Novas por contido

Os traballadores e traballadoras da Xunta de Galiza asistimos a un novo escándalo nos procesos selectivos ao subgrupo "A1"

Xa a finais de 2009, desde a CIG-Autonómica denunciabamos ante a Fiscalía as filtracións de exames dos subgrupos C1 e C2 de quenda libre e consolidación, esixindo a dimisión do director xeral da Función Pública. Hai poucos días, denunciabamos tamén o bochornoso proceso de promoción interna ao subgrupo C2.


Continuando esta sucesión de actuacións impresentabeis nos procesos selectivos, agora salta un novo escándalo nas oposicións ao subgrupo A1, esta vez debido a presenza de persoal de libre designación nos tribunais de selección. Dous xefes de servizo da Consellaría de Facenda preséntanse aos exames de promoción interna ao corpo superior da Xunta, simultaneando a súa condición de opositores coa de membros do tribunal que xulga o proceso de acceso libre ao mesmo corpo.

Os motivos para a sospeita acrecéntanse ao coindicir o presidente e a secretaria do tribunal de promoción interna cos dous xefes de servizo no tribunal de acceso libre, do que os catro forman parte. As sombras sobre o proceso selectivo de promoción interna alárganse, ademais, tendo en conta que todos os membros de ambos tribunais son nomeados polo Goberno, sen posibilidades de participación e control sindical sobre o desenvolvemento dos procesos.

Ante estes feitos, desde a CIG-Autonómica esixímoslle á Dirección Xeral de Función Pública que se estabelezan as máximas garantías de independencia dos tribunais destes procesos, impedindo que se poida simultanear a condición de opositor e avaliador para o acceso a un mesmo corpo, aínda que se trate de convocatorias separadas.

Así mesmo, desde a CIG-Autonómica demandamos que se abran cauces de participación democrática para impedir a instrumentalización e a apropiación dos tribunais de selección por parte do Goberno, ao nomear persoas cuxa continuidade no posto de traballo depende da confianza política, como sucede co persoal de libre designación. A gravidade do sucedido esixe que se tomen medidas inmediatas para impedir calquera sospeita de favoritismo ou politización dos tribunais de selección ao emprego público na Xunta.


Outras novas recentes

Martes, 19 Agosto 2025

A CIG critica a caótica xestión do Goberno galego en materia de persoal de incendios

Alertamos de que se están a facer chamamentos en plena vaga de lumes sen tempo para formar en prevención. Dende a CIG-Autonómica denuncia a caótica xestión da Xunta de Galiza en materia de persoal do Servizo de Prevención e Defensa contra Incendios Forestais (SPIF), até o punto de que a día de hoxe aínda non se coñecen nin as vacantes que están por cubrir. Temos datos de...
Xoves, 28 Agosto 2025

Rueda, o máximo responsábel político da prevención e extinción de incendios na Galiza, debe cesar a conselleira de Medio Rural

Manter á conselleira e a unha cúpula de altos cargos incompetentes en Medio Rural faino máis cómplice do desastre A traxedia dos lumes que está a padecer Galiza é en grande medida froito das políticas de prevención e extinción dos lumes do PP que a converteu nun polvorín. A CIG leva anos advertindo das carencias na prevención e na nefasta xestión da extinción que pon a...
Mércores, 20 Agosto 2025

‘Por un Monte Galego con Futuro’ convoca protestas contra a política forestal do PP “que queima os montes e as casas”

A CIG fai un chamamento a participar nas 26 concentracións que terán lugar en cidades e vilas de todo o país este xoves 21 a partir das 20:00h A plataforma ‘Por un monte Galego con Futuro’ convoca mobilizacións para denunciar que a actual vaga de incendios que está a padecer Galiza é consecuencia directa da política forestal do PP, unha política forestal que, tal e como...