Novas por contido

Na CIG preocúpanos a falta de certeza das persoas traballadoras da Xunta de Galicia á hora de afrontar os procesos de funcionarización.  Lembrámosche que no decreto de funcionarización non se fai referencia ao mantemento dos dereitos laborais mais sí a obriga da prestación de servizos.

Por iso, elaboramos unha proposta de Acordo marco que recolla as condicións laborais de todo o persoal independemente da súa relación laboral. Con este documento pretendemos activar á Xunta e obrigala a negociar as condicións específicas dos nosos centros de traballo e así evitar que se perdan dereitos ao tempo que melloramos e definimos outros para todas e todos.

Ademáis, somos conscientes das condicións específicas de traballo do persoal do servizo de incendios, polo que presentamos tamén un anexo complementario de dereitos cun novo modelo de organización máis efectivo.

Pero esta non é unha proposta pechada. Para mellorala e afrontar esta loita contamos coa túa participación e por iso estamos a visitar os centros de traballo e convocamos unha asamblea telemática na que debater e discutir o acordo.

Participa na Asamblea do 31 de marzo ás 18:00 h. - Preme aqui.

Xuntámosche os textos dos acordos: Acordo marco xeralAnexo de incendios.

Outras novas recentes

Venres, 05 Abril 2024

Concursos de traslados de axentes ambientais, forestais, consumo e Gardacostas: relación provional de admitidas

No DOG do 05/04/2024 publican: - RESOLUCIÓN do 25 de marzo de 2024, da Dirección Xeral da Función Pública, pola que se aproba a relación provisional de persoas admitidas e excluídas do concurso para a provisión de postos de traballo vacantes de corpos e escalas de Administración especial da Administración xeral da Comunidade Autónoma de Galiza, escalas de axentes...
Venres, 12 Abril 2024

Recurso de reposición ao concurso ordinario de traslados de ciencias+enxeñarías+arquitectura

A CIG presentou un recurso de reposición á Resolución que convocou o concurso ordinario para a provisión de postos de traballo vacantes de escalas de enxeñarías, arquitectura, arquitectura técnica e ciencias (administración especial). No recurso solicitamos unha relación das prazas que desapareceron do concurso, con información polo miudo de cada unha delas. Tamén da...
Venres, 12 Abril 2024

Educación retira a axuda por discapacidade ao seu persoal funcionarizado

A Consellería de Educación, de xeito unilateral e sen previo aviso, retirou a axuda por persoa con discapacidade a cargo que o persoal funcionarizado tiña recoñecida en base ao V Convenio Colectivo da Xunta de Galiza. O persoal laboral ten dereito a unha axuda de 180 € mensuais cando ten ao cargo unha persoa con discapacidade e con ingresos inferiores ao SMI. En teoría ese...