O martes 5 de xullo de 2011, a Dirección Xeral da Función Pública (en diante DXFP) FP mantivo unha xuntanza coas organizacións sindicais representativas para tratar o futuro concurso de traslados do persoal veterinario e a reforma das Relacións de Postos de Traballo do persoal veterinario das consellerías de Medio Rural, Sanidade e Mar e o día seguinte convoca outra reunión.

Función Pública indicou que esta non será a última reunión antes de levar estes documentos a mesa xeral e que o lúns día 11 será o prazo límite para presentar alegacións o tema das bases do concurso de traslados.

Concurso de traslados de persoal veterinario:

O DXFP comunicounos as seguintes cuestións:

1- Vanse ofertar 358 vacantes: informouse de que hai 258 prazas vacantes e 238 persoas que poden concursar.

Os criterios do concurso serán idénticos os que se seguirán na admon xeral, especialmente no tocante a xente que se ocupa en destino provisional. Únicamente no tema numérico a hora de valorar criterios específicos pódese tocar algo.

2- A previsión da Administración é convocar o concurso de traslados durante o presente mes de xullo, pero que se poidan presentar as solicitudes ate principios de setembro, tendo en conta que nos atopamos nun período estival. En ningún momento se fala de cando se ia a resolver.

O DXFP informa que unhas 10 prazas das cales 2-3 están nun centro de Lourizán non sairán neste concurso, pero si sairán no de corpos especiais. Ollo so poderán optar a estas a xente que non concurse agora pola restrición de 2 anos de permanencia da praza que se establece o DL 1/2008.

Seguen a manter que este concurso non está previsto a fase de resultas, pero van a darlle outra volta xa que as OOSS insisten en que vai a ser pouca xente a que vaia a esta fase.

RPTs de persoal veterinario de Mar, Sanidade e Medio Rural:

O DXFP non menciona en ningún momento o Acordo de mellora para o persoal veterinario de 2008 asinado pola CIG e UGT.

Tamén se nos informou das seguintes cuestións:

1- Coa documentación aportada dan por contestadas as alegacións, e que as OOSS poden insistir no que estimen oportuno, pero que entenden que os cambios van a ser mínimos.

O ámbito de cada praza ven indicado no nome de cada un delas.

Se amortizan 89 prazas e se crean 87 segundo a seguinte táboa

2- Que nas prazas cos código 852 e 759, estes pasan de requisitos indispensables a méritos, e ademais se eliminan o requisito de números de anos.

3- Na RPT de Medio Rural, non quedan prazas con requisitos indispensables.

En canto a RPT de Sanidade, as prazas de Ribeira quedan como estaban, xa que están a dar problemas.