A CIG, que participa coa Plataforma de bombeiras e bombeiros forestais nesta loita, chama a todas as compañeiras e compañeiros do colectivo a participar nesta manifestación.

COMUNICADO

A realidade golpea con contundencia, as condicións climáticas mostran o novo camiño dun novo escenario moito máis complexo no mundo dos incendios forestais e as diversas continxencias que se xeran na contorna rural, cada vez máis abandonado e peor xestionado. No que temos que destacar a necesidade urxente dunha planificación preventiva de incendios forestais do territorio e os seus usos, limitando grandes cargas de biomasa e especies pirofitas e altamente inflamables, que poñen en risco, os recursos forestais e naturais, as poboacións e ao persoal que traballa na extinción.

O colectivo de bombeiros forestais é quizais o colectivo de protección civil con máis medios no territorio, e con máis capacidade operativa. Este persoal buscou o seu empoderamento desde hai moitos anos, por dúas causas fundamentais, para unha mellor protección do territorio e unha maior profesionalización do colectivo para unha maior eficiencia. Unha das consecuencias deste empoderamento foi sen dúbida a consecución, despois dunha durísima e longa loita, dun marco lexislativo, que xere o marco mínimo para o desenvolvemento dunha profesión tan importante como é a de bombeiro forestal.

E xorde a Lei Básica de Bombeiros Forestais, Lei 5/2024, é evidente que non é a lei tan completa que nós quixésemos, é evidente que é unha Lei aínda insuficiente, este é quizais o principal motivo polo que estamos aquí, debe crecer, debe ser máis segura en canto á protección da saúde do persoal traballador, debe ser máis ambiciosa, debe ser máis realista en base ao sucedido e ao que sen dúbida vai suceder, en canto ao incremento exponencial tanto do tamaño dos incendios como a súa capacidade, destrutiva, ademais cun proceso moi acelerado de modificación das condicións moito a peor.

Por tanto a nosa esixencia hoxe é:

• RESPECTO, a un colectivo ao que na maioría do territorio do estado non se lle aplica nin tan sequera esta Lei Básica.
• RESPECTO a uns/unhas traballadores/as ás que se lles trata cun concepto de temporalidade inasumibles, por tanto esiximos traballo para todo o ano para o colectivo.
• RESPECTO, cuns soldos dignos e non uns soldos absolutamente escasos #ante as condicións que se teñen que enfrontar.
• RESPECTO, coas súas condicións de saúde e recoñecemento das enfermidades profesionais dunha vez por todas, específicas e inherentes a esta profesión.
• RESPECTO e dignidade para o noso colectivo

🚌 BUS MANIFESTACIÓN DE BOMBEIROS /AS FORESTAIS MADRID *18DE OUTUBRO.🚌

O día 18 de outubro convócase unha manifestación de bombeiros/as forestais de todo o Estado Español ás 11:00 da maña en Madrid.

A CIG como parte da plataforma convocante PASF, vai a por un bus que sairá na madrugada do día 18 dende Ourense, cun prezo de 15 € por persoa.

Si estás interesado e queres apuntarte chama aos locais da CIG ou a través do whatsapp apúntate aquí:

A semana seguinte o día 30 teremos a nivel galego, convocado pola CIG, outra manifestación en Santiago de Compostela, porque non podemos esquecer cas competencias de prevención e extinción de incendios é a Xunta de Galiza, gobernada polo Partido Popular, que é o culpable da precariedade, falta de previsión e da desorganización que sufrimos na ola devastadora de incendios deste verán.

Agora ou nunca, é o momento de asegurar o noso futuro.

✊MOVILÍZATE ! ✊