Novas por contido

Ante a nova publicada en varios medios de comunicación de que o goberno prepara un proxecto de lei para despedir a miles de empregados públicos, dende a CIG-Autonómica queremos denunciar que o goberno de Rajoy segue o camiño emprendido polo goberno de Feijoo, quen dende que chegou ao goberno xa amortizou e despedíu a máis de mil empregados públicos e foi tamén pioneiro nas medidas de recortes que nestes días se van anunciar, con carácter xeral, dende o goberno do Estado.

Como sabemos os traballadores públicos da Administración autonómica, a medida non supón ningún aforro, xa que o que se detrae do capítulo de persoal remata nas arcas de empresas privadas que van prestar o mesmo servizo pero a máis alto prezo, co conseguinte menoscabo das arcas públicas.

A idea de reducir a Administración, xerada pola FAES aplicando o modelo neoliberal, baséase en degradar a Administración Pública, detraer recursos humanos, económicos e financeiros para que as empresas privadas asuman eses servizos. Supón polo tanto unha privatización dos Servizos Públicos, que haberá que pagar ao sector privado e do que sacará pingües beneficios.

O goberno popular na Xunta de Galiza, como precursor destas medidas xa puxo en marcha un plan para reducir persoal, estatuíndoo mediante as leis de orzamentos e outras normas e mediante unha política de persoal restritiva. Ao mesmo tempo privatizou decenas de comedores escolares, Residencias de Maiores, servizos administrativos, centros de menores, centros de asistencia de discapacitados, Servizo de Prevención e Defensa contra Incendios Forestais, etc.

Dende a CIG-Autonómica rexeitamos que a Xunta de Galiza aplique máis medidas neoliberais encamiñadas a reducir o Público para xerar beneficios privados, fundamentalmente cando esta CCAA non se pode permitir pagar o que non ten a empresas privadas.

Outras novas recentes

Venres, 13 Novembro 2026

Agacal, Gain e Intecmar quedan para a seguinte OEP de funcionarización

A directora xeral de Emprego Público comunicounos na Mesa Xeral do 10 de novembro de 2026 que o persoal de AGACAL, GAIN e INTECMAR quedará para a seguinte OEP de funcionarización (para a cal non teñen data) porque aínda non está integrado. A integración é un requisito previo para que o persoal que o desexe poida funcionarizarse. Sen convocatoria á CIG para as negociacións...
Venres, 13 Novembro 2026

Promoción interna de corpos xerais; funcionarización en excedencia; finanzas-veterinarios/as-agacal-gain-intecmar (MSF e MX 10/11/26)

O martes 10, véspera da Folga Xeral, asistimos á Mesa Xeral e Mesa Sectorial de Persoal Funcionario, nas que se trataron as convocatorias de promoción interna a corpos xerais e dos procesos de funcionarización de persoal laboral fixo que está en excedencia. Na rolda aberta de intervencións a DXEP deu información da escala de finanzas, da repesca de funcionarización de...
Venres, 13 Novembro 2026

RPT Emprego, Comercio e Emigración (11/11/26)

A Consellería de Emprego, Comercio e Emigración, convocou aos sindicatos a unha xuntanza para falar da súa proposta de modificación da Relación de Postos de Traballo da consellería. Descargar Contactamos coa consellería para pedir explicacións polo feito de que nos convocasen con menos de 48 horas de antelación (restando a xornada de Folga Xeral), o que imposibilita estudar...