O 4 de novembro tivemos a Mesa Xeral na que a Administración crea a Axencia Galega de Innovación. Na mesma Mesa, Función Pública deunos traslado dunha serie de informacións que poden ser do teu interese: elaboración de nóminas, tribunais de informática, contratos no IGC, concurso laborais e axentes medioambientais.
Axencia Galega de Innovación
En relación á Axencia Galega de Innovación, conseguimos que retirasen dos estatutos do ente toda referencia a réxime disciplinar, código de conduta, productividade e listas de contratación propias, quedando estes asuntos ao que dispoña Función Pública con caracter xeral.
Conseguimos tamén que o persoal transferido á axencia (Dirección Xeral de I+D+I), siga a ser persoal de Función Pública, con quen non perde o vínculo, cos mesmos dereitos e obrigas que até de agora. Co que non estamos conformes é que o ente se reserve o dereito a contratar persoal laboral temporal propio.
Eliminan a referencia á encomenda de xestión suscrita coa Fundación para o Fomento da Calidade Industrial e Desenvolvemento Tecnolóxico de Galicia.
A potestade sancionadora só se aplicará ás competencias administrativas relativas a tramitación dos expedientes de I+D, e non a temas de xestión de persoal da Axencia.
En ningún caso a administraciou fundamentou os motivos que xustifican que as labores que desenvolve na actualidade a dirección xeral que se vai a eliminar para crear a axencia polo que entendemos que non está xustificada a necesidade de crear a axencia. En todo caso, esta é unha decisión política consecuencia da aprobación da LOFAXGA.
Os demais sindicatos so tiveron unha frase: dar os parabéns á consellaría polo seu talante negociador. Os representantes de CCOO esta encanados do xeito que se levou todo o proceso. CSIF e UGT, valoran moi positivamente a labor levada a cabo polo novo secretaria.
Descargar versión definitiva do Decreto
Outras informacións
- Nóminas: Función Pública ven de elaborar unha nova orde de nóminas coa que van eliminar o papel para todos, agás aquelas excepcións xustificadas en que non haxa acceso a internet.
- Tribunais de informática: en relación á presenza de persoas que puidesen ter incompatibilidades nos tribunais de informática, asegura o director xeral que non entenden que concorran causas de recusación como denunciamos, pero que en calquera caso van renunciar tres membros dos tribunais para evitar "malos entendidos".
- Contratos no IGC: en canto a uns contratos feitos directamente polo Instituto Galego de Consumo a uns licenciados en dereito en calidade de asesores sen tirar de ningunha lista, e que foron denunciados polo comité de empresa de Servizos Centrais, aseguran que este tipo de practicas esta amparado por normativa propia de consumo.
- Concurso laborais: comprometeuse a enviar para a súa negociación, as bases do concurso de laborais dos grupos I a IV a semana do 7 de novembro.
- Axentes medioambientais: comprometeuse tamén a publicar a semana do 7 de novembro a integración desta escala, así como a eleición de destinos pendente.
