E posible que ás mentes ben pensantes , e deso ten que haber moito nesta terra, non se lle pase pola cabeza que ten que haber un erro para que incorporaren 21 veterinarios procedentes da consellería do Medio Rural á Subdirección de Gardacostas na “zona costeira” de Santiago de Compostela para que velen dende lonxe e a unha distancia prudencial das industrias, as empresas e demais axentes relacionados cos produtos pesqueiros, pola protección da saúde pública e da seguridade dos produtos pesqueiros.

Funcional e económicamente que os inspectores/as veterinarios/as se teñan que desprazar centos de de kilometros para realizar o seu traballo é dunha operatividade impresionante e que as empresas que teñan que facer algunha tramitación de documentos como por exemplo o “TRACES” certificado o documento sanitario que acompaña a los animales e os productos de orixen animal nos casos dos intercambios intracomunitarios, se teñan que desprazar a Santiago, suporalles un perda de tempo importante e os correspondentes custos económicos.

O actual goberno do PP na Xunta de Galicia, pola man da consellería de Mar afirma na presentación dun informe de furtivismo o día 7 de xuño de 2011 que incorporará 22 novos veterinarios ao Servizo de Gardacostas, hai que recordarlle que os veterinarios non poden ser integrados no Gardacostas e que o decreto que recolle as súas funcións non dí nada de que entre elas estea a loita contra o furtivismo, xa que non son axentes da lei.

Está modificación desregula un aspecto básico das condicións de traballo do persoal veterinario como é a localización dos postos, impoñendo unha localización nos Servizos Centrais que é manifestamente incompatible co desenvolvemento das tarefas de inspección no eido de Acuicultura, actividade esta que loxicamente se desenvolve na xeografía costeira do noso país.

A CIG, despois das xuntanzas que, xunto cas outras centrais representativas do persoal veterinario da Xunta de Galicia, mantivo durante o mes de xullo coa Administración, e onde quedaron afogadas as poucas esperanzas de enmendar a proposta da Consellaría do Mar, quere facer público, da mesma maneira que xa o fixo diante dos representantes da Administración, que o uso de criterios de eficiencia económica e operatividade para xustificar esta modificación pon de manifesto a non planificación dos controis veterinarios recollidos na normativa europea en relación as competencias que a Consellería do Mar ten en seguridade alimentaría, sanidade e benestar animal e control da cadea alimentaria e que a “austeridade” que tanto defende o Presidente da Xunta Alberto Nuñez Feijo neste caso queda en entredito, xa que aumentan os gastos tanto en coches , alomenos un por inspector/a, como en quilometraxe, combustible etc..