Novas por contido

Campaña da Renda 2025 para persoas afiliadas á CIG

Detalles

Como todos os anos, durante a campaña de realización do Imposto sobre a Renda das Persoas Físicas (IRPF) desde a CIG ofertamos o servizo de realización das Declaracións da Renda a todas aquelas persoas afiliadas que teñan as cotas ao día.

A campaña da renda deste ano comeza o día 8 de abril 2026 rematando o 30 de xuño 2026. Para solicitar cita podes facelo por dúas vías:

1. Vía web

Accedendo mediante a ligazón https://oficina.cig.gal/renda

A solicitude sempre se fará cos datos da persoa afiliada e cubrindo os datos solicitados. Hai que por o importe da casilla 505 da renda do 2024, e, no caso de non ter feito a renda indicar os 5 últimos números de conta bancaria. Unha vez cubertos estes datos accedes á axenda.

Lembra que as citas poden ser presenciais (terás que achegarte ao local) ou telefónica (ese día e hora aproximada chamarémoste). A cita será confirmada no correo electrónico indicado.

RECOMENDAMOS QUE POLA SUA FACILIDADE E PRACTICIDADE COLLAS A CITA VIA WEB, na ligazón indicada https://oficina.cig.gal/renda, xa que pola densidade do número de chamadas que se reciben, as liñas colápsanse, facendo imposible dar a atención debida.

2. Vía Telefónica

Chamando aos locais da CIG preferiblemente no horario de maña.

Para coller a cita tes que ter a man o documento de identidade, a renda do ano pasado e senón fixeches a renda terás que indicar os 5 últimos números da conta bancaria, tanto teus como do teu cónxuxe ou parella.

Imprescindible ter estes datos a man no momento da chamada senón non poderemos concertar a cita

Indica se percibiches salarios atrasados, por sentenza, acordo, Fogasa, etc.... antes do inicio desta campaña xa que pode ser que teñas que tributalo neste exercicio!!!

Lembra que á hora de facer a Declaración da Renda que a cota sindical desgrava.

REQUISITOS PARA DESGRAVAR POR FILLOS, DESCENDENTES E ASCENDENTES

Fillas e fillos: ter menos de 25 anos no 2025 agás os discapacitados, depender e convivir co declarante, e ter rendas anuais inferiores a 8.000€, e non estar obrigados a declarar

Descendentes: o mesmo que o anterior

Ascendentes: ser maior de 65 anos, agás os discapacitados, depender e convivir co declarante e ter rendas anuais inferiores a 8.000€

Outras novas recentes

Venres, 26 Xuño 2026

A CIG esixe explicacións pola falta de postos na elección de destino de corpos xerais

Dende a CIG solicitámoslle a Emprego Público que nos aclare posto a posto a tremenda desfeita que está a facer nos procesos de elección de destino dos corpos xerais. Temos moitísimas queixas de persoas traballadoras que están nestes procesos e que non saben o motivo de que se “comeran” tantos postos. Non sabemos se en Emprego Público pensan que só son “dúas ou tres persoas...
Xoves, 18 Xuño 2026

Contra o decretazo nas listas de substitución da Xunta: folga de 1 hora

Dado que a Administración segue adiante coa aplicación do Decreto 40/2026, que modifica o 37/2006 de listas de substitucións chamamos a todo o persoal que forma parte das listas de contratación e ao que está en activo a una folga o vindeiro día 23 de xuño de 11h a 12h. Este problema afectanos a todas e todos. Ó persoal que forma parte das listas que ve recortados os seus...
Venres, 19 Xuño 2026

A XUNTA "NOSTRA": uso de prácticas mafiosas no concurso de traslados

Ameazas de desterro de oficio a quen non ceda o seu posto Estrañas manobras en Emprego Público para que algunhas persoas renuncien aos postos obtidos no concurso. A lei do silencio chega á Función Pública galega. A DXEP pretende tapar os seus erros xudiciais roubándolle os postos aos persoal mediante a táctica do susto ou trato telefónico. O "trato" é que colles un posto...