xeral, asistimos á Mesa Xeral e Mesa Sectorial de Persoal Funcionario, nas que se trataron as convocatorias de promoción interna a corpos xerais e dos procesos de funcionarización de persoal laboral fixo que está en excedencia. Na rolda aberta de intervencións a DXEP deu información da escala de finanzas, da repesca de funcionarización de...
Venres, 13 Novembro 2026

Agacal, Gain e Intecmar quedan para a seguinte OEP de funcionarización

A directora xeral de Emprego Público comunicounos na Mesa Xeral do 10 de novembro de 2026 que o persoal de AGACAL, GAIN e INTECMAR quedará para a seguinte OEP de funcionarización (para a cal non teñen data) porque aínda non está integrado. A integración é un requisito previo para que o persoal que o desexe poida funcionarizarse. Sen convocatoria á CIG para as negociacións...
Venres, 13 Novembro 2026

RPT Emprego, Comercio e Emigración (11/11/26)

A Consellería de Emprego, Comercio e Emigración, convocou aos sindicatos a unha xuntanza para falar da súa proposta de modificación da Relación de Postos de Traballo da consellería. Descargar Contactamos coa consellería para pedir explicacións polo feito de que nos convocasen con menos de 48 horas de antelación (restando a xornada de Folga Xeral), o que imposibilita estudar...