Novas por contido

O mércores 30 de setembro, e mediante Real Decreto-lei, foi modificado o Estatuto Básico do Empregado Público (EBEP) para introducir un novo artigo 47-bis sobre o teletraballo nas administracións públicas. 

Dos cinco sindicatos con representación na Mesa Xeral en Madrid, CCOO, UGT e CSIF acabaron asinando un texto moi pouco ambicioso, rexeitado por CIG e ELA.

A CIG participou activamente na negociación “exprés” da reforma do EBEP para introducir o teletraballo nas administracións públicas, e que rematou coa publicación no BOE do 30/09/2020 do Real Decreto-lei 29/2020, de medidas urxentes en materia de teletraballo nas Administracións Públicas e de recursos humanos no Sistema Nacional de Saude para facer fronte á crise sanitaria ocasionada polo COVID-19.

Defendimos unha táboa cos nove puntos mínimos que consideramos que debería contemplar unha norma básica como é o EBEP. A nosa aportación, concreta, estudada e argumentada, permitiu mellorar de xeito claro a proposta inicial do Ministerio de Administracións Públicas. Así, foron incluídas as nosas propostas de que o teletraballo terá carácter voluntario e reversíbel, e que a Administración proporcionará e manterá os medios tecnolóxicos necesarios.

Porén, hai 3 puntos básicos das nosas propostas que, a pesares de ser aceptados pola Administración, foron incorporados tan só na exposición de motivos, non no novo artigo 47-bis, circunstancia que levou á CIG a non asinar o texto, dado que a exposición de motivos non obriga a nada, a diferencia da parte dispositiva do texto que é a que ten forza normativa. 

Estes puntos defendidos pola CIG e recollidos tan só na exposición de motivos son:

  • O dereito á desconexión dixital
  • A avaliación e prevención de riscos laborais
  • A formación en competencias dixitais

Inicialmente a postura da CIG foi apoiada por CCOO, UGT, CSIF e ELA, pero finalmente os tres primeiros aviñéronse a aceptar a postura da representación da Administración, polo que tan só CIG e ELA mantivemos a nosa postura na Mesa Xeral de Negociación das Administracións Públicas.

Agora toca negociar coa Xunta de Galiza unha norma clara para a regulación do teletraballo na nosa Administración Autonómica, que se adapte á realidade e ás necesidades da cidadanía, do persoal empregado público.

Outras novas recentes

Xoves, 19 Novembro 2026

Oposicións acceso libre: corpos superior, xestión, administrativo, auxiliar; escala FOL; enquisador, (para 24/11/26)

A Dirección Xeral de Emprego Público e Administración de Persoal convocou Mesa Xeral e Mesa Sectorial para discutir as bases das convocatorias dos seguintes procesos selectivos. Se é do teu interese, podes contactar coa CIG: Corpo superior-A1. Acceso libre. 60 prazas. Oposición. Descargar Corpo de xestión-A2. Acceso libre. 57 prazas. Oposición. Descargar Corpo...
Mércores, 18 Novembro 2026

RPT do Mar (centros de ensino) (26/11/26)

A Secretaría Xeral do Mar convocounos a unha xuntanza para o xoves 26 de novembro, para tratar unha proposta de modificación da súa Relación de Postos de Traballo. A proposta afecta ás escolas oficiais nautico-pesqueira de Ferrol e Ribeira, ao instituto en acuicultura da Illa de Arousa e ao instituto marítimo-pesqueiro do Atlántico de Vigo. En todos eles crean postos de...
Mércores, 18 Novembro 2026

Promoción interna corpos xerais, destinos veterinarios/as, gardacostas, PSX, funcionarización en excedencia (CP 17/11/26)

Na Comisión de Persoal do 17 de novembro votáronse as convocatorias de procesos selectivos de promoción interna para o corpo superior A1, corpo de xestión A2, e corpo auxiliar C2 . O noso voto foi en contra das bases desas convocatorias xa que non estamos conformes coas restricións do número de prazas, de escalas nin de recualificación dos postos ou dalgún sistema que...