Novas por contido

Nunha xuntanza mantida o mércores, 20 de xuño, con Función Pública se nos comunicou as alegacións que ían aceptar (insuficientes). Comentan que procuraron atender en primeiro lugar as alegacións comúns a todos os sindicatos e que habería cousas que estaban de acordo en cambiar pero que, dada a urxencia de sacar xa os concursos, deixaríanno para futuros concursos. Aceptaron os seguintes cambios nalgúns artigos na liña do que lles propuxéramos:

  • Ampliación dos casos para ter puntuación por localidade de traballo no cónxuxe/parella de feito -sexa emplegado público ou do sector privado-, mais non teñen en conta as familias monoparentais.

  • Ampliación a 20 días o prazo de renuncia -antes poñían 10 días-.

  • Contar a permanencia desde a última adxudicación dun destino definitivo na escala de orixe en caso de integración (gardacostas).

No entanto, non recollen cambios nos criterios de baremación sobre a antigüidade, cómputo do traballo desenvolvido en función de nivel e grupo de clasificación, etc. que constiúen os eixos do concurso.

Desde a CIG valoramos como moi grave que nas bases destes concursos sigan a mater isto:

II. 2. Así mesmo, os/as traballadores/as que o desexen poderán solicitar os postos da súa escala que resulten vacantes a consecuencia da adxudicación dos postos ofertados no anexo I. A adxudicación dun posto a resultas está condicionada a que o solicitante non obteña ningún dos postos convocados no anexo I e a que o dito posto sexa de necesaria cobertura.


Función Pública asegura que se está a facer en concursos do Estado e de outras CCAA, e que teñen sentenzas que de T. Superiores que o amparan (non se nos achegaron as ditas sentenzas).

Ao non estar regulado o proceso polo que se decide que un posto deixe de ser de necesaria cobertura entre a primeira fase e as resultas, nin tampouco contemplarse a necesidade de amortización, poderiamonos atopar que se retiren do concurso (da fase de resultas) e despois se cubran con comisións de servizo.

Na xuntanza sobre as bases, demandámoslle a Función Pública que se retire ese inciso e obxectamos o uso arbitrario ao que se presta. Non só non hai cambios, senón que nin sequera introducen unha regulación mínima sobre quen, cando, como e con que consecuencias se aprecia o que deixa de ser de necesaria cobertura.

Desde a CIG non podemos aceptar que inclúan isto nestes termos (nin neste nin en futuros concursos) e estudaremos a posibilidade de xudicializalo.

Canto ao máis peliagudo no concurso de gardacostas, que son os requisitos de participación, manteñen o criterio inicial  de non permitir a participación das persoas que están en destino provisional.

Decargar como quedan as bases e postos ofertados

Outras novas recentes

Mércores, 20 Agosto 2025

‘Por un Monte Galego con Futuro’ convoca protestas contra a política forestal do PP “que queima os montes e as casas”

A CIG fai un chamamento a participar nas 26 concentracións que terán lugar en cidades e vilas de todo o país este xoves 21 a partir das 20:00h A plataforma ‘Por un monte Galego con Futuro’ convoca mobilizacións para denunciar que a actual vaga de incendios que está a padecer Galiza é consecuencia directa da política forestal do PP, unha política forestal que, tal e como...
Venres, 22 Agosto 2025

Máis de 45.000 persoas bótanse á rúa en toda Galiza contra a política forestal do PP e en solidariedade coas persoas afectadas pola vaga ...

A CIG reclama medidas inmediatas para recuperar os bens e paliar as consecuencias, e un servizo público único, de xestión directa e dependente da Xunta de Galiza, para traballar na prevención e respostar ás multiemerxencias do medio natural e rural durante  todo o ano. Un total de 29 localidades de todo o país acolleron o 21 de agosto mobilizacións multitudinarias...
Martes, 19 Agosto 2025

A CIG critica a caótica xestión do Goberno galego en materia de persoal de incendios

Alertamos de que se están a facer chamamentos en plena vaga de lumes sen tempo para formar en prevención. Dende a CIG-Autonómica denuncia a caótica xestión da Xunta de Galiza en materia de persoal do Servizo de Prevención e Defensa contra Incendios Forestais (SPIF), até o punto de que a día de hoxe aínda non se coñecen nin as vacantes que están por cubrir. Temos datos de...