Novas por contido

O próximo venres, os responsables da consellería de Economía e Industria convocaron unha reunión  coas organización sindicais (OOSS) para retomar o “Proxecto de Decreto de creación e de estatutos da axencia galega de innovación”.

En anteriores reunións mantidas antes do cese no mes de agosto do secretario Xeral da Consellería de Economía e Industria, os representantes da administración  propuxeron conxuntamente unha modificación da RPT da consellaría que consistía en trasladar, dun xeito completamente discrecional, á maioría do persoal da Dirección Xeral de Investigación, Desenvolvemento e Innovación (DXIDI) a outras dirección xerais da consellería.

De feito, parte deste persoal  xa foi trasladado previamente á Educación sen existir comunicación previa coas OOSS, todo isto motivado pola repentina necesidade de contar con persoal con coñecementos en inglés.

O antedito, unido a decisión firme dos directivos de que a axencia tivese persoal propio, algo que permite a Ley 16/2010, de organización e funcionamento da Administración xeral e do sector público autonómico de Galicia (LOFAXGA),  mostraba as claras as súas intencións:  baleirar a citada dirección xeral de persoal para despois contratar a persoal propio cun perfil ”mais adecuado”. Todo isto coa consecuente indignación e impotencia dos traballadores que  levan anos cumprindo coas súas obrigas sen ningún problema.

Evidentemente dende a CIG, en defensa da legalidade e da dignidade do empregado publico, opuxémonos firmemente a semellante despropósito, presentando unhas alegacións que mostraban as claras que a administración estaba abusando das súas potestades autorganizativas, descoñecendo limitacións de tipo legal e xudicial.

Pois ben, dous meses despois, a administración, presenta  un novo proxecto de decreto, onde por unha parte “parece” suspender a citada modificación da RPT, e por outra decide prescindir de persoal propio na axencia. O resto do decreto presenta modificacións meramente formais..

Dende a CIG volveremos a opoñernos a calquera medida que supoña na practica a privatización “de facto” dos servizos públicos e o desmantelamento da Administración Autonómica  como é  a continua creación de entes e axencias no marco lexislativo da LOGAXGA, mandato legal  que neste caso, nin tan sequera se estaba a respeitar por unha parte da Administración.

Descargar novo proxecto de Axencia

Outras novas recentes

Venres, 13 Novembro 2026

Promoción interna corpos xerais; funcionarización en excedencia (para CP 17/11/26)

A directora xeral de Emprego Público e Administración de Persoal convocounos a unha xuntanza da Comisión de Persoal que será o martes 17 de  novembro, coa seguinte Orde do día: Convocatoria do proceso de funcionarización para o persoal laboral fixo que está na situación de excedencia. Descargar Convocatoria de promoción interna ao corpo superior-A1. Descargar Convocatoria...
Luns, 09 Novembro 2026

A CIG convoca 17 mobilizacións por todo o país na xornada de folga xeral do 11N

A central nacionalista empraza a clase traballadora galega a visibilizar a parálise da actividade económica e laboral da xornada de 24 horas asistindo masivamente ás marchas A CIG anunciou a convocatoria dun total de 17 mobilizacións por todo o país durante a xornada de folga xeral prevista para o vindeiro 11 de novembro baixo o lema 'Galiza en loita por unha vida digna'...
Venres, 13 Novembro 2026

Promoción interna de corpos xerais; funcionarización en excedencia; finanzas-veterinarios/as-agacal-gain-intecmar (MSF e MX 10/11/26)

O martes 10, véspera da Folga Xeral, asistimos á Mesa Xeral e Mesa Sectorial de Persoal Funcionario, nas que se trataron as convocatorias de promoción interna a corpos xerais e dos procesos de funcionarización de persoal laboral fixo que está en excedencia. Na rolda aberta de intervencións a DXEP deu información da escala de finanzas, da repesca de funcionarización de...