Novas por contido

Os Farmacéuticos Inspectores de Saúde Pública (FISP), iniciaron este mércores 18 de maio a folga indefinida, que foi secundada polo 97% do colectivo

A Consellería de Sanidade está intentando boicotear o dereito de folga dos Farmacéuticos Inspectores, impoñendo unos servizos mínimos claramente abusivos e desproporcionados, así como reprogamando servizos que non son nin urxentes nin esenciais.

Trala comunicación do inicio de folga, o día 4 de maio, desde a Xunta de Galicia non se fixo ningún esforzo para atender as reivindicacións do colectivo do FISP, nin para dar resposta as graves carencias que ten o servizo de saúde ambiental.

Pola contra a Consellería de Sanidade, decidiu boicotear a convocatoria de folga, impoñendo servizos mínimos abusivos cos que pretendeu, primeiro amedrentar ao colectivo, e como non lle funcionou esa estratexia está recorrendo ao “esquilorismo empresarial” consistente en, reprogramar mais carga de traballo, os días de folga, que o resto dos días ordinarios do ano.

Esta incomprensible actitude dos responsables da Consellería de Sanidade, que demostran o máis absoluto desprezo e abandono no que á saúde ambiental se refire, obrigou ao colectivo de Farmacéuticos inspectores de saúde pública a comezar hoxe, 18 de maio, unha folga indefinida, que foi secundada polo 97% dos efectivos que podían secundala.

A Xunta de Galicia deberá aclararlle a opinión pública, si este corpo de inspección é esencial ou non para protexer a saúde pública da poboación, xa que desde a súa creación nunca tivo en conta a súa importancia, salvo nesta convocatoria de folga, na que o establecemento dos servizos mínimos e as funcións fixadas, se corresponden as dun colectivo que se “pretende vender” como imprescindible. Curiosamente ese recoñecemento profesional de corpo esencial, que os propios inspectores e as organizacións sindicais veñen reclamando desde a súa creación, é o que lle ven negando sistematicamente a Consellería de Sanidade.

Os sindicatos CIG, CCOO, CSIF e UGT xunto do colectivo de Farmacéuticos Inspectores van continuar coa folga indefinida, ata que a Xunta de Galicia convoque unha mesa de negociación para acometer as reformas necesarias consistentes en establecer unha estrutura adecuada, mellorar a súa organización e dotada dos recursos necesarios, para afrontar calquera situación sanitaria grave que poida producirse na nosa Comunidade.

A folga terá continuidade na próxima semana os día 23, 24 e 25 maio, polo que está nas mans dos Conselleiros de Sanidade e de Facenda, poñerlle fin a mesma, mediante a negociación e o diálogo, sempre sobre a base da mellora do servizo público e do recoñecemento profesional do colectivo.

Outras novas recentes

Xoves, 19 Novembro 2026

Aplicación do Decreto 37/2006 e listas definitivas de PSX e xerocultura

No DOG do 19/11/2026 publican: - RESOLUCIÓN do 13 de novembro de 2026, da Dirección Xeral de Emprego Público e Administración de Persoal, pola que se dispón a aplicación do Decreto 37/2006, do 2 de marzo, na cobertura dos postos do corpo auxiliar da Administración xeral da Comunidade Autónoma de Galicia, escala de persoal de servizos xerais (PSX), e do corpo de auxiliares...
Xoves, 19 Novembro 2026

RPT Emprego, Comercio e Emigración (19/11/26)

A Consellería de Emprego, Comercio e Emigracion, convocounos a outra xuntanza, que vai ser o xoves 19 de novembro, para continuar coa sú aproposta de modificación da Relación de Postos de Traballo. Para esta xuntanza, a Consellería achegounos documentación complementaria que podes consultar aquí: Descargar Se queres dicirnos algo, podes contactar coa CIG.
Venres, 13 Novembro 2026

Promoción interna corpos xerais; funcionarización en excedencia (para CP 17/11/26)

A directora xeral de Emprego Público e Administración de Persoal convocounos a unha xuntanza da Comisión de Persoal que será o martes 17 de  novembro, coa seguinte Orde do día: Convocatoria do proceso de funcionarización para o persoal laboral fixo que está na situación de excedencia. Descargar Convocatoria de promoción interna ao corpo superior-A1. Descargar Convocatoria...