Novas por contido

Nas próximas semanas está previsto que  comence a progresiva reincorporación presencial  de empregados públicos aos seus postos de traballo. Desde o inicio do estado de alarma e debido á situación extraordinaria causada pola evolución epidemiolóxica do coronavirus COVID-19 moitos empregados públicos non renovaron o seu certificado dixital. Temos constancia de que moitos de estes empregados necesitarán renovar o seu certificado inminentemente.

Actualmente a renovación do certificados para toda a provincia de Ourense consiste nun trámite presencial que se realiza no Punto de Acreditación Dixital (PAD), localizado na Delegación da Amtega en Ourense, no Edificio administrativo, avenida da Habana 79, 6º andar.

Este PAD non cumpre os requisitos para atender de xeito presencial as persoas que realicen a renovación do seu certificado. Non teñen pantallas/mamparas protectoras, nin dispensadores de xel nin EPIs homologados(luvas e mascarillas). Tampouco medios para desinfectar o teclado (e outros) tras o seu uso por cada persoa que renova o certificado. Ponse en risco a saúde dos traballadores do departamento da Amtega e a dos empregados públicos que se achegan a renovar os certificados.

Ao atoparse o PAD no 6 andar, supón máis xente circulando polo edificio, usando ascensores e escaleiras. Ponse en risco a saúde de todos os empregados que traballan no edificio administrativo.

Necesitaríase unha localización que evite o uso de ascensor ou escaleiras.  Con entrada independente. Dotado de medidas de seguridade como mamparas protectoras, dispensadores de hidroxel, espazo suficiente, etc.

Desde a CIG solicitamos a Xunta que protexa aos seus traballadores polo que pedimos:

  • O traslado do  Punto de Acreditación Dixital da AMTEGA a unha localización fora do Edificio Administrativo que garanta a seguridade de todos os empregados públicos da Xunta.
  • Dotar ao persoal de AMTEGA dos medios de protección necesarios: mamparas protectoras, dispensadores de hidroxel, EPIs (luvas e masacarillas), etc.

Outras novas recentes

Xoves, 28 Agosto 2025

Rueda, o máximo responsábel político da prevención e extinción de incendios na Galiza, debe cesar a conselleira de Medio Rural

Manter á conselleira e a unha cúpula de altos cargos incompetentes en Medio Rural faino máis cómplice do desastre A traxedia dos lumes que está a padecer Galiza é en grande medida froito das políticas de prevención e extinción dos lumes do PP que a converteu nun polvorín. A CIG leva anos advertindo das carencias na prevención e na nefasta xestión da extinción que pon a...
Martes, 19 Agosto 2025

A CIG critica a caótica xestión do Goberno galego en materia de persoal de incendios

Alertamos de que se están a facer chamamentos en plena vaga de lumes sen tempo para formar en prevención. Dende a CIG-Autonómica denuncia a caótica xestión da Xunta de Galiza en materia de persoal do Servizo de Prevención e Defensa contra Incendios Forestais (SPIF), até o punto de que a día de hoxe aínda non se coñecen nin as vacantes que están por cubrir. Temos datos de...
Mércores, 20 Agosto 2025

‘Por un Monte Galego con Futuro’ convoca protestas contra a política forestal do PP “que queima os montes e as casas”

A CIG fai un chamamento a participar nas 26 concentracións que terán lugar en cidades e vilas de todo o país este xoves 21 a partir das 20:00h A plataforma ‘Por un monte Galego con Futuro’ convoca mobilizacións para denunciar que a actual vaga de incendios que está a padecer Galiza é consecuencia directa da política forestal do PP, unha política forestal que, tal e como...