Novas por contido

A Consellaría de Traballo e Benestar presentou onte, martes 3 de abril, a súa proposta de eliminar 70 postos de traballo ante a Mesa Xeral de Negociación de Empregados/as Públicos/as. Segue así a política do Goberno de desmantelar progresiva e sistematicamente os servizos públicos da Area de Benestar, algo que semella ter un especial atractivo de negocio para algunhas empresas e empresarios que se fan cargo dos servizos a cargo do erario público con inxección de subvencións millonarias mentres pregoa a difícil situación de crise que xustifica os recortes salariais, os recortes de dereitos e de condicións dignas aos traballadores, e a mingua da calidade do servizo aos usuarios, que son derivados a centros de xestión privada onde o que importa é o negocio, non o servizo.

Así, a Consellería:


  • Pecha o Centro de Menores de Montealegre, en Ourense, e coa  xustificación de unificar nun único complexo de menores en Ferrol.
  • Pecha de maneira encuberta o Centro de Menores Soutomaior, trasladando aos traballadores fixos, e despedindo ao persoal laboral.
  • Amortiza dúas prazas de ordenanzas nas seguintes residencias de Maiores de Santiago, Volta do Castro, Oleiros e Ferrol, contratando unha empresa de seguridade privada para as quendas de noite que ata o de agora viña facendo o persoal da Xunta, despedindo ao persoal temporal que ocupaba os postos
  • Minimiza ao máximo as plantillas da residencia de Tempo Libre de Patos, e da residencia de Carballiño, o que supoñemos levara a privatización de algún servizo, xa que é imposible manter o servizo con tan pouco persoal


Denunciamos que mentres a Conselleira de Traballo sae nas fotos na prensa con Amancio Ortega anunciando que ese empresario, tan desinteresado, sen animo de lucro vai regalar unha morea de escolas infantís, regala a empresas privadas os Servizos Sociais, colabora a incrementar as taxas de desemprego mandando ao paro ao persoal propio, e recorta dereitos ao persoal da Consellería, que ve entre outras cousas, como se conxela o  seu salario, e  vai traballar de balde os domingos e os festivos, sen compensación algunha.

Outras novas recentes

Martes, 19 Agosto 2025

A CIG critica a caótica xestión do Goberno galego en materia de persoal de incendios

Alertamos de que se están a facer chamamentos en plena vaga de lumes sen tempo para formar en prevención. Dende a CIG-Autonómica denuncia a caótica xestión da Xunta de Galiza en materia de persoal do Servizo de Prevención e Defensa contra Incendios Forestais (SPIF), até o punto de que a día de hoxe aínda non se coñecen nin as vacantes que están por cubrir. Temos datos de...
Xoves, 14 Agosto 2025

Arde Galiza e evidéncianse os problemas na xestión do servizo de incendios: accidentes e graves situacións de risco

Aínda non chegamos a segunda quincena de agosto e as previsións cúmprense antes de tempo. Estamos tendo unha campaña de verán de lumes durísima, altamente perigosa e con milleiros de hectáreas queimadas. Máis os expertos anuncian que o peor virá nas próximas xornadas con Grandes Incendios Forestais (GIF) e condicións de alto risco para a cidadanía e para as bombeiras e...
Venres, 22 Agosto 2025

Máis de 45.000 persoas bótanse á rúa en toda Galiza contra a política forestal do PP e en solidariedade coas persoas afectadas pola vaga ...

A CIG reclama medidas inmediatas para recuperar os bens e paliar as consecuencias, e un servizo público único, de xestión directa e dependente da Xunta de Galiza, para traballar na prevención e respostar ás multiemerxencias do medio natural e rural durante  todo o ano. Un total de 29 localidades de todo o país acolleron o 21 de agosto mobilizacións multitudinarias...