Novas por contido

Función Pública convocou unha Mesa Xeral de Negociación de Empregados Públicos para o venres 7 de xuño, e unha xuntanza previa á Mesa para o xoves 6. Estes son os asuntos da orde do día:

A Mesa Xeral do venres 7 vai ser a sétima Mesa do ano: houbo tres en febreiro e outras tres en marzo. Dous meses e pico despois da última, convocan unha xuntanza excesivamente densa pola cantidade de RPTs que se van tratar. É dicir, que volven a utilizar a táctica de sobresaturar aos sindicatos con exceso de materia e falta de tempo para que sexa imposíbel traballar adecuadamente e, sobre todo, para impedir reaccións desagradables.

A CIG, xunto a CSIF, solicitamos aprazamento da Mesa Xeral:

  • Pola cantidade de temas a tratar na mesa e o extenso da documentación, que fai materialmente imposíbel o seu estudo e valoración que permita afrontar unha negociación colectiva real e efectiva.
  • Porque están sen rematar as xuntanzas sectoriais coas consellerías para información e tratamento das diversas RPTs que se pretenden abordar en dita mesa. En concreto as RPTs de Medio Ambiente, de Medio Rural, de Gain e IGVS.
  • Porque no punto do decreto de funcionarización, as organizacións CIG e CSIF foron privadas da información requirida nas alegacións efectuadas. Nin tan sequera se deu resposta ás alegacións efectuadas. Tampouco existiu ningunha xuntanza de negociación específica cando neste tema están afectados milleiros de traballadores, toda vez que afecta ao seu réxime xurídico e as súas condicións de traballo.

(CCOO e UGT rexeitaron solicitar o aprazamento; supoñemos que eles si tiveron algunha xuntanza con FP e máis tempo para estudar a documentación, especialmente no asunto da funcionarización)

Agardamos que Función Pública adie a convocatoria da Mesa Xeral ata que se proceda a realización das reunións sectoriais mencionadas.

Outras novas recentes

Mércores, 20 Marzo 2024

Prazas para elección de destino Minas-Bibliotecas-Arqueologos-Museos-Obras Publicas-Arquivos (19/03/24)

A Dirección Xeral de Función Pública achega os listados de prazas que ofertará para a elección de destino dos seguintes procesos selectivos: A1 Minas A1 Bibliotecas A2 Bibliotecas A1 Arqueólogos A1 Museos A2 Museos A2 Obras Públicas A2 Arquivos Neste lote botamos en falta A1 de Arquivos.
Mércores, 20 Marzo 2024

Procedemento de acreditación dos méritos do concurso-oposición de estabilización dos subgrupos A1, A2, C1 e C2 e grupos I, III e IV

No DOG do 20/03/2024 publican: - RESOLUCIÓN do 13 de marzo de 2024, da Dirección Xeral da Función Pública, pola que se fai público o procedemento para a acreditación dos méritos de determinados procesos selectivos extraordinarios de estabilización derivados da Lei 20/2021, do 28 de decembro, para o ingreso, pola quenda de acceso libre e mediante o sistema de...
Mércores, 27 Marzo 2024

Concursos de traslados de consumo, axentes ambientais e gardacostas: admitidos/as-excluidos/as provisional

Dende a Dirección Xeral de Función Pública comunítanos que o vindeiro día 5 de abril publicarán en DOG as resolucións polas que se aproban as relacións provisionais de persoas admitidas e excluídas dos concursos para a provisión de postos de traballo vacantes de: Escala de axentes de inspección, especialidade de consumo. Escala de axentes facultativos ambientais e axentes...