Novas por contido

A CIG-Autonómica denuncia que a Administración da Xunta do PP tenlle reservado un posto de traballo ao exconselleiro cando non ten dereito a reserva por ser persoal temporal

Alfonso Villares Bermúdez dimitiu como Conselleiro do Mar en xuño de 2025 por unha denuncia de agresión sexual. Deixando a parte a vergoñenta despedida multitudinaria que lle deu o Goberno do Partido Popular despois dunha denuncia tan grave, a bola de neve segue medrando.

O día 9 de xullo publícase o concurso de traslados de persoal veterinario da Xunta de Galiza. Previamente o día 6 de xuño a Dirección xeral de Emprego Público e Administración de Persoal achegara aos sindicatos os postos de traballo que se ían ofertar no devandito concurso, entre os que NON figura o MR.C99.20.070.27290.008, na área de Mondoñedo, área onde ten unha praza de xeito temporal o exconselleiro. Casualidade?

Nestes anos, e despois da publicación da Lei 20/2021 para a redución da temporalidade na Administración pública, convocouse un proceso de estabilización para o Corpo Facultativo Superior, Escala veterinarios/as, proceso no que Villares participa e onde non acada praza.

Despois destes antecedentes, a prensa publica o día 11 de xullo, que o exconselleiro Villares incorpórase ao traballo. En que posto? Na oficina de Viveiro, cando o posto que ocupaba con carácter previo é da área de Mondoñedo. Será para estar máis preto da súa casa?

Lembremos que Alfonso Villares leva máis de 20 anos ocupando, sendo persoal temporal, unha praza de funcionario/a que permaneceu agochada pola Administración da Xunta de Galiza e que non foi ofertada ao persoal veterinario funcionario de carreira que ten máis dereito sobre esa praza. Estivo así, oculta e gardada para el, mentres tivo responsabilidades políticas, antes en Ribadeo e agora, para achegarse máis a súa casa, en Viveiro. Na CIG preguntámonos, a Xunta de Galiza resérvalle un posto de traballo a un exconselleiro acusado de agresión sexual?

Para máis, nestes momentos co concurso de traslados do persoal veterinario xa convocado, comprobamos que Emprego Público non inclúe nese listado de postos ofertados a praza referida. Con esta decisión négaselle a oportunidade a conciliar a vida laboral e familiar a un/unha compañeiro/a funcionario/a de carreira, para gardarllo e manter nel a Alfonso Villares, que non ten praza gañada na Administración pública e, está acusado de agresión sexual.

Ser político do Partido Popular da dereito a ter un posto de traballo na Administración pública aínda que non superes os procesos selectivos? Esta é a rexeneración política que promulgan Feijoo e Rueda, gardándolle o posto a un acusado de agresión sexual? 

Dende a CIG esiximos que o posto MR.C99.20.070.27290.008 se incorpore á relacion de prazas ofertadas no concurso de traslados e, se o Sr. Villares quere traballar como funcionario da Xunta de Galiza, que estude, se presente a unhas oposicións e as aprobe.

Outras novas recentes

Venres, 13 Novembro 2026

Promoción interna corpos xerais; funcionarización en excedencia (para CP 17/11/26)

A directora xeral de Emprego Público e Administración de Persoal convocounos a unha xuntanza da Comisión de Persoal que será o martes 17 de  novembro, coa seguinte Orde do día: Convocatoria do proceso de funcionarización para o persoal laboral fixo que está na situación de excedencia. Descargar Convocatoria de promoción interna ao corpo superior-A1. Descargar Convocatoria...
Luns, 09 Novembro 2026

A CIG convoca 17 mobilizacións por todo o país na xornada de folga xeral do 11N

A central nacionalista empraza a clase traballadora galega a visibilizar a parálise da actividade económica e laboral da xornada de 24 horas asistindo masivamente ás marchas A CIG anunciou a convocatoria dun total de 17 mobilizacións por todo o país durante a xornada de folga xeral prevista para o vindeiro 11 de novembro baixo o lema 'Galiza en loita por unha vida digna'...
Venres, 13 Novembro 2026

Agacal, Gain e Intecmar quedan para a seguinte OEP de funcionarización

A directora xeral de Emprego Público comunicounos na Mesa Xeral do 10 de novembro de 2026 que o persoal de AGACAL, GAIN e INTECMAR quedará para a seguinte OEP de funcionarización (para a cal non teñen data) porque aínda non está integrado. A integración é un requisito previo para que o persoal que o desexe poida funcionarizarse. Sen convocatoria á CIG para as negociacións...