Novas por contido

Dende a CIG-Autonómica consideramos que a última desfachatez do Delegado Territorial da Xunta en Ourense é a gota que colma un vaso que xa estaba cheo de desplantes á nosa provincia, aos traballadores e traballadoras da Xunta de Galiza e aos Servizos Públicos que en teoría xestiona.

O episodio berlanguiano que protagonizou Rogelio Martínez o martes pasado, ao acudir a presenciar un partido de fútbol en Madrid no canto de estar a dirixir e coordinar os esforzos do persoal de loita contra incendios non merece outra cousa que o cese fulminante. Mentres toda unha provincia ardía el estábase a divertir nun partido. Na crise máis grave que tivo esta provincia en todo o seu mandato, Rogelio foi a pasalo ben no fútbol mentres miles de ourensáns vían arder os seus montes, perigar as súas vivendas, campos...  incluso as súas propias vidas. Ademais permitiuse o luxo de dicir que ás oito da tarde xa non ten que facer nada en Ourense. Acaso ten o don o teletransporte? A que hora abandonou a provincia?


Dende a CIG-Autonómica queremos facer un exercicio de memoria lembrándolle á cidadanía que os delegados territoriais da Xunta cobran máis de 55.000 euros ao ano porque os seus postos, segundo a Xunta, “conlevan unha especial dificultade técnica, dedicación e responsabilidade”. U-la a responsabilidade? U-la dedicación?

Mentres Feijoo no canto de poñer freo inmediato a Rogelio Martínez limítase a dicir que “el non tería ido a ningún partido de fútbol ese día”. Claro que non, estaba na Arxentina e  non sabemos se estaba de parranda, bailando tangos ou enchendo os petos de votos. Dende a CIG lembrámoslle ao Presidente da Xunta que el é o superior do Delegado Territorial de Ourense e ten competencias plenas para cesalo. Non vale o de facer crer a cidadanía que isto non vai con el. Polo menos sabemos que nestes anos algo cambiou na Xunta de Galicia: gusta máis o fútbol que a caza.

Por todo isto, dende a CIG-Autonómica esiximos o cese inmediato do Delegado Territorial da Xunta en Ourense, Rogelio Martínez e non pedimos a súa demisión porque consideramos que quen ten a desfachatez e a desvergonza de facer o que fixo non vai a ter a dignidade suficiente como para dimitir.

Outras novas recentes

Venres, 13 Novembro 2026

RPT Emprego, Comercio e Emigración (11/11/26)

A Consellería de Emprego, Comercio e Emigración, convocou aos sindicatos a unha xuntanza para falar da súa proposta de modificación da Relación de Postos de Traballo da consellería. Descargar Contactamos coa consellería para pedir explicacións polo feito de que nos convocasen con menos de 48 horas de antelación (restando a xornada de Folga Xeral), o que imposibilita estudar...
Luns, 09 Novembro 2026

A CIG convoca 17 mobilizacións por todo o país na xornada de folga xeral do 11N

A central nacionalista empraza a clase traballadora galega a visibilizar a parálise da actividade económica e laboral da xornada de 24 horas asistindo masivamente ás marchas A CIG anunciou a convocatoria dun total de 17 mobilizacións por todo o país durante a xornada de folga xeral prevista para o vindeiro 11 de novembro baixo o lema 'Galiza en loita por unha vida digna'...
Venres, 13 Novembro 2026

Agacal, Gain e Intecmar quedan para a seguinte OEP de funcionarización

A directora xeral de Emprego Público comunicounos na Mesa Xeral do 10 de novembro de 2026 que o persoal de AGACAL, GAIN e INTECMAR quedará para a seguinte OEP de funcionarización (para a cal non teñen data) porque aínda non está integrado. A integración é un requisito previo para que o persoal que o desexe poida funcionarizarse. Sen convocatoria á CIG para as negociacións...