Novas por contido

En plena “racionalización do gasto público do persoal propio”, ao Goberno da Xunta non se lle ocorre mellor cousa que crear un posto de libre designación en Montevideo dos máis caros. Para conseguir o crédito orzamentario amortizan 3 postos base (conductor/a, telefonista e limpador/a) que se suman aos máis de 100 postos de traballo que xa eliminaron nunha recente reforma anterior (DOG 24/01/2014).

Por se fóra pouco, esta creación de secretario/a de Delegación da Xunta no exterior únese ao xa existente en Bos Aires e en ambos postos realizan a modificación substancial de permitir a súa cobertura por persoal funcionario dos concellos.

Curiosamente, mentres se eliminan postos de traballo a eito na nosa terra, na memoria funcional presentada pola Consellaría de Presidencia argumenta que se “fai imprescindible a creación do posto de Secretario/a da Delegación da Xunta en Montevideo”.

O perfil do posto deixa entrever que a creación ten nomes e apelidos: un posto de libre designación que se abre a persoal funcionario dos concellos no que se valora como mérito a licenciatura en dereito e a experiencia en xestión económica, entre outros. Porén, estes méritos non resultan ningunha limitación cando estamos a falar dun posto que se cubre a dedo, o único requisito é ser persoal funcionario de algunha Administración pública.

Esta manobra está na liña de política de persoal levada a cabo polo Goberno actual da Xunta de Galiza que amortiza postos que se cubren por criterios obxectivos e de niveis inferiores e segue a manter (cando non aumentar) unha megaestrutura dos postos que se cubren a dedo e que resultan máis caros. Deste xeito, e baixo a xustificación de falta de persoal que desenvolva o traballo diario, privatiza os servizos públicos que ata vai pouco eran realizados por persoal propio. O que vemos que non privatiza son os postos “a dedo” que en moitas ocasións utiliza con fins políticos, cando non, como axencia de colocación.

Resulta inxustificable que nunha época de brutais recortes sobre os servizos públicos e sobre os postos que os fan posibles, veña agora o PP e atope 50.000€ ao ano para pagar un posto de comisario político para captar votos no exterior. Esta cantado, ademais, que este posto de “diplomático” vai para algunha persoa politicamente afín que vai vir da Administración local.

*Custo anual do posto: 38.849,20 € brutos/ano (sen antigüidade) + 30% gastos sociais: 50.503,96€

Outras novas recentes

Mércores, 20 Agosto 2025

‘Por un Monte Galego con Futuro’ convoca protestas contra a política forestal do PP “que queima os montes e as casas”

A CIG fai un chamamento a participar nas 26 concentracións que terán lugar en cidades e vilas de todo o país este xoves 21 a partir das 20:00h A plataforma ‘Por un monte Galego con Futuro’ convoca mobilizacións para denunciar que a actual vaga de incendios que está a padecer Galiza é consecuencia directa da política forestal do PP, unha política forestal que, tal e como...
Martes, 19 Agosto 2025

A CIG critica a caótica xestión do Goberno galego en materia de persoal de incendios

Alertamos de que se están a facer chamamentos en plena vaga de lumes sen tempo para formar en prevención. Dende a CIG-Autonómica denuncia a caótica xestión da Xunta de Galiza en materia de persoal do Servizo de Prevención e Defensa contra Incendios Forestais (SPIF), até o punto de que a día de hoxe aínda non se coñecen nin as vacantes que están por cubrir. Temos datos de...
Xoves, 14 Agosto 2025

A CIG e os outros sindicatos esiximos solucións aos problemas das gardas e seguridade dos axentes ambientais de Patrimonio Natural

E solicitamos ter unha reunión, en canto remate a vaga de lumes, coa Consellería de Medio Ambiente e Cambio Climático. No día de onte, 13 de agosto de 2025, enviouse comunicación aos axentes ambientais do Servizo de Patrimonio Natural das catro provincias galegas de que acudiran a apoiar nos incendios forestais. Esta comunicación foi feita principalmente por wassapp e por...