Novas por contido

O martes 17 de abril, en Santiago de Compostela, o Presidente do Comité Intercentros e os 4 presidentes dos Comités de Empresa de Traballo e Benestar, solicitaron publicamente que o Presidente da Xunta cese a Beatriz Mato por ser a máxima responsable do deterioro do sistema de benestar en Galicia.

Este deterioro prodúcese cos recortes de persoal e de medios materiais que supoñen o desmantelamento dos servizos sociais: centros de menores, residencias de maiores, residencias de tempo libre e escolas infantís. A partir do día de hoxe estes centros van ter menos profesionais para darlle as prestacións básicas aos seus usuarios e van a sufrir un proceso de privatización que por primeira vez introduce persoal de seguridade privada en residencias da terceira idade.


Os máximos representantes dos traballadores, consideran que Beatriz Mato debe ser cesada polo Presidente da Xunta e con ela toda a súa equipa directiva, que supoñen mais de 300.000 euros en salarios anuais dos orzamentos públicos para ter como único fin a privatización dos servizos socias e o desmantelamento do sistema de benestar. A incapacidade e ignorancia de Beatriz Mato faise perigosa cando se trata da persoa que ten que dirixir a prestacións de servizos as persoas mais necesitadas e indefensas da nosa sociedade: menores, anciáns, persoas discapacitadas. O seu desprezo polos servizos públicos e a teima de privatizalo todo, ten un claro exemplo na introdución de seguridade privada para vixiar as residencias da terceira idade, na supresión de prazas de psicólogo, de persoal fisioterapeuta, de cociña.

A conselleira Beatriz Mato non defende os intereses das persoas usuarias destes centros e despreza ao persoal laboral que traballa nos mesmos. A súa é unha política de pompa e boato, con publicidade pagada para o autobombo, mentres nas residencias da terceira idade escasean os cueiros ou se recorta en zumes e froitas para as persoas maiores usuarias.

Para denunciar esta situación ademais de pedir o cese de Beatriz Mato os representantes dos traballadores anunciaron hoxe as seguintes mobilizacións:

1) Concentración o venres 27 de abril en San Caetano e entrega de todas as sinaturas recolleitas en Galicia.

2) Concentración na Cidade da Cultura (exemplo de dilapidación de cartos públicos e a pouca vergonza do goberno da Xunta) o venres 11 de maio e marcha de protesta a San Caetano-Compostela.

Outras novas recentes

Luns, 12 Mai 2025

Borrador para a revisión de acordo do persoal veterinario

Dende a vicesacretaría xeral da Consellería de Sanidade veñen de convocarnos ás catro organización sindicais asinantes do acordo para a ordenación e mellora da prestación de servizos veterinarios oficiais no ámbito da Xunta de Galicia a unha xuntanza previa o vindeiro venres día 16 de maio sobre a proposta de modificación do dito acordo para súa negociación. Para iso...
Martes, 13 Mai 2025

Situación do Teletraballo na nosa Administración: que está a suceder?

O teletraballo é unha modalidade de prestación de servizos que compre manter na nosa Administración, resultado da negociación colectiva na que se acadou o Acordo coa CIG en decembro de 2020. O obxectivo foi substituír ao “teletraballo da Covid” e que tivera a maior vocación de permanencia posible e, deste xeito quedou regulado na Orde do 14 decembro de 2020 pola que se...
Martes, 06 Mai 2025

Previsión dos seguintes concursos de traslados (05/05/25)

Nas xuntanzas que mantivemos coa directora xeral de Emprego Público e Administración de Persoal (DXEP) o luns 5 de maio, trasladounos a seguinte información sobre os concursos de traslados: Pendente de publicar en DOG (xa quedou aprobado en Comisión de Persoal) o concurso de arqueoloxía/restauración/delineantes/arquivos-bibliotecas-museos. Pendente de negociar o concurso de...