O Servizo de Persoal da Subdirección Xeral de Coordinación Administrativa (Secretaría Xeral Técnica) da Consellaría do Medio Rural infórmanos da publicación inminente no DOG da seguinte convocatoria de probas físicas e visuais:
- RESOLUCIÓN: Resolución do 16 de xullo de 2025, da Secretaría Xeral Técnica da Consellería do Medio Rural pola que se convocan aos aspirantes que deberán realizar as probas físicas e visuais dos/as integrantes das listas reguladas polo Decreto 37/2006, do 2 de marzo, correspondentes a determinadas escalas e especialidades da Administración da Comunidade Autónoma de Galicia do Servizo de Prevención de Incendios Forestais.
- PUBLICACIÓN: xoves 17 de xullo de 2025
- IDENTIFICACIÓN: as persoas aspirantes acudirán á realización da proba provistas do DI.
- PROBAS CONVOCADAS:
- PROBA FÍSICA FIELD TEST:
- Descrición: camiñar 3.200 metros sobre terreo plano cun peso de 11 kg ás costas, nun tempo máximo de 30 minutos.
- Relación de persoas exentas.
- Relación de persoas convocadas: aspirantes que achegaron o certificado médico para a realización da proba física Field Test, que teñen número de orde para ser chamado/a para algunha das seguintes especialidades (listas elaboradas polo Decreto 37/2006):
- Escala técnica do Servizo de Prevención e Defensa contra Incendios. Especialidade de bombeiro/a forestal-xefe/a de brigada.
- Escala auxiliar do Servizo de Prevención e Defensa contra Incendios Forestais. Especialidade de bombeiro/a forestal-condutor/a de motobomba.
- Escala auxiliar do Servizo de Prevención e Defensa contra Incendios Forestais. Especialidade de bombeiro/a forestal
- Data da proba: 21 e 22 de xullo de 2025. O día e hora de cada aspirante figura na relación de aspirantes convocados/as.
- Lugar da proba: Estadio Municipal Vero Boquete, avda. de Fernando de Casas Novoa, 20, San Lázaro, Compostela
- PROBA VISUAL:
- Descrición: superar unha proba na que se examinará a agudeza visual lonxana en ambos os dous ollos, así como a visión cromática, realizada cun aparato para control da visión tipo Visiotest ou equivalente.
- Relación de persoas exentas.
- Relación de persoas convocadas: persoas admitidas na escala auxiliar do Servizo de Prevención e Defensa contra Incendios Forestais especialidades Emisorista/vixilante/a fixo/a (listas do Decreto 37/2006).
- Data da proba: 23 de xullo de 2025
- Hora: 09.00 h
- Lugar da proba: Escola Galega de Administración Pública (EGAP), rúa Madrid, 2-4 (Fontiñas), Compostela.