Novas por contido

O persoal das residencias de maiores, centros de menores, escolas infantis e demais centros da Consellería de Traballo e Benestar da provincia da Coruña mantén durante todo o luns dia 7 de maio unha xornada de loita pola defensa dos seus postos de traballo e o futuro dos servicios sociais que os levará a ficar pechados até o comezo da quenda de mañá do día 8.

Durante esta xornada reivindicativa desenvolveranse asembleas permanentes cunha extensa orde do día onde se analizan diversos aspectos dos recortes, as privatizacións, o desmantelamento dos servicios públicos e a sangría de despedimentos e amortizacións de postos de persoal laboral (266).

O Comité de Empresa de Traballo e Benestar ten previsto que estas asembleas teñan caracter de PECHE nos propios centros de traballo ata o comenzo da xornada de maña martes 8 de maio de 2012, día no que representantes do Comité van a entrevistarse coa secretaría xeral de Traballo e Benestar, Cristina Ortiz, e no que lle van trasladar o rechazo do persoal laboral da Xunta ás medidas de desmantelamento dos servicios sociais, privatización dos servizos e supresión de postos de traballo que esta a efectuar o departamento de Beatriz Mato.

A pé de peche

Pola tarde do día 7 visitamos ás compañeiras e compañeiros pechados en dous centros de Compostela para coñecer de preto a situación da protesta e transmitirlles o noso apoio. Na residencia de Maiores Volta do Castro concéntranse unhas 16 persoas dispostas a facer noite. Atopamos a prensa tomando fotos e facendo entrevistas. Pola entrada do centro están espallados cartaces pedindo a dimisión da conselleira de "Paro e Malestar". Coméntanos que desde a consellaría hai "interese" por coñecer como se está desenvolvendo a situación.

Na residencia da Porta do Camiño atopamos apróximadamente outras 15 persoas e os ánimos están tamén están altos. Coméntannos que estivo a prensa tomando fotos e imaxes. Atopamos cartaces pedindo a dimisión da conselleria e en defensa duns servizos sociais públicos e de calidade. Un traballador posa cunha "imaxe relixiosa" de Nosa Señora Soraya Saenz de Santamaría co neno Rajoy en brazos. Coméntanos que para facer noite agardan que cheguen máis reforzos.

Dos centros do resto da provincia temos noticias que resite pechado o persoal dos seguintes centros: residencia de maiores Torrente Ballester na Coruña, residencia de Oleiros, CAPD (antiguo Santiago Apóstol), residencia da Pobra do Caramiñal e a Residencia de Maiores de Caranza.

Peche na residencia de Caranza

Peche na residencia Torrente Ballester


Vindeiras mobilizacións

Dentro do calendario de mobilizacións previstas estase preparando para o venres 11 a marcha que convoca o Comité Intercentros do Persoal Laboral (CIG; UGT; CCOO; CSIF) e que sairá ás 10:30h desde a Cidade da Cultura -máximo símbolo do despilfarro- ata acabar en San Caetano -máximo símbolo da incompetencia-




Outras novas recentes

Martes, 22 Xullo 2025

Convocatoria de concurso de traslados de escalas facultativas (escalas sociais)

No DOG do 22/07/2025 publican a RESOLUCIÓN do 15 de xullo de 2025, da Dirección Xeral de Emprego Público e Administración de Persoal, pola que se convoca concurso ordinario para a provisión de postos de traballo vacantes do corpo facultativo superior, escala de facultativos/as, especialidades de medicina, de psicoloxía e de pedagoxía; do corpo facultativo de grao medio,...
Luns, 28 Xullo 2025

Apertura de postos de enx. agronómica e agrícola a montes e forestal (MSF 28/07/25)

A DXEP retira a proposta de modificar os 12 postos das oficinas agrarias. Mantén o resto da proposta A directora xeral de Emprego Público e Administración de Persoal (DXEP) anunciou na Mesa Sectorial que tivemos o luns 28 de xullo, que retiraban a proposta de modificación dos 12 postos das oficinas agrarias comarcais, que pasaban de ser para as escalas de enxeñaría...
Mércores, 30 Xullo 2025

A CIG pide a retirada da denominación sexista «Valedor do Pobo» da fachada do edificio da institución

A entidade está a negociar cos sindicatos o seu I Plan de Igualdade, que chega 18 anos tarde ―contando con que a súa aprobación sexa en 2025 A pesar de que dispoñemos cada vez de máis lexislación no eido da igualdade, o seu incumprimento é sistemático por parte das administracións, sen que teña consecuencias que as disuadan do contrario. A lexislación obriga ás...