Novas por contido

A CIG-Autonómica quere por de manifesto as queixas recibidas por numerosos compañeiros e compañeiras que o día 12 de marzo realizaron o exame para a promoción interna ao corpo auxiliar, subgrupo C2. O exame, que segundo as bases da convocatoria consistía nunha “proba práctica...na que os aspirantes poñan de manifesto o seu coñecemento e manexo de paquetes ofimáticos do contorno MS Office XP...” comezou sendo unha mofa aos centos de opositores e opositoras que se atoparon con dobre paquete ofimático, Office XP e Office 2007, instalado nos PCs.

O sentir maioritario dos opositores foi que este exame de promoción interna responde máis a un tipo de proba onde se acerta ao azar que a unha proba obxectiva que mida o coñecemento de todos e cada un dos opositores respecto ao contorno MS Office XP.

Este tipo de proba contravén ademais o disposto no artigo 18.4 do EBEP que reza: "As Administracións Públicas adoptarán medidas que incentiven a participación do seu persoal nos procesos selectivos de promoción interna e para a progresión na carreira profesional".

E do mesmo xeito ocorre co disposto no artigo 61.2 do EBEP: "Os procedementos de selección coidarán  especialmente a conexión entre o tipo de probas a superar e a adecuación ao desempeño das tarefas dos postos de traballo convocados..."

Dende a CIG-Autonómica queremos por de manifesto que non imos consentir que se deixen prazas vacantes para xustificar este desaguisado, nin que se obvie que a natureza deste proceso é un concurso-oposición, onde deben existir as dúas fases.

E por iso que dende a CIG-Autonómica instamos a Función Pública para que adopte as medidas necesarias e lle dea a este proceso unha solución acorde co fin do mesmo.

Outras novas recentes

Mércores, 20 Agosto 2025

‘Por un Monte Galego con Futuro’ convoca protestas contra a política forestal do PP “que queima os montes e as casas”

A CIG fai un chamamento a participar nas 26 concentracións que terán lugar en cidades e vilas de todo o país este xoves 21 a partir das 20:00h A plataforma ‘Por un monte Galego con Futuro’ convoca mobilizacións para denunciar que a actual vaga de incendios que está a padecer Galiza é consecuencia directa da política forestal do PP, unha política forestal que, tal e como...
Martes, 19 Agosto 2025

A CIG critica a caótica xestión do Goberno galego en materia de persoal de incendios

Alertamos de que se están a facer chamamentos en plena vaga de lumes sen tempo para formar en prevención. Dende a CIG-Autonómica denuncia a caótica xestión da Xunta de Galiza en materia de persoal do Servizo de Prevención e Defensa contra Incendios Forestais (SPIF), até o punto de que a día de hoxe aínda non se coñecen nin as vacantes que están por cubrir. Temos datos de...
Xoves, 28 Agosto 2025

Rueda, o máximo responsábel político da prevención e extinción de incendios na Galiza, debe cesar a conselleira de Medio Rural

Manter á conselleira e a unha cúpula de altos cargos incompetentes en Medio Rural faino máis cómplice do desastre A traxedia dos lumes que está a padecer Galiza é en grande medida froito das políticas de prevención e extinción dos lumes do PP que a converteu nun polvorín. A CIG leva anos advertindo das carencias na prevención e na nefasta xestión da extinción que pon a...