Novas por contido

O Tribunal Superior de Xustiza de Galicia vén de ditar sentenza no conflito colectivo sobre a paga extra de decembro de 2012 no ámbito do persoal laboral de Portos de Galicia.

O TSXG estima parcialmente a demanda, recoñecendo o dereito do persoal laboral de Portos de Galicia a percibir a parte proporcional da paga extra de decembro de 2012 devengada entre os días 1 e 15 de xullo dese ano, en razón da non retroactividade do RD-Lei 20/2012, que aprobou a supresión da dita paga de Nadal.

A sentenza, contra a que cabe recurso ante o Tribunal Supremo, vén a supoñer un recoñecemento das formas grotestas coas que se aprobou a expropiación da paga extra de Nadal de 2012 aos traballadores do Sector Público, sen amosar o máis mínimo respecto por principios constitucionais como a irretroactividade das normas. Máis preocupante, en cambio, resulta o feito de que as instancias xudiciais españolas están polo momento a amparar o groso das medidas contra os traballadores en xeral e contra o Sector Público en particular que foron adoptadas coa actual política de recortes, en constraste coa maior independencia amosada polo poder xudicial de países veciños como Portugal, onde foi declarada inconstitucional a expropiación das pagas extras ao persoal do Sector Público, ao considerar o recorte un imposto dirixido só a unha parte da clase traballadora.

A CIG, en calquera caso, está a cubrir a actuación xudicial en todas as instancias contra o recorte das extras, tanto en persoal laboral como no caso do perosal funcionarios, e agardamos que o conflito colectivo presentado pola paga extra do persoal laboral da Xunta se resolva no mesmo sentido que o do persoal de Portos de Galicia; así mesmo, demandaremos que se apliquen os efectos benéficos ao persoal funcionario, que tamén viu expropiada a súa extra de 2012 cuxas demandas no contencioso-administrativo non levan a mesma velocidade de resolución.

Por último, desde a CIG queremos incidir no feito de que a batalla xudicial é só unha das facetas desta loita, que a fundamental segue a ser a concienciación de todos os compañeiros e compañeiras, a mobilización e a denuncia pública desta situación, que van ser os elementos que nos empoderen para poder botar un pulso á política de recortes e poder tumbala. Hai que ter en conta que a vía xudicial non substitúe ao poder de cambio das mobilizacións, máis tendo en conta a escasa indepencia política coa que actúa a Xustiza no Estado español; unha Xustiza que non está repondendo como agarda a cidadanía ao amparar o núcleo das reformas antisociais aínda que vaian contra a liña de flotación do estado de dereito.

Outras novas recentes

Mércores, 20 Agosto 2025

‘Por un Monte Galego con Futuro’ convoca protestas contra a política forestal do PP “que queima os montes e as casas”

A CIG fai un chamamento a participar nas 26 concentracións que terán lugar en cidades e vilas de todo o país este xoves 21 a partir das 20:00h A plataforma ‘Por un monte Galego con Futuro’ convoca mobilizacións para denunciar que a actual vaga de incendios que está a padecer Galiza é consecuencia directa da política forestal do PP, unha política forestal que, tal e como...
Martes, 19 Agosto 2025

A CIG critica a caótica xestión do Goberno galego en materia de persoal de incendios

Alertamos de que se están a facer chamamentos en plena vaga de lumes sen tempo para formar en prevención. Dende a CIG-Autonómica denuncia a caótica xestión da Xunta de Galiza en materia de persoal do Servizo de Prevención e Defensa contra Incendios Forestais (SPIF), até o punto de que a día de hoxe aínda non se coñecen nin as vacantes que están por cubrir. Temos datos de...
Venres, 22 Agosto 2025

Máis de 45.000 persoas bótanse á rúa en toda Galiza contra a política forestal do PP e en solidariedade coas persoas afectadas pola vaga ...

A CIG reclama medidas inmediatas para recuperar os bens e paliar as consecuencias, e un servizo público único, de xestión directa e dependente da Xunta de Galiza, para traballar na prevención e respostar ás multiemerxencias do medio natural e rural durante  todo o ano. Un total de 29 localidades de todo o país acolleron o 21 de agosto mobilizacións multitudinarias...