Novas por contido

62 inspectores desenvolven os controis en toda Galicia, un 38% menos que en 2006

CIG, CCOO, CSI•F e UGT convocan unha folga indefinida a partir do día 18 de maio para reclamar medios materiais e personais e unha mellor organización para garantir a correcta vixilancia

A pesar da protesta do colectivo do persoal Farmaceutico Inspector de Saúde Pública (FISP) o pasado 9 de decembro do 2015 ante a Consellería de Sanidade para reivindicar unha “maior responsabilidade sanitaria que evite riscos á poboación galega” e tras as importantes alertas ambientais xurdidas hai pouco tempo en Galicia (auga de Ferrol e legionella en Lugo), e máis recientemente a intoxicación de máis dun centenar de persoas de dous clubs de baloncesto no Salnés, Sanidade lonxe de mellorar a situación reduce máis a perioricidade no número de inspeccións a realizar.

Hai que resaltar que malia ser obrigatorio, a maioría das situacións de risco para a saúde non son comunicadas á poboación. Así, é habitual que a cidadanía descoñeza a existencia de abastecementos que subministran ‘auga non apta para o consumo’, piscinas que incumpren os parámetros de calidade do auga, zonas de baño contaminadas sen ningún tipo de sinalización nin vixilancia, colexios, gardarías, balnearios e termas públicas sen control sanitario, velorios e tanatorios ‘ilegais’, casos de legionelosis, e infinidade de fontes públicas e traídas veciñales que non están sometidas a ningún tipo de análise nin control.

Este ocultamento denota o desinterese de Sanidade pola saúde da cidadanía e reflicte a carencia de medios materiais e de persoal así como unha máis que mellorable organización deste servizo, que na actualidade está cuberto por 62 profesionais cando o corpo dos FISP en 2006 contaba con 100 prazas, é dicir, reducíronse un 38%.

Ante a falta de reacción da consellería, CIG, CCOO, CSI•F e UGT acaban de convocar unha folga deste servizo a partir do día 18 deste mes, ás 00.00 horas, e desenvolverase todos os luns, martes e mércores de todas as semanas de xeito indefinido.

Aos cidadáns, interesaralles que o labor de inspección dos FISP, co principal obxectivo de velar pola vixilancia da saúde pública ambiental, centrase en:

  • Auga de abastecementos: municipais, propios e vecinais, asegurando a calidade do auga que beben todos os cidadáns, como a que beben os nenos nas escolas, gardarías, fontes do camiño, etc.
  • Praias, asegurando a calidade do auga do baño (programa europeo).
  • Piscinas, asegurando a calidade do auga do baño, incluíndo piscinas, spas, jacuzzis-legionella, e inspeccionando os sistemas de auga quente sanitaria de hoteis, ximnasios, piscinas, hospitais, residencias da 3ª idade e torres de refrixeración ou condensadores evaporativos en industrias, centros comerciais..., para poder controlar a legionella e que non se cheguen a producir brotes como saen na prensa (Cataluña, Murcia...)
  • Centros de tatuaxe, piercing e micropigmentación, para asegurar que se realizan con tintas autorizadas,e que os tatuadores teñan a formación e vacinación axeitada, velando pola saúde dos cidadáns que requiren estes servizos (hoxe moi de moda entre a poboación máis nova)
  • Vixilancia en albergues do Camiño de Santiago, que cada vez son elixidos por un maior número de peregrinos durante todas as épocas do ano.
  • Control de biocidas, produtos químicos, que se utilizan en piscinas, legionella, auga de consumo humano, tratamentos de DDD...para asegurar que non soamente se utilizan produtos autorizados polo Ministerio senón que as empresas empréganas nas condicións adecuadas.
  • Denuncias que fan os cidadáns (tabaco, chinches, condicións de insalubridade...).

Outras novas recentes

Mércores, 26 Marzo 2025

Boletín CIG-Saúde Laboral nº 59 - marzo 2025

Boletín do Gabinete Técnico Confederal de Saúde Laboral da CIG. Neste número: Riscos psicosociais e saúde mental no traballo: Que son os riscos psicosociais? Que importancia ten o problema? Que se pode facer para previr e xestionar os riscos psicosociais? Prevención e xestión dos riscos psicosociais relacionados co traballo Apoio ao persoal que se enfronta a retos...
Xoves, 03 Abril 2025

Concurso de traslados xeral: novos postos de resultas e ampliación do prazo de solicitudes de postos

No DOG do 03/04/2025 publican a RESOLUCIÓN do 1 de abril de 2025, da Dirección Xeral de Emprego Público e Administración de Persoal, pola que se modifica a Resolución do 20 de marzo de 2025 pola que se acorda a apertura do período de presentación de solicitudes de elección de postos de traballo e o procedemento da xustificación da posesión de méritos e requisitos do...
Xoves, 27 Marzo 2025

Estase a restrinxir o teletraballo ás bravas?

A prestación de servizos na modalidade de teletraballo na Administración da Comunidade Autónoma de Galiza funcionaba ata o de agora con relativa normalidade agás a xa endémica opacidade da Xunta e a reiteración do incumprimento da convocatoria das Comisións de Seguimento para que as organizacións sindicais poidamos exercer un control.   Mais nos últimos días están a chegar...