Novas por contido

A inmediata sinatura das instrucións que desenvolven o Acordo do 27/03/2013 vai posibilitar que o persoal laboral acceda á xubilación parcial anticipada, acompañada do correspondente contrato de remuda, sempre e cando cumpran as condicións de edade (61 anos), de cotización a seg. Social (30 anos) e de antigüidade na empresa (alomenos 6 anos na data de solicitude).

O que no Acordo non foi posible articular, a acumulación das xornadas, sí é recollido nestas instrucións, de xeito que o/a xubilado/a parcialmente poderá xuntar as xornadas anualmente  e traballar aqueles meses que lle correspondan en virtude do seu contrato a tempo parcial que deberá asinar unha vez decidida e tramitada a súa pretensión de xubilación.

Por cada posto de traballo no que o seu titular opte por esta modalidade de xubilación, haberá dous contratos a tempo parcial: un pola xornada remanente para o xubilado/a e outro de remuda pola parte de xornada que deixou o titular do posto.

Un aspecto importante destas instrucións é que se conseguiu a creación dunha comisión de seguimento que vai a velar pola correcta aplicación do acordo.

Outras novas recentes

Venres, 22 Agosto 2025

Máis de 45.000 persoas bótanse á rúa en toda Galiza contra a política forestal do PP e en solidariedade coas persoas afectadas pola vaga ...

A CIG reclama medidas inmediatas para recuperar os bens e paliar as consecuencias, e un servizo público único, de xestión directa e dependente da Xunta de Galiza, para traballar na prevención e respostar ás multiemerxencias do medio natural e rural durante  todo o ano. Un total de 29 localidades de todo o país acolleron o 21 de agosto mobilizacións multitudinarias...
Mércores, 20 Agosto 2025

‘Por un Monte Galego con Futuro’ convoca protestas contra a política forestal do PP “que queima os montes e as casas”

A CIG fai un chamamento a participar nas 26 concentracións que terán lugar en cidades e vilas de todo o país este xoves 21 a partir das 20:00h A plataforma ‘Por un monte Galego con Futuro’ convoca mobilizacións para denunciar que a actual vaga de incendios que está a padecer Galiza é consecuencia directa da política forestal do PP, unha política forestal que, tal e como...
Martes, 19 Agosto 2025

A CIG critica a caótica xestión do Goberno galego en materia de persoal de incendios

Alertamos de que se están a facer chamamentos en plena vaga de lumes sen tempo para formar en prevención. Dende a CIG-Autonómica denuncia a caótica xestión da Xunta de Galiza en materia de persoal do Servizo de Prevención e Defensa contra Incendios Forestais (SPIF), até o punto de que a día de hoxe aínda non se coñecen nin as vacantes que están por cubrir. Temos datos de...