Novas por contido

A CIG-Administración Pública denunciou ante inspección de traballo ao delegado da Xunta de Galicia en Ourense, Rogelio Martínez, por comportamento antisindical.

Como xa denunciamos publicamente, o pasado martes, día 25 de outubro, o delegado da Xunta de Galicia dedicouse a perseguir sindicalistas da CIG e arrancar os carteis que estaban a pegar no Edificio Administrativo de Ourense (Casa de Chocolate), nunha demostración máis do seu talante democrático e antisindical.

Dende a CIG non imos a consentir que se produzan na Administración galega este tipo de prácticas antisindicais e antidemocráticas e, consideramos, que poden ser constitutivas de unha infracción grave á normativa laboral e a Lei Orgánica de Liberdade Sindical, constituíndo unha transgresión dos dereitos de información dos traballadores.

Sen descartar calquera outra medida xurídica a que teñamos dereito, nun primeiro paso, presentamos unha denuncia ante a Inspección de Traballo de Ourense, solicitando se sancione estas actitudes e se depuren as correspondentes responsabilidades.

Queremos, tamén, facernos eco das declaracións que recentemente fixo o presidente Núñez Feijoo na súa viaxe a Arxentina cando falaba de que os cidadáns merecen «Un Gobierno que diga la verdad y un Gobierno que gestione esa verdad, que gestione la realidad».

Entenderemos que se Rogelio Martínez non é cesado será porque se consenten e comparten as súas actitudes. Tanto nesta actuación coma nas precedentes.

Outras novas recentes

Mércores, 26 Marzo 2025

Xuntanza comisión de listas. 26/03/25

Na xuntanza da Comisión de listas celebrada no día de hoxe mércores 26/03/25, ademais de aprobarse a acta e tratarse as reclamación correspondentes, informan dos seguintes puntos:    - Publicaranse as listas definitivas das categoráis funcionarizadas de oficio o día 2 de abril.   - As listas de incendios publicaranse antes da próxima comisión datada para o día 30 de abril....
Xoves, 27 Marzo 2025

Estase a restrinxir o teletraballo ás bravas?

A prestación de servizos na modalidade de teletraballo na Administración da Comunidade Autónoma de Galiza funcionaba ata o de agora con relativa normalidade agás a xa endémica opacidade da Xunta e a reiteración do incumprimento da convocatoria das Comisións de Seguimento para que as organizacións sindicais poidamos exercer un control.   Mais nos últimos días están a chegar...
Xoves, 03 Abril 2025

Concurso de traslados xeral: novos postos de resultas e ampliación do prazo de solicitudes de postos

No DOG do 03/04/2025 publican a RESOLUCIÓN do 1 de abril de 2025, da Dirección Xeral de Emprego Público e Administración de Persoal, pola que se modifica a Resolución do 20 de marzo de 2025 pola que se acorda a apertura do período de presentación de solicitudes de elección de postos de traballo e o procedemento da xustificación da posesión de méritos e requisitos do...