Novas por contido

O día seguinte á denuncia pública feita pola CIG-Autonómica, a conselleira de Facenda reacciona apresurándose a aceptar e publicar no DOG a renuncia dos dous xefes de servizo que se presentan ás oposicións ao subgrupo "A1" por promoción interna e que a súa vez formaban parte do tribunal do subgrupo "A1" polas quendas de acceso libre e consolidación.

Desde a CIG-Autonómica, consideramos que este feito non despexa as sospeitas que se cernen sobre o proceso selectivo ao subgrupo "A1", senón que as confirman.

É necesario que Función Pública dea explicacións públicas sobre o nomeamento dos dous xefes de servizo como avaliadores, sendo opositores ao mesmo subgrupo. Así mesmo, desde a CIG-Autonómica entendemos que é imprescindibel que Función Pública adopte medidas para despolitizar e garantir a independencia dos tribunais de selección, evitando que se reproduzan no futuro casos similares.

A secretaria e o presidente do tribunal de promoción interna son, respectivamente, presidenta e presidente suplente do tribunal de libre. Xa que logo, a CIG-Autonómica demanda a exclusión dos referidos xefes de servizo, ex-membros dun tribunal e opositores noutro. Esta circunstancia non nos ofrece garantías polas dúbidas de que os xefes de servizo poidan dispoñer de información privilexiada (criterios de redacción das preguntas e de corrección), así como pola relación persoal que mantiveron. Xa que logo, demandamos a exclusión dos afectados nos procesos selectivos aos que se presentan.

Outras novas recentes

Luns, 09 Novembro 2026

A CIG convoca 17 mobilizacións por todo o país na xornada de folga xeral do 11N

A central nacionalista empraza a clase traballadora galega a visibilizar a parálise da actividade económica e laboral da xornada de 24 horas asistindo masivamente ás marchas A CIG anunciou a convocatoria dun total de 17 mobilizacións por todo o país durante a xornada de folga xeral prevista para o vindeiro 11 de novembro baixo o lema 'Galiza en loita por unha vida digna'...
Venres, 13 Novembro 2026

Promoción interna de corpos xerais; funcionarización en excedencia; finanzas-veterinarios/as-agacal-gain-intecmar (MSF e MX 10/11/26)

O martes 10, véspera da Folga Xeral, asistimos á Mesa Xeral e Mesa Sectorial de Persoal Funcionario, nas que se trataron as convocatorias de promoción interna a corpos xerais e dos procesos de funcionarización de persoal laboral fixo que está en excedencia. Na rolda aberta de intervencións a DXEP deu información da escala de finanzas, da repesca de funcionarización de...
Venres, 13 Novembro 2026

RPT Emprego, Comercio e Emigración (11/11/26)

A Consellería de Emprego, Comercio e Emigración, convocou aos sindicatos a unha xuntanza para falar da súa proposta de modificación da Relación de Postos de Traballo da consellería. Descargar Contactamos coa consellería para pedir explicacións polo feito de que nos convocasen con menos de 48 horas de antelación (restando a xornada de Folga Xeral), o que imposibilita estudar...