- Detalles
O xoves 16 de xaneiro de 2020 acudimos a unha reunión co director de función pública para tratar o Anteproxecto de Lei de Impulso Demográfico de Galicia. No anteproxecto faltan medidas específicas dirixidas á fixación de poboación no medio rural e costeiro con pouca poboación, garantindo servizos e prestacións similares ás zonas máis poboadas. É necesaria unha descentralización que garanta os criterios de proximidade e de fixación da poboación nas zonas pouco poboadas, como o acceso de toda a cidadanía aos servizos básicos con independencia das súas condicións e características persoais e sociais.
Recolle medidas que xa existen como a tarxeta benvida, o bono concilia, bolsa de horas e engádelle moitos bos propósitos sen concretar. É un claro exemplo de propaganda... seica se aproximan as autonómicas! Feijoo xa está en modo campaña!
Deixa moito no aire e non fai propostas concretas. Desde a CIG fixemos varias achegas:
- Garantir as medidas derivadas do Plan de Igualdade da Xunta de Galiza (día de hoxe non está elaborado),é necesario impulsar medidas de flexibilización e conciliación nos servizos públicos rurais e de vilas e cidades interiores da Galiza.
- Garantir uns adecuados servizos públicos nas áreas rurais dotando de medios persoais adecuados as oficinas e centros periféricos, de ensino, comarcais…
- Medidas compesantorias para os traballadores públicos que viven ou traballan no rural ou localidades afastadas.
- Non se mencionan mecanismos para a salvagarda do dereito das persoas traballadoras, tamén na Administración, con responsabilidades familiares, particularmente a muller, á formación presencial ou á promoción profesional, como o establecemento de horarios das actividades formativas e das actividades profesionais compatíbeis (horarios de xuntanzas de traballo etc.).
- Emprego da lingua galega por parte do persoal dos servizos públicos especialmente, no ámbito rural, na relación coas persoas usuarias.
- Na lei falan de medidas para favorecer as familias de especial consideración pero non existe ningunha referencia as familias do persoal empregado publico. É necesario recuperar o Fondo de Acción Social do 2010, ampliar a súa asignación orzamentaria e incluír novas axudas que as apoien e favorezan.
- Solicitamos medidas específicas destinadas aos traballadores públicos membros de familias especial consideración, por exemplo: a) Axudas económicas b) Gratuidade en instalacións deportivas, recreativas e museos da Xunta de Galicia.
- Posibilitar e impulsar a formación presencial continuada do persoal empregado público das zonas afastadas, desistindo da centralización na EGAP. No caso do persoal de servizos comarcais e centros de ensino promoverase a súa formación con medidas de apoio (transporte, substitución…) que fomenten a súa participación nas actividades formativas.
- Impulso da flexibilidade no sector público autonómico que inclúa ao persoal a quendas, con xornada especial ou partida (m/t) e persoal de centros periféricos e con atención ao público.
- Estudo das necesidades de conciliación por centro de traballo. Desta forma evitase por parte deste persoal ter que solicitar a redución de xornada para conseguir a concreción horaria que desmonta as carteleiras de traballo e produce ademais dunha discriminación salarial problemas organizativos nos centros de traballo.
- Garantir facilidade para poder teletraballar a maior parte das xornadas da semana (en moitas cosas non se está concedendo máis dunha xornada a semana, aínda que no decreto que regula o teletraballo se contemplan ata 3, de acordo aos datos de FP a media está en 2).
- Permitir flexibilizar a xornada laboral con absoluta liberdade dentro do horario de referencia, con cumprimento de todas as horas de traballo aplicábeis en cómputo mensual, permitindo a acumulación de xornadas e eliminando a presenza diaria obrigatoria.
- Bolsa de horas positiva para conciliación de , de forma que se acumulen as horas realizadas para poder consumir con posterioridade e en computo anual (e aumentar ao 10%).
- Bolsa de horas independente da de conciliación familiar, para todo o persoal de consumo trimestral e positiva.
- Estender os dereitos de conciliación tamén aos maiores que non conviven no fogar.
- Horario de verán para tódolos empregados públicos dende o 1 de xuño ao 30 de setembro independentemente do centro de traballo (con redución proporcional para todo o persoal de redución horaria).
- O horario de verán será de aplicación automática para o persoal. Para o que traballa a quendas ou horario especial, xornada partida etc estableceranse medidas de compensación alternativas.
- Dotar os edificios administrativos e centros de traballo dos servizos necesarios para favorecer e facilitar a conciliación: salas de lactación materna, xantar (comedores), descanso e coidado dos cativos e cativas en horarios de maña e tarde (escolas infantís e ludoteca). Mentres non se implanten estes servizos promoveranse convenios asistenciais en distancias inferiores a 1 km centro de traballo.
Ante as nosas alegacións o director de FP responde que trátase dun lei que trata aspectos xerais e este tipo de cousas son para desenvolver máis tarde en regulamentos e decretos. Preguntámoslle ¿por qué modifica temas tan concretos como os ratios dos centros de menores e escolas infantís? Unha lei de impulso demográfico non é o instrumento axeitado para modificar as ratios definidas no decreto 329/2005, ten que ser obxecto de negociación colectiva noutro ámbito de actuación.
En xeral, parece que función pública non vai aceptar ningunha alegación, só pequenas variacións ao texto matizando algún artigo.En resumo: unha oportunidade perdida en avanzar na igualdade real, conciliación corresponsable e sobre todo no impulso demográfico de Galicia.
- Detalles
Suspenso en transparencia, con respecto á lingua galega e no eido da igualdade. Este é o balance despois da derradeira xuntanza de 2019, o pasado xoves 19 de decembro, do Consello Reitor da EGAP, nunha sesión centrada na presentación por parte da directora da EGAP, Sonia Rodríguez-Campos González, do informe das actividades de 2019 da EGAP e da programación para 2020.
Absoluta falta de transparencia da EGAP
A EGAP, lonxe de dar conta dos datos que permitan obter dun xeito rigoroso e válido a información sobre o seu desempeño e o grao de consecución dos obxectivos e os fins marcados pola Lei 4/1987 de creación da EGAP, e a Lei 10/1989, pola que se modifica a devandita Lei, limítase a proporcionar meras listaxes e a dar cifras soltas carentes de utilidade e relevancia ao non estar postas en relación con ningún indicador que poida amosar de forma clara e concisa que actuacións desenvolveu, de que xeito as desenvolveu, cales foron os seus resultados, que persoal se beneficiou delas e cal non, e o nivel do seu desempeño e da calidade obtidos co seu traballo (cursos, xornadas, publicacións, subvencións, convenios, contratos, premios, etc.). Toda a información precisa para unha mínima transparencia non se está a pór a disposición nin dos/as integrantes do Consello Reitor, nin dos/as usuarios/as nin da cidadanía en xeral a través do propio web da EGAP. Chega con botar unha simple ollada ao web da Escola para verificar que o sitio está desactualizado e falto xa non só das estatísticas mínimas sobre a súa actividade, senón tamén dos datos básicos sobre as súas actuacións.
- Detalles
As ordes de convocatoria propostas afondan na incertidume do persoal a hora de se funcionarizar
Con estas convocatorias chegamos á recta final dun proceso de funcionarización obrigatoria e sen garantías de que se manteñan os dereitos salariais e laborais. A Xunta de Galiza practicou a mala fe no proceso negociador con pactos vergoñosos con CCOO e UGT que fixeron de comparsa necesaria.
Esiximos unha volta a razón e a negociacion dun Acordo de garantías laborais e salariais e concurso de traslados previo a estes procesos de funcionarización.
Sobre as convocatorias:
Por que saen uns postos para funcionarizar e outros non incluso sendo da mesma categoría ou centro?.
Que pasa se tes varias prazas gañadas, nas que estes en excedencia, tes que renunciar tamen a elas? (segundo a redaccion renuncias a condicion de persoal laboral coa Xunta).
E que sucede se non teño os 2 anos como laboral fixo porque levo 10 de interina e non tomei posesion da praza que gañei? (Non ten o requisito de 2 anos).
E mais cuestións sen resolver:
Como se vai a artellar un concurso mixto funcionario/laboral? Ou e que tampouco vai a haber concurso de traslados despois?
Que pasa coa xubilación parcial? E as persoas que xa están nela?
A carreira profesional foi a chantaxe para a funcionarización, hai que voltar as cantidades cobradas?
Canto vou cobrar de soldo se me funcionarizo? e se logo concurso?
Cales van ser os meus dereitos laborais? Terei compensación por nocturnidade, traballo a quendas…? Cal vai ser o meu horario de traballo?
Como laboral indefinido non fixo ou temporal...Vanme nomear interino sen indemnización por extinción do contrato?
- Detalles
Suspenso en transparencia, con respecto á lingua galega e no eido da igualdade. Este é o balance despois da derradeira xuntanza de 2019, o pasado xoves 19 de decembro, do Consello Reitor da EGAP, nunha sesión centrada na presentación por parte da directora da EGAP, Sonia Rodríguez-Campos González, do informe das actividades de 2019 da EGAP e da programación para 2020.
A EGAP dános formación sobre igualdade mentres leva 12 anos incumprindo co persoal da Xunta de Galiza a Lei para a igualdade efectiva de mulleres e homes, e mentres forman o seu Consello Reitor un total de 24 homes e 2 mulleres
Na xuntanza do Consello Reitor da EGAP do pasado 19 de decembro de 2019 volvemos constatar que dende a dirección da Escola se fai gala dun total desleixo pola integración do principio de igualdade na formación, e pola adopción da perspectiva de xénero, aspectos nos que reiteramos que é preciso que se adopten as medidas estipuladas pola lexislación vixente.
- Detalles
A CIG acude ao Parlamento de Galiza e presenta unha Proposición Non de Lei (PNL) para a formación do persoal do servizo de Incendios (SPIF) da Xunta de Galiza e así avanzar cara unha maior profesionalización
A Xunta esta a vender futuras planificacións e incluso unha nova lei de incendios mentras non cumple os acordos acadados e non avanza na formacion do seu persoal. É necesario comezar xa a preparar seriamente ao persoal de cara as continxencias relacionadas cos incendios forestais e as emerxencias ambientais.
Na CIG seguimos a loitar pola formacion como piar básico para profesionalización e estabilización do SPIF. Por ese motivo, non paramos de poñer en marcha numerosas iniciativas para conseguir que o Servizo de incendios teña a formación máis axeitada consonte ás súas peculiares características
- Detalles
O contrato de remuda é para a cobertura do tempo de traballo que deixa un traballador en situación de xubilación parcial anticipada; é un contrato de carácter temporal regulado tanto no art. 12.7, condicións e duración, como no art. 49.1, extinción, do Estatuto dos Traballadores (ET).
No que a extinción deste contrato se refire, o art. 49.1.c do ET establece que á expiración do mesmo, a persoa traballadora terá dereito a percibir unha indemnización por unha contía equivalente á parte proporcional da cantidade que resultaría de aboar doce días de salario por cada ano de servizo.
O regulado no art. 49.1c non é unha cuestión interpretable ou discutible. É norma de obrigado cumprimento. Sen embargo, algunhas xefaturas territoriais da Xunta de Galiza, ben por descoñecemento, ben porque aforran unhas perras, non indemnizan aos traballadores temporais no remate do seu contrato de remuda.
Se a Xunta de Galiza no cumpre este precepto, obriga á persoa traballadora a unha continua reclamación e, en moitos dos casos, á perda da indemnización por descoñecemento dos dereitos do seu contrato. Se é teu caso, contacta coa CIG.
- Detalles
Desde fai anos a CIG ven solicitando o concurso de traslados permanente tanto para corpos e escalas de Administración xeral e especial como para laborais. Un concurso permanente e aberto para todas as traballadoras e traballadores públicos da Xunta que garanta a cobertura máis inmediata e baixo demanda de postos públicos por criterios obxectivos e ademais non se producen desequilibrios organizativos na Administración autonómica ao andar saltando de posto a posto ao mesmo tempo centos de persoas.
O concurso permanente remataría coas comisións de servizo arbitrarias e os problemas que ocasiona no concurso de traslados xeral a valoración do tempo en comisión de servizo.
Agora, a Xunta vai por en marcha o expediente dixital do empregado público, que permitirá a xestión electrónica de todos os procesos vinculados á carreira profesional dos profesionais da Administración autonómica. Con este obxectivo, a Axencia para a Modernización Tecnolóxica de Galicia (Amtega) vén de licitar a adaptación, evolución, implantación e soporte da plataforma FIDES, o sistema que se está a empregar no SERGAS para xestión dos recursos humanos do ámbito sanitario.
Despois de moitos anos e diñeiro gastado en desenvolver aplicacións para a xestión do persoal da Xunta, os responsables danse conta que todo o que teñen non vale para nada e deciden tiralo ao lixo.
Esta licitación suporá un orzamento de 735.467,04€, pero seguro que posteriormente sairán novos contratos que aumentarán o custo final. Supón a implantación do sistema FIDES como sistema transversal e a súa adaptación para substituír as aplicacións de xestión de recursos humanos da Xunta de Galicia existentes, entre elas: portal do profesional, o expediente electrónico, o sistema de cálculo de baremos, sistema de publicacións, sistema de notificacións e avisos, sistema de xestión da carreira profesional, sistema de xestión de concursos de traslados, sistema de xestión de listas de contratación, sistema de xestión de procesos selectivos e o rexistro de actividade e xestión de cargas de traballo.
A boa nova é que o prego de condicións técnicas inclúe a adaptación do sistema para permitir a xestión de concursos continuos ou permanentes, é dicir, en lugar de realizar concursos periódicos permitir a opción dunha xestión dinámica de oferta de postos vacantes. A mala nova é que o proceso de implantación será de dous anos desde a formalización do contrato, así que se todo vai ben e no mellor dos casos estamos falando de mediados do ano 2022.
Desde a CIG felicitamos a Función Pública e AMTEGA pola súa eficiencia e eficacia en implantar o concurso permanente despois de anos de reivindicación.
- Detalles
A CIG presenta recursos de reposición a varios procesos selectivos convocados en novembro en base a OPE 2019 da Xunta por incumprir a Lei de emprego publico de Galiza.
As convocatorias de procesos selectivos como as das escalas sociais, bioloxía A1 e dos distintos subgrupos da Administración Xeral publicadas durante o mes de novembro en numero de prazas son escasas e insuficientes. Asemade, saen convocadas prazas de funcionarios que hoxe non existen en RPT como as de medicina ou os corpos de servizos sociais, faltan ou son insuficientes as correspondentes á promocion interna (que non computan na taxa reposicion polo que ademais deberían sumarse e non retraerse do computo total).
Fixemos as contas e só nas convocatorias do mes de novembro faltan 473 prazas para promoción interna que a lei marca como mínimo.
Buscamos con estes recursos impugnar estas bases e obrigar a xunta a convocar as prazas reservadas para a promocion interna. Ademais demandamos a convocatoria de concurso-oposición de prazas ocupadas por persoas afectadas pola disposición transitoria 10ª 2ª parte do V Convenio Colectivo Único da Xunta de Galiza, porque veñen numerosos códigos de postos errados...
- Detalles
Suspenso en transparencia, con respecto á lingua galega e no eido da igualdade. Este é o balance despois da derradeira xuntanza de 2019, o pasado xoves 19 de decembro, do Consello Reitor da EGAP, nunha sesión centrada na presentación por parte da directora da EGAP, Sonia Rodríguez-Campos González, do informe das actividades de 2019 da EGAP e da programación para 2020.
A EGAP incumpre a súa lei de creación e os fins encomendados con respecto á lingua galega
Nas distintas xuntanzas do Consello Reitor do ano 2019 a CIG solicitou o cumprimento por parte da EGAP de todos e cada un dos fins que por lei ten establecidos con respecto ao galego (Artigo 3.5 da Lei 4/1987, do 27 de maio, de creación da Escola Galega de Administración Pública):
- A difusión e normalización do idioma galego na Administración pública
- A capacitación lingüística do persoal
- A participación na fixación da linguaxe técnica, administrativa e xurídica galega
A EGAP está a reducir unicamente á capacitación lingüística as súas obrigas con respecto á lingua galega, e tanto é así que, ademais, suprime a mención completa dos fins estipulados na Lei na páxina de Transparencia do seu web.
- Detalles
A Xunta de Galiza ten contratadas como descontinuas (fixas e temporais) para o servizo de incendios (PLADIGA) a moito persoal. Por exemplo, hai 984 persoas con contrato de cinco meses ao ano e 627 con nove meses.
Si para ter dereito a cobrar prestación de desemprego fai falla traballar 12 meses para cobrar catro, de que viven os meses en que non traballan na Xunta?
No que seguro non lles deixan traballar ao persoal fixo descontinuo é no que saben facer, pois teñen prohibido facelo no sector público (concellos ou empresas públicas como Seaga ou Tracsa), pois a Xunta está a denegar a compatibilidade.
Ante este problema que teñen nos períodos de inactividade, a CIG considera que a Xunta non debe afondar no maltrato ao seu persoal fixo descontinuo. Non é aceptable obrigar a sobrevivir cun contrato que ten en moitas ocasións xornada igual ou inferior á media e sen chegar ao salario mínimo interprofesional en cómputo anual. Así, converten na práctica ao persoal que ocupa postos fixos descontinuos da Xunta a ser empregados públicos escravos e condeados a precariedade.