Unha vez máis volve a chegarnos as queixas do persoal de novo ingreso do corpo auxiliar. O día 23/05/2024 publicouse no DOG tanto o nomeamento como a regulación do período de prácticas deste persoal.

Ao igual que na promoción anterior, a administración opta por deixar sen cobrar o 100% unha mensualidade coa desculpa de que o persoal necesita formarse para acreditar os seus coñecementos de informática. Na administración do século XXI as persoas funcionarias dende a agrupación profesional ata os corpos e escalas do subgrupo A1 traballan con ferramentas informáticas e á ninguén excepto ao persoal do corpo auxiliar se lles esixe esa formación. Como xa dixemos en relación á promoción interna, isto é producto dunha mentalidade dos tempos da máquina de escribir Olivetti 98.

Ademais si se necesitase unha formación específica, a solución nunha administración normal e decente sería realizala en horario de traballo e con plenos dereitos retributivos.

Xa o fixemos constar con anterioridade e tamén neste proceso, dende as alegacións ás bases da convocatoria.

Agora ben, a administración terá a tixola polo rabo pero iso obriga tamén a cumprir. E neste caso, como pasou con anterioridade, non se está a cumprir: se o curso selectivo ou o período de prácticas se realizar desempeñando un posto de traballo, percibiranse ademais as retribucións complementarias correspondentes a este.

A administración o que ten que facer e deixarlle claro a este persoal e ás direccións territoriais que ou ben non teñen que desempeñar funcións do posto, ou ben, si as fan, teñen que cobrar a integridade das retribucións.