Novas por contido

Luns 20 de xaneiro, nova Comisión de Persoal, onde os responsábeis políticos da administración executan unha nova destrución de emprego público, nesta ocasión repartida entre o Instituto Galego de Estatística (IGE) e a Vicepresidencia e Consellería de Presidencia. En total son 112 postos destruidos, 6 no IGE e 106 na Consellería de Presidencia.

A proposta de modificación da RPT do IGE so ten dous elementos: destrúen 6 postos de traballo e establecen a dispoñibilidade horaria a unha xefatura de sección de habilitación co conseguinte incremento de complemento específico. Todos os sindicatos votamos en contra.

En canto á modificación da RPT de Vicepresidencia e Consellería de Presidencia, abondan os motivos para opoñernos.

  • Unha enorme destrución de emprego, 106 postos, algúns por adaptación da estrutura, outros para cumprir coas restricións orzamentarias que decidiron os parlamentos galego e do estado. Os gobernos do PP en Compostela e Madrid teñen a capacidade de mudar as normas, polo que a CIG non apoia a destrución de emprego público que se autoimpoñen.
  • Rexeitamos a figura do "concurso específico" para a cobertura de determinados postos (por exemplo, seccións de habilitación). Esta figura, inda sen normas claras, vai supoñer unha nova barreira á promoción profesional, a camiño entre o concurso de méritos e a libre designación.
  • Exceso de postos de libre designación (xa non so os servizos, senón que o estenden a moitas seccións, áreas, ..)
  • Non queremos a apertura de postos a outras administracións sen que exista reciprocidade. Por riba, tan so abren postos de libre designación e por tanto, a mobilidade que defenden, so serve a quen teña padriños.
  • Non queremos méritos específicos nos postos, tales como experiencia ou coñecementos. Para algo existe a EGAP, así que a CIG demanda que a usen para o que é, formar ás empregadas e empregados públicos.
  • O concurso específico, o exceso de libres designación, a apertura de postos a outras administracións, todo xunto amósanos que os responsábeis políticos da Administración non confían nos seus empregados independentes que obteñen os postos por concurso, ou non ven capacitado ao seu propio persoal e botan man doutras administracións.
  • A consellaría ten persoal de limpeza contratada por dúas e por catro horas. Non se dignan nin a respostar da solicitude de ampliar a xornada laboral deste persoal. Pero a limpeza hai que facela, así que veremos como se amplian as contratacións con empresas privadas que buscan beneficio.
  • Estamos conformes coa creación do Centro de Recuperación Integral de Mulleres que sofren Violencia de Xénero (CRI). Pero a pesares da nosa conformidade, rexeitamos que o posto de directora do CRI poda ser ocupado por alguén que non sexa empregada pública. Ver A Xunta utiliza a violencia de xénero para repartir favores políticos
  • Rexeitamos tamén que a través do decreto de creación do CRI tiveran a cara de fixar novos niveis de complementos para os funcionarios e funcionarias asesores xurídicos sen sequera dar conta aos representantes dos traballadores e traballadoras.

Por todas estas trapalladas, a CIG, CCOO e UGT votamos en contra. Incomprensiblemente, o CSIF, que votou en contra da RPT do IGE porque destruía seis postos de traballo, abstense na RPT de Vicepresidencia xustificando que incorporaban pluses aos postos do CRI.

Outras novas recentes

Xoves, 14 Agosto 2025

Arde Galiza e evidéncianse os problemas na xestión do servizo de incendios: accidentes e graves situacións de risco

Aínda non chegamos a segunda quincena de agosto e as previsións cúmprense antes de tempo. Estamos tendo unha campaña de verán de lumes durísima, altamente perigosa e con milleiros de hectáreas queimadas. Máis os expertos anuncian que o peor virá nas próximas xornadas con Grandes Incendios Forestais (GIF) e condicións de alto risco para a cidadanía e para as bombeiras e...
Xoves, 14 Agosto 2025

A CIG e os outros sindicatos esiximos solucións aos problemas das gardas e seguridade dos axentes ambientais de Patrimonio Natural

E solicitamos ter unha reunión, en canto remate a vaga de lumes, coa Consellería de Medio Ambiente e Cambio Climático. No día de onte, 13 de agosto de 2025, enviouse comunicación aos axentes ambientais do Servizo de Patrimonio Natural das catro provincias galegas de que acudiran a apoiar nos incendios forestais. Esta comunicación foi feita principalmente por wassapp e por...
Venres, 22 Agosto 2025

Máis de 45.000 persoas bótanse á rúa en toda Galiza contra a política forestal do PP e en solidariedade coas persoas afectadas pola vaga ...

A CIG reclama medidas inmediatas para recuperar os bens e paliar as consecuencias, e un servizo público único, de xestión directa e dependente da Xunta de Galiza, para traballar na prevención e respostar ás multiemerxencias do medio natural e rural durante  todo o ano. Un total de 29 localidades de todo o país acolleron o 21 de agosto mobilizacións multitudinarias...