Novas por contido

O Comité de Empresa de Traballo e Benestar da Coruña organiza o luns, 16 de abril, ás 12 horas, diante da Xefatura Territorial da consellaría -mercado de Elviña- unha concentración acompañados de todas as traballadoras e traballadores que queiran acudir, onde Xurxo Souto -músico e escritor- lerá un manifesto en defensa do futuro para os centros públicos de Traballo e Benestar. Descarga folla de recollida de sinaturas.

FUTURO PARA OS CENTROS DE TRABALLO E BENESTAR

Xa desde o primeiro día que a Conselleira Beatriz Mato empezou a exercer, iniciou o desmantelamento dos Centros de Traballo e Benestar e iniciouno da maneira máis sinxela: destruír postos de traballo públicos de Centros da Consellería, e subvencionar fortemente determinados Centros Privados. Tratábase de deteriorar os Servizos Sociais Públicos a costa de favorecer a súa privatización.

Neste senso, a Lei de Medidas contra @s Empregad@s Públicos que acaba de aprobar a Xunta de Galicia é unha Lei que está especialmente feita contra as traballadoras e traballadores de Traballo e Benestar. É unha Lei que quérese utilizar para seguir desmantelando os Servizos Públicos e para iso elimínanse as Compensacións horarias por traballar en domingos e festivos; para iso penalizan economicamente a enfermidade. Eliminando as Compensacións horarias, obrigan a que os traballadores fagamos máis horas efectivas de traballo. Penalizando economicamente a enfermidade, forzan o ir a traballar.

En ámbolos dous casos a Consellería gana tempos de traballo nos Centros polo que dentro de pouco teremos á Consellería dicindo que lle sobran equis traballadores, sendo o persoal interino o primeiro grupo en perigo.

Diante desta absurda situación, na cal un Organismo Público atenta contra si mesmo ata chegar a pechar o Centro de Menores “Soutomaior” de Ferrol , o Centro de Menores “Montealegre” de Ourense, o servizo de Cociña do Centro de Menores “San Xosé de Calasanz” , o Comité de Traballo e Benestar de A Coruña manifestámonos totalmente en contra dunha Lei de Medidas que non só vai contra @s Empregad@s Públicos, senón contra os Servizos Sociais Públicos.

E para deixar pública constancia disto, o Comité convoca unha CONCENTRACIÓN o luns 16 ás 12 horas diante da Xefatura Territorial -Mercado de Elviña- para que quede clara a protesta máis absoluta duns traballadores aos cales non só estásenos quitando dereitos, senón que está repercutindo nas persoas que hai que atender, que pouco impórtalle á Conselleira.

A paradoxa máis brutal é que sexa a Consellería de Traballo e Benestar a que acaba de decidir destruir outros 70 postos de traballo que a Consellería enviará ao paro.

Esta destrución de postos de traballo conleva unha maior sobrecarga dos traballadores que continúan traballando, o que a súa vez tamén conleva un deterioro do grado de calidade que deben recibir as persoas atendidas.

A todo isto o Comité de Traballo e Benestar de A Coruña dí NON!!!!

A todo isto o Comité de Traballo e Benestar de A Coruña dí: FUTURO PARA OS CENTROS DE TRABALLO E BENESTAR!!!


Outras novas recentes

Mércores, 18 Xuño 2025

Mobilízate pola profesionalización das cociñas da Xunta e os dereitos do persoal non docente

Fartas xa desta Adminstración Pública que mingunea ao persoal que traballa nas cociñas de xestión da Xunta de Galiza e pisa os dereitos do persoal non docente nos centros de ensino públicos, convocámoste á movilización que terá lugar o vindeiro día luns 30 de xuño ás 11 horas que partirá dende diante da Consellaría de Educación nos edificios administrativos de San...
Mércores, 25 Xuño 2025

Cursos AFD en centros de ensino públicos. Máis carga de traballo sen compensacións!

O persoal non docente nos centros de ensino ve incrementada de novo a súa carga de traballo sen contraprestacións. No marco do acordo de colaboración entre a Consellaría de Educación, Ciencia, Universidades e Formación Profesional e a Consellaría de Emprego, Comercio e Emigración, ofértanse as accións formativas do Plan Formativo para o emprego (cursos AFD).Na Orde do 1 de...
Xoves, 26 Xuño 2025

Improvisación do modelo único de oficina de emprego

O martes 24/06/25 tivemos unha nova reunión sobre a pretensión de reorganización do Servizo Público de Emprego de Galiza (SPEG) coa nova configuración da estrutura das oficinas de emprego. Hai que lembrar que a administración partía dunha proposta en que o servizo quedaba conformado polo seguinte persoal: Direccións, niveis 26 ou 25 sen manifestar criterio obxectivo para a...