Novas por contido

Detalles

1. Proposta de modificación estatutos do Consorcio Galego de Servizos da Igualdade e Benestar, para a continuidade de actuacións do acordo entre a Xunta de Galiza e as organizacións sindicais para a integración do persoal do Consorcio Galego no convenio colectivo único do persoal laboral da Xunta de Galiza.

A CIG vota a favor desta modificación estatutaria que obrigará a que os procesos selectivos e as listas de agarda sexan convocados e xestionados pola Dirección Xeral da Función Pública da Xunta de Galiza.

2. Proposta de acordo polo que se aproba un plan de carácter temporal en materia de persoal para aplicar as actuacións para evitar a propagación dun abrocho de covid-19 previstas no protocolo conxunto da Consellaría de Sanidade e da Consellaría de Política Social para facer fronte á crise sanitaria provocada polo virus sars cov-2 nos centros residenciais de persoas maiores e noutros centros sociosanitarios da comunidade autónoma de Galiza.

A CIG recoñece que tanto a Consellaría de Política Social como Facenda aceptaron importantes alegacións que achegamos tanto na mesa previa como na mesa xeral e que se substancia no seu carácter voluntario e no incremento de ata case 300€ mensuais do complemento de singularidade por responsabilidade.

Aínda así, a CIG votou en contra xa que non podemos facilitar que se detraian efectivos das residencias públicas para superar as deficiencias das privadas que só buscan a maximización dos seus beneficios en detrimento dos coidados aos nosos maiores.

3. Solicitude adhesión do sindicato SEPGA ao Acordo para a ordenación e mellora da prestación de Servizos Veterinarios no ámbito da Xunta de Galiza.

A CIG vota en contra xa que esta organización sindical non está lexitimada ao ter unha representación insuficiente que lle impide formar parte da Mesa Xeral da cal se deriva o Acordo dos Servizos Veterinarios. Ademais, salientamos aquí a teima da Administración de querer colar a este sindicato amarelo nos foros de negociación sen estar lexitimado.

O director xeral de Función Pública non posibilitou os rogos e preguntas que quedarán para a vindeira mesa xeral convocada para o 01/12/20, e concretou as seguintes cuestións:

a) Vacacións e asuntos persoais: están a estudar a solicitude da CIG de poder desfrutar das vacacións e AP´s do 2020 máis aló do 31 de xaneiro.

b) Decreto de Oferta de Emprego Público 2020, irá para a mesa xeral deste martes, 1 de decembro.

c) Oferta de Emprego Público 2021, se negociará ao longo do 1º trimestre do vindeiro ano.

d) No foro da Comisión de Coordinación de Emprego Público, a Xunta propón a modificación do EBEP para que nas vindeiras OEP´s se poidan incluír tódalas vacantes, incluídas as xubilacións, sen que computen na taxa de reposición. E adicionalmente que se poida incluír ata o 80% das prazas das que se teña previsión de quedar vacantes por xubilación no seguinte ano, co fin de que cos aprobados dos procesos selectivos se poidan cubrir ditas prazas. O que non pediron mentres gobernaba o PP o piden agora.

e) En breve se publicará a nova regulación sobre o teletraballo.

f) Procesos selectivos: os xa iniciados se retomarán pasado o mes de febreiro. Na proposta de modificación da Lei de emprego público se contempla a posibilidade de realizar exames en varias sedes e varias quendas ou días.

Detalles

Á Comisión de Persoal do venres se nos trouxo un punto sobre a posibilidade de adhesión ao acordo de veterinarios do sindicato SEPGA.

Dende a Administración levan querendo introducir a este sindicato amarelo nos foros e mesas de negociación dende hai un tempo, a pesar de non ter representación suficiente para poder facelo.

No caso do acordo de veterinarios, este é un acordo derivado dunha negociación na Mesa Xeral de Empregados Públicos que afecta a persoal funcionario e laboral, onde o SEPGA non obtivo representación. Para o director xeral de Función Pública iso da igual e no canto de inadmitir a petición do SEPGA a trae a esta Comisión de Persoal.

Unha semana antes, tamén a instancias de Función Pública, o AGADIC nos convoca para negociar unhas modificacións na RPT que afectan a persoal funcionario e laboral (unha creación de posto de funcionario financiada coa amortización dun posto de laboral). E convocan a SEPGA, dicíndonos por escrito o director do AGADIC que “...é obvia a concorrencia de intereses definidos no ámbito dos estatutos desa organización sindical que son públicos e que foron consultados.”

O que obvia o director do AGADIC é que non se trata do que digan os estatutos do SEPGA, senón do que dixo o persoal empregado público a través dos procesos electorais de eleccións sindicais, onde dos 15 membros da Mesa Xeral de negociación o SEPGA ten CERO representantes.

Pretenden perverter o principio democrático e darlle a un sindicato afín unha representación que as urnas lle negaron.

A posteriori o director xeral de Función Pública emitiu un informe que, sen rubor e indo en dirección contraria á xurisprudencia, xustifica que SEPGA sen votos suficientes pode negociar as condicións de traballo do persoal empregado público.

O Tribunal Supremo na STS 111/2018 deixa claro que para poder negociar cuestións relativas a persoal funcionario e laboral hai que ter representación suficiente nos dous ámbitos, cousa que SEPGA non ten, é que o ter unha representatividade superior ao 10% no ámbito de funcionarios non o lexitima a estar presente en todos os foros onde se traten cuestións relativas a funcionarios.

Pero a empresa segue empeñada en meter ao seu sindicato amarelo con calzador nas negociacións para que apoie á patronal. Nos reservamos as accións a emprender para frear algo que ten todos os indicios de constituír prevaricación.

Detalles

De conformidade co artigo 6.2 do Decreto 37/2006, do 2 de marzo, polo que se regula o nomeamento de persoal interino para o desempeño con carácter transitorio de prazas reservadas a persoal funcionario e a contratación temporal de persoal laboral da Xunta de Galiza, no DOG do 25/11/2020 publícanse as listas provisiionais das seguintes categorías:

  • GRUPO I, CATEGORÍA 2 (Titulado superior médico e outras)
  • GRUPO II, CATEGORÍA 2 (ATS e outras)
  • GRUPO IV, CATEGORÍA 3 (Auxiliar de Clínica e outras)

As listas poderán consultarse no portal web corporativo da Xunta de Galiza, no teléfono de atención á cidadanía 012, e nas oficinas de rexistro e atención á cidadanía da Xunta de Galiza.

As persoas interesadas teñen un prazo de 10 dias hábiles a partir da publicación no DOG para RECLAMAR. As reclamacións acompañaranse da documentación precisa para enmendar a causa de exclusión, de ser o caso.

A partir da publicación desta resolución no DOG, tanto as persoas solicitantes admitidas como as excluídas, poderán presentar SOLICITUDE DE SUSPENSIÓN DE CHAMAMENTOS, de conformidade co establecido no artigo 15.2 do Decreto 37/2006.

Detalles

A autoridade laboral achega unha proposta de requerimento a raíz da denuncia que a CIG-Autonómica fixo en setembro pola ausencia de medidas preventivas nos centros educativos

Logo de varias citacións a Consellería de Educación foi incapaz de demostrar ante a Inspección de traballo e Seguridade Social que cumpriu os mínimos que marca a Lei de Prevencion de Riscos Laborais para a protección da saúde do persoal traballador fronte á Covid-19.

Da análise do informe da Inspección de Traballo demóstrase que:

1. A imposibilidade da nosa Consellería mediante o seu servizo de prevención propio de facer as avaliacións específicas para cada centro, polo que contrata a CUALTIS constatándose que tampouco se fai o traballo xa que son prácticamente idénticas en todos os centros e ademais non reflicten as medidas de prevención.

A Consellería indica que soamente son modelos e que cada centro adaptaraos, pero revisando modelos concretos a Inspección detecta as seguintes cuestións:

a) están obsoletos xa que non están adaptados á última versión do protocolo xeral polo que precisan revisión.
b) hai contradiccións, xa que non queda claro por exemplo que tipo de protección hai que levar cando se acompaña a un posible caso á aula COVID nin como se protexerá ó persoal limpador que terá que desinfectar posteriormente esa aula. A Inspección deixa claro neste punto que é necesario un equipo de protección frente oa risco biolóxico e que deben estar especificadas as súas características técnicas así coma o marcado (UNE) segundo a normativa correspondente.

2. O servizo de prevención é quen ten que determinar os escenarios de exposición ó risco do persoal e revisado pola Inspección tamén fai constar que se dan dúas circunstancias curiosas xa que estima:

a) que todo o persoal ten baixa probabilidade de exposición se se cumpren unha serie de condicións (distancia, uso de máscara, ventilación…) cousa que non se pode garantir en tódolos casos.
b) que o persoal docente e o de limpeza (descoñecemos por que o resto non) son de baixo risco pero non se contempla nin en que condicións se da ese risco e tampouco determina que EPIs deberían levar neses casos.

3. Respecto da valoración do persoal vulnerable fronte a COVID tamén queda claro o que a CIG ven dicindo dende o minuto cero. Ten que ser o servizo de prevención quen debe valorar cada posto determinando se o traballador ou traballadora é vulnerable e de ser así debe adaptar o posto.

4. Tamén queda suficientemente claro que todo o persoal da Consellería de Educación non foi formado nin informado adecuadamente frente ao risco da COVID.

Puntualmente tamén se fai referencia neste requirimento a persoal concreto:

  • Respecto do persoal coidador a Inspección especifica que este persoal ten a obriga de vixiar o cumprimento de determinadas medidas de protección pero non se especifica nada sobre a súa protección polo que insiste na necesidade da valoración sobre o nivel de exposición deste persoal e a necesidade de dotalos dos EPIs pertinentes (alomenos máscaras FPP2 para as tarefas de maior risco).
    Fai isto extensivo ás clases de audición e linguaxe, polo que entendemos que inclúe tamén o persoal intérprete de linguaxe de signos.
  • Respecto do persoal de limpeza, ainda que a consellería considera que o reforzo das tarefas de limpeza non tería que conlevar obrigatoriamente o incremento do persoal, aínda así ese reforzo fíxose con 77 acumulos de tarefas en todo o país. Para a CIG segue a ser insuficiente e esiximos que se fago extensivo a todos os centros.
  • Respecto do persoal de cociña a consellería tamén entende que o incremento de quendas non ten que conlevar incremento de persoal, xustificando que soamente se tiveron 7 peticións de axudantes de cociña e dicindo que as persoas usuarias dos comedores de xestión directa diminuiron respecto do ano pasado. A CIG entende que isto é inaceptable porque non pode depender de se hai solicitudes de persoal por parte das direccións dos centros e poñemos en dúbida o dato da baixada de comensais xa que non se nos facilitou esa información.

Queda claro, polo tanto, que a Consellería de Educación despreza ó seu persoal xa que vai poñendo parches constantes fronte os requerimentos que lle vai facendo a Inspección despois da nosa denuncia, de non ser así:

- nin avaliación de riscos
- nin protección do seu persoal
- nin incremento de persoal para asumir a carga de traballo
- nin valoración do persoal vulnerable

A Inspección dálle de prazo á Administración até o 16 de decembro para achegar toda a documentación que xustifique a corrección das deficiencias contrastadas tras as denuncias da CIG.

 

Detalles

Mentres o curso escolar avanza, os dereitos do persoal laboral non docente dos centros de ensino retroceden. Pese á mensaxe oficial de que todo funciona razonablemente ben, a realidade é que o impacto da crise sanitaria da COVID-19 estase a sentir con crudeza nos centros de ensino.

Dende a CIG continuamos a esixir o establecemento de medidas que garantan a seguridade e a saúde laboral do persoal laboral non docente, co establecemento de medidas de prevención, avaliacións de riscos por posto de traballo, resolución ás solicitudes para a determinación de persoal sensibe por vulnerabilidade fronte á COVID-19 , reforzo do persoal de cociña e de limpeza e formación en prevención de riscos no ámbito laboral fronte ao virus.

 

Detalles

Pois resulta que despois de varios borradores de prazas e fixación de criterios, desaparecen 19 prazas para a elección de destino definitivo de Gardacostas, e mudan os criterios para o destino provisional de corpos xerais. Nada novo esto de que o director de Función Pública un día diga unha cousa e mude de parecer ao seguinte.

Corpos xerais

Foron varias as recentes reunións nas que o director xeral de Función Pública mantivo o criterio de que para a elección de destino provisional de corpos xerais (A1, A2 e C2, que en C1 xa foi), a orde de prioridade sería: A1-P.I., A2-P.I., A1-Libre, A2-Libre, C2-P.I. e C2-Libre. E a CIG respostou sempre que primeiro todos os procesos de promoción interna (A1, A2, C2), e de seguido todos os de acceso libre (coa mesma orde).

A pesares do parecer da CIG, o DXFP mantivo a súa decisión. Ata que o xoves 19, na Mesa Xeral, amosou a súa volubilidade e mudou de parecer: xa publicaron no DOG do luns 23, que a orde non vai ser nin a que quere a CIG nin a que defendeu o DXFP. Vai ser: primeiro A1 (A1-P.I., A1-Libre), despois A2 (A2-P.I., A2-Libre), e posteriormente virá C2.

Que pasou para este cambio de criterio? Pois simplemente que botaron contas e non lles daban as prazas se as persoas de A2-P.I. escollían postos abertos a A1/A2 antes que a xente de A1-Libre. Este problema é simplemente consecuencia da aplicación de criterios restrictivos que o director xeral pactou con CCOO, UGT e CSIF.

Había alternativa? Pois si. Abondaba que ofertaran todas as vacantes que non teñan algún tipo de restricción xudicial ou legal.

Co sistema que finalmente decidiron aplicar, as persoas que entran na Administración (A1-Libre), van escoller posto antes que persoas que aprobaron a promoción interna (A2-P.I.). E tan pancho.

Gardacostas

Enviáronos de Función Pública o luns 23 un correo cas prazas “que se ofertarán no próximo procedemento de elección de destino definitivo para o proceso selectivo para o ingreso na escala de axentes do Servizo de Gardacostas de Galiza”.

As 20 persoas que superaron o proceso selectivo están actualmente en destino provisional, e unha vez resolto o concurso de traslados, van dispoñer de 55 prazas para escoller en destino definitivo.

Pero, que pasou coas 19 prazas que desapareceron do listado que nos pasaran fai tan só semana e media? 

A semana pasada a CIG enviou un escrito a Función Pública no que, en grandes liñas, solicitabamos coñecer os criterios seguidos á hora de escoller os postos, e posicionabamos a prol de incluír na oferta a todas as prazas que sen ter algún impedimento legal ou xudicial, pasaran polo concurso e quedaran vacantes, abertas en RPT á escala de axentes do Servizo Galego de Gardacostas.

E a resposta que recibimos limítase a comunicarnos unha nova relación de postos na que desaparecen 19 postos sen motivar o por que. Esiximos unha explicación.

Detalles

Con motivo da conmemoración, o vindeiro 25 de novembro, do Día Internacional contra a violencia contra as mulleres, a Secretaría das Mulleres da CIG vén de convocar as seguintes CONCENTRACIÓNS DE DELEGADAS E DELEGADOS DA CIG:

  • A CORUÑA: MÉRCORES, 25 de novembro de 2020, Día internacional da loita contra a violencia contra as mulleres, diante da Delegación do Goberno, na Praza de Ourense, nº 11, en horario de 12 a 13 horas,
  • AS PONTES: MÉRCORES, 25 de novembro de 2020, na Praza Do Hospital, en horario de 12 a 13 horas,
  • COMPOSTELA: MÉRCORES, 25 de novembro de 2020, diante do Complexo Administrativo de San Caetano, en horario de 12 a 13 horas,
  • FERROL: MÉRCORES, 25 de novembro de 2020, diante do Edificio da Xunta, en horario de 12 a 13 horas,
  • LUGO: MÉRCORES, 25 de novembro de 2020, diante da Subdelegación do Goberno, Rúa Armanyá, 10, en horario de 11 a 12 horas,
  • OURENSE: MÉRCORES, 25 de novembro de 2020, diante da Subdelegación do Goberno, no Parque San Lázaro,1, en horario de 12 a 13 horas,
  • PONTEVEDRA: MÉRCORES, 25 de novembro de 2020, diante da Subdelegación do Goberno, na Praza de España, en horario de 12 a 13 horas,
  • RIBEIRA: MÉRCORES, 25 de novembro de 2020, diante da Delegación do Goberno, na Praza de Ourense, nº 11, en horario de 11:30 a 12:30 horas,
  • VIGO: MÉRCORES, 25 de novembro de 2020, diante do Edificio da Xunta, en horario de 12 a 13 horas,
  • VILAGARCÍA: MÉRCORES, 25 de novembro de 2020, diante do Servizo Galego de Colocación, en horario de 12 a 13 horas,

O obxecto destas mobilizacións que se celebrarán simultaneamente nestas dez localidades galegas é denunciar que pese a que pandemia puxo de manifesto que as tarefas de coidados son traballos esenciais para sociedade, non foron nin están a ser obxecto dunha protección especial durante a crise sanitaria, non se puxeron en marcha políticas públicas para reforzar e revalorizar as profesións relacionadas cos coidados, nin se lexislou para garantir os dereitos de coidados das persoas, porque foi o capital quen xestionou a crise sanitaria e quen ditou a resposta a esta. Desde a CIG esiximos que é preciso que se lle dean ás tarefas de coidados o valor real que teñen como traballos esenciais para a sociedade. Porque como versa o lema da campaña da nosa central sindical: Descoidar a quen coida é violencia machista.

Ditas concentracións terán lugar adoptando as correspondentes medidas de distanciamento e seguridade conforme ás medidas de prevención instauradas ante a evolución da pandemia.

Paralelamente, facemos un chamamento a participar nas mobilizacións convocadas pola Coordenadora Nacional da Marcha Mundial de Mulleres na Galiza (organización da que a CIG forma parte), e do resto de colectivos feministas o 25 de novembro:

http://feminismo.info/feminismo/blog/25n-na-rua-combater-a-violencia-machista-e-unha-prioridade-para-a-saude-de-todas/

Detalles

A carreira profesional e os acordos anteriores conservánse, pero a Xunta renuncia a calquera suba adicional que compense a perda salarial dos seus empregados públicos e fica parada ante o mantemento da taxa de reposición.

  • Incremento salarial do 0,9% derivado da suba establecida nos Orzamentos do Estado con carácter básico. Dende a CIG denunciamos que hai un elemento diferencial e que sufrimos a maior carga de recortes das nosas retribucións durante a última década en comparación co resto do estado, polo que cumpre un plan de recuperación salarial e non quedarnos co 0,9%. Aínda que o señor Feijóo está facendo propaganda de austeridade aos altos cargos (agás conselleiros e o presidente que rondan os 70.000 euros), si lles suben o soldo un 0,9 % na mesma porcentaxe que ao resto do persoal empregado público.
  • Mantéñense os incrementos salariais contemplados nos acordos asinados, como por exemplo as subas da carreira profesional. A CIG esixiu a ampliación da carreira profesional ao persoal excluído sen agardar a que se resolvan os recursos xudiciais presentados pola CIG.
  • Seguen a manter a mesma taxa de reposición que no estado español (110%), co que non se recupera emprego nin se reduce a temporalidade. A CIG esixiu que se debe obedecer ao designio do Parlamento galego e que a Xunta debe ser a que tome a decisión sobre as ofertas de emprego público. Necesítanse OEP´s grandes para reducir a temporalidade.
  • Esiximos a recuperación do Fondo de Acción Social e a derrogacion da lei de medidas do ano 2012 que mantén suspendidos varios artigos do V Convenio.
  • Continúan a restricións para a contratación de persoal laboral e interino. Restrínxese incluso máis que en anos anteriores ao limitar a contratación de persoal non docente nos centros de ensino.
  • Efectos da funcionarización: A Xunta só orzamenta o custe que lle supón a modificación do contrato de 9 a 12 meses do persoal fixo descontínuo de incencios que se funcionarice.

Detalles

Como acostuma a facer nos últimos anos, a Xunta modifica a LEPG a través da lei de medidas. Adapta varios artigos á lexislacion básica estatal e establece medidas para as listas de contratación e procesos selectivos en tempos COVID

Modificacións da  LEPG derivadas da lexislación estatal básica:

  • Adaptación da LEPG en varias materias motivadas polo Real Decreto Lei 6/2019, do 1 de marzo de medidas urxentes para a garantía de igualdade de trato e de oportunidades entre homes e mulleres e pola acordanse agora da Lei 29/2011 do 27 de setembro de recoñecemento e protección integral das vitimas de terrorismo.
  • Así adiantamos que queda afectada a mobilidade interadministrativa, as reduccións e adaptacións da xornada de traballo, o permiso por lactación e por parto, adopción, garda e acollemento, permiso do outro proxenitor, vacacións do persoal funcionario, engaden as vítimas do terrorismo como causa de excecdencia voluntaria e tamén unha nova excedencia por razón de vilencia terrorista, adaptación no reingreso ao servizo activo.

O resto dos cambios son medidas específicas da comunidade autónoma:

  • Engaden unha nova Disposición adicional décimo quinta pola que poderá preverse como méritos valorar nas convocatorias ou concursos de traslados ou incluso no acceso extraordinario aos distintos graos da carreira profesional á prestación de servizos COVID en determinadas categorías.
    A CIG manifestou que en todo caso debe negociarse no seu ambito sectorial e que a LEPG non debe recoller singunha referencia a puntuacións adicionais, menos aínda cando quedan categorías excluídas e non podemos valorar os seus efectos.
  • Engaden un novo parágrafo á disposición transitoria primeira referida á funcionarización:
    “No suposto de que o persoal laboral fixo que posuíse a dita condición no momento da entrada en vigor da Lei 7/2007, do 12 de abril, do EBEP, e adquirise posteriormente outra categoría profesional como persoal laboral fixo polo procedemento de promoción interna, poderá participar no proceso ao que se refire o parágrafo anterior dende esta derradeira categoría profesional.”
  • Disposicion derradeira quinta: Aquí a Xunta pretendía derrogar a vixencia do grupo B a espera dunha suposta regulación polo Estado que non necesitan. Aceptaron as nosas alegacións e retiran o punto.

 

OUTRAS DISPOSICIÓNS

Medidas especiais en materia de listas de contratación de persoal funcionario interino ou persoal laboral temporal derivadas da situación de emerxencia sanitaria: 

  • Listas de contratación de categorías de perfil sanitario ou sociosanitario: No caso de non haber integrantes nas listas, acudirase ao establecido no 7.5.b.1.2 do V Convenio ou listas de contratación Sergas. Se non hai aspirantes acudirase a penalizados/as (primeiro aos que solicitaron a reincorporación e despois o resto).
    No caso concreto da categoría IV-3, auxiliar de clínica, poderá accederse opcionalmente a persoal doutras listas que teña o grado medio de técnico/a de coidados auxiliares de enfermería ou equivalente.
  • Nalgunhas categorías para as que se acude ao artigo 7.5.b.1.2, poderán ser seleccionados candidatos que carezan do certificado acreditativo de coñecemento da lingua galega.
  • O periodo de penalización pasa 1 ano a 6 meses.
  • As solicitudes de reincorporación (por suspensión) producirán efectos ao día seguinte da súa presentación.
  • O establecido nestas medidas ten vixencia limitada á duración do estado de alarma/emerxencia sanitaria e ás súas prórrogas, de ser o caso.

Medidas especiais en materia de procesos selectivos ou de provisión derivadas da situación de emerxencia sanitaria:

  • Ampliación dos prazos de realización de exercicios dos procesos selectivos
  • Posibilidade de realizar os exercicios en distintas quendas con distintos exercicios e en distintas sedes.
  • Posibilidade de segunda convocatoria por situación covid dalgún/ha aspirante (sintomatoloxía, illamento ou corentena)
  • Adopción de calquera outra medida proposta pola autoridade sanitaria.

 
Para a CIG é imprescindible o consenso para a realización de calquera exercicio e que as medidas das autoridades sanitarias non corrompan os principios para o acceso á función pública. A realización da proba pode ser “segura” pero se hai un alto indice de contaxio social as posibilidades de que aspirantes teñan que ir a segunda convocatoria é alta: unha fonte de conflito innecesaria, polo que o recomendable é agardar á mellora da situación sanitaria.

Cando se trata dos exercicios coidamos que o máis obxectivo e preferible é un mesmo exercicio simultáneo en multisede (tipo ABAU) que exercicios diferentes en horarios diferentes. A propia Xunta de Galiza conta con medios dabondo para levar adiante isto, habendo máis de 1.000 institutos de secundaria repartidos polo país nos que se poderían facer os exames.

Outra información:

  • Mesa Xeral o 24/11 para tratar os estatutos da integración do persoal do Consorcio.
  • OPE 2020: convocan para negociar vindeira semana
  • Dende FP impoñen o seguinte criterio na elección de destino do A1 e A2: Mudan o criterio inicial e anuncian a seguinte orde xustificando “que non quedan prazas para A1 e que non queren facer saltar interinos” (é destino provisional): A1PI-A1L-A2PI-A2L. Co cal lle están dando prioridade na elección ao persoal de acceso libre do A1 sobre o de promoción interna do A2. Isto despois de ter advertido que os números non daban e seguir Función Pública mantendo que primeiro ía ir toda a promoción interna.
  • Gardacostas: Publicación inminente as prazas que quedaron do concurso e toma de posesión con carácter definitivo

Máis alá da ampliación dos prazos de realización dos exames, Función Pública non concretou nada. O único que temos son as declaracións de Feijóo na prensa de que este ano non van ser, cousa evidente porque de facelo incumprirían a súa propia palabra (non sería a primeira vez) de avisar cun mes de antelación e porque meteríamonos en pleno nadal.

En definitiva, manteñen a incertidume das persoas aspirantes, sen datos concretos de posibles datas e sen un cronograma real que permita unha planificación axeitada do estudo e da preparación dos exames. Unha vergoña.

 

 

Detalles

Comunícanos Función Pública que a elección de destino provisionaol das persoas que superaron os procesos selectivos do corpo superior (A1) e corpo de xestión (A2) de Administración xeral, tanto de promoción interna como de acceso libre, vai publicarse o luns 23 de novembro. 

Acompañan a comunciación do listado que lles van ofertar: descargar.

Os criterios seguidos por Función Pública para decidir os postos a ofertar, co apoio de CCOO e UGT, e que a CIG non comparte, son:

  1. Postos vacantes sen ocupación.
  2. Postos ocupados en comisión de servizo por persoas que aprobaron a promoción interna (todos os casos son de xente que ocupa posto aberto a grupo superior, e por tanto queda no seu propio posto).
  3. Postos ocupados por interinos/as que aprobaron o proceso selectivo.
  4. Se os anteriores non chegan, postos ocupados por interinos/as de menos de 3 anos.