Novas por contido

Estes dous temas irán á vindeira Comisión de Persoal. Na última xuntanza informal do 18 de xullo se nos informou dos cambios aceptados pola Administración á raíz das diferentes alegacións presentadas.

Informa o director xeral de Función Pública do seguinte

  • Haberá fase de resultas, aínda que terá que facerse manualmente e pode causar atraso na resolución do concurso sobre todo por parte da Consellería de Sanidade xa que nos postos só chegan as zonas e non a localidade.

  • Saen ao concurso as 8 xefaturas de area de Medio Rural, e entre mañá e pasado procederse ao cese das persoas que ocupan eses postos, e incluiranse no buzón do concurso que se achegara o mais axiña posibel.

  • Que a modificación da estrutura orgánica da Consellería do Mar irá ao consello este xoves

  • Que se convocará a comisión de persoal este mercores día 20

  • Se suprime o posto do FOGGA nivel 20 do concurso por problemas (non explican cales) e que como ten un nivel tan baixo consideran que non é importante que saia.


Desde a CIG-Autonómica manifestámonos en desacordo con:

  • Non negociar o decreto de funcións do persoal veterinario nin as condicións de traballo dos postos da Consellería do Mar antes de negociar a reforma da RPT. A orde lóxica tería sido primeiro reformar o decreto, despois as RPTs e, por último, convocar o concurso de traslados.

  • Impoñer os ámbitos de actuación nas RPTs como a  localización nos Servizos Centrais da Consellería do Mar e as áreas en Medio Rural  en contra da norma vixente (decreto 200/1991).

  • Non ter en conta o resto de alegacións o que produce unha incerteza no persoal que vai a concursar sobre todo en relación aos postos da Consellería do Mar.


O director xeral xustificase dicindo que eses aspectos negociaranse en setembro ( decreto de funcións e a orde de condicións de traballo da Consellería do Mar), e que as funcións están recollidas no borrador e non van a cambiar aspectos importantes.

Outras novas recentes

Xoves, 31 Xullo 2025

Privatización do servizo de vixilancia de explotación de estradas

O pasado 10 de xuño, a Axencia Galega de Infraestruturas (AXI) publicou na páxina de Contratos Públicos de Galiza a documentación relativa á contratación da conservación ordinaria e vialidade invernal das estradas dependentes da Xunta de Galicia. Nos pregos desta licitación figuran os requisitos e tipo de persoal con dedicación exclusiva que deben contratar as empresas...
Luns, 04 Agosto 2025

Directora da EGAP no Consello Reitor: que fastío!

Como un cura que sermona á freguesía durante unha hora, así actúa a directora da EGAP nos consellos reitores. E como un cura iracundo coas ovellas descarriladas, deste xeito se comporta a directora coa representante da CIG por non darlle xabón e levármoslle a contraria. O mércores 30 de xullo tivo lugar unha xuntanza do órgano de goberno da EGAP, o Consello Reitor. Que...
Luns, 28 Xullo 2025

Caos nas probas visuais da Consellería do Medio Rural

Tras dous anos agardando pola creación das listas de escalas de persoal funcionario do Servizo de Prevención e Incendios Forestais (SPIF), fixeron unha apertura extraordinaria destas listas en xaneiro, seica pola urxencia, pero as probas non as fixeron ata a semana pasada, en plena campaña de alto risco. Na proba visual, realizada na EGAP o 23 de xullo, houbo unha...