No DOG do 05/10/2026 publican a Resolución pola que se modifica a Resolución do 24 de setembro de 2026 pola que se convocan para a elección de destino definitivo as persoas aspirantes que superaron os procesos selectivos para o ingreso no corpo de axudantes de carácter facultativo de Administración especial da Administración xeral da Comunidade Autónoma de Galiza, subgrupo C1, escalas técnicas de mantemento de servizos, de recursos naturais e forestais, especialidades de capataz, mecánico naval, patrón de embarcación e guía intérprete de patrimonio natural, de cociña, de condución e de análises de laboratorio; no corpo de auxiliares de carácter técnico, subgrupo C2, escalas de gardas de recursos naturais, de auxiliar de cociña, de auxiliar de mantemento, de auxiliar de laboratorio, de auxiliar de condución e de auxiliar de recursos naturais e forestais, especialidades de oficial e de mariñeiro vixilante, e en agrupación profesional, escala de persoal de limpeza e recursos naturais e forestais, especialidade de limpeza e cociña, de recursos naturais e forestais e de mantemento.
Acórdase modificar a data de inicio do prazo de elección de postos, que comezará o martes, 6 de outubro, e rematará o venres, 9 de outubro, ambos incluídos (amplían un día).
No anexo II substitúese a relación de postos ofertados para a agrupación profesional, escala de persoal de limpeza e recursos naturais e forestais, especialidade de limpeza e cociña (subgrupo AP).
Se é do teu interese, aquí tes a relación de postos de varias escalas, ordenadas por concello e nome do centro. Excluímos o listado daquelas escalas que teñen poucos postos:
- AP-Limpeza e cociña
- AP-Mantemento
- AP-RRNN e forestais
- C1-Cociña
- C1-Conducion
- C1-Laboratorio
- C1-Mantemento
- C1-RRNN-Capataz
- C2-Cociña
- C2-Laboratorio
- C2-Mantemento
- C2-Oficial
Engadir que a primeira hora do martes 5, faltaban 25 postos da relación de limpeza e cociña na aplicación informática. Contacamos coa Dirección Xeral de Emprego Público e informaron que ían corrixir o erro. Así que se mecanizaches postos a primeira hora, revisa se faltaba algún dos que tiñas seleccionados.
