- Detalles
No DOG do 04/06/2026 publican a RESOLUCIÓN do 1 de xuño de 2026, do tribunal designado para cualificar o proceso selectivo para o ingreso, mediante o sistema de oposición, pola quenda de acceso libre e promoción interna, no corpo facultativo de grao medio de Administración especial da Administración xeral da Comunidade Autónoma de Galiza, subgrupo A2, escala de mestres de taller de institutos politécnicos marítimo-pesqueiros, especialidade de máquinas e produción, convocado pola Resolución do 18 de xullo de 2025, pola que se dá publicidade a diversos acordos.
Publican os resultados do primeiro exercicio.
As persoas aspirantes declaradas aptas deberán entregar a programación didáctica correspondente ao segundo exercicio, na sala E situada na planta baixa do Edificio Administrativo San Caetano (zona da pirámide), en Santiago de Compostela, o día 16 de xuño, entre as 15.00 e as 15.30 horas, programación que recollerá na dita sala o tribunal. Consonte o disposto na base II.1.2.10 da convocatoria, con anterioridade á realización da proba, o tribunal publicará os criterios de corrección, valoración e superación do segundo exercicio que non estean expresamente establecidos nas bases da convocatoria.
- Detalles
No DOG do 04/06/2026 publican a ORDE do 27 de maio de 2026 pola que se modifica a Orde do 1 de outubro de 2024 pola que se resolve o procedemento de integración como persoal laboral da Xunta de Galiza do persoal laboral fixo do Consorcio Galego de Servizos de Igualdade e Benestar.
Como resultado de sentenzas firmes, debe modificarse a orde de integración no seu anexo I para cumprir os mandatos xudiciais de cada unha das persoas demandantes.
- Detalles
No DOG do 03/06/2026 a SOCIEDADE DE VIVENDA PÚBLICA DE GALIZA, S.A. publica o ANUNCIO polo que se fai pública a resolución do proceso selectivo para a cobertura temporal, mediante o sistema de concurso, do posto de coordinador técnico.
- Detalles
No DOG do 03/06/2026 a Fundación Galiza Europa publica:
- RESOLUCIÓN do 1 de xuño de 2026 pola que se convocan dúas bolsas de formación dirixidas a persoas cun título universitario oficial de grao ou equivalente en Dereito para facilitar a especialización en políticas e dereito da Unión Europea, mediante a realización de prácticas en asuntos comunitarios na oficina da FGE en Bruxelas, Bolsas Galiza Europa (código de procedemento PR770Q).
- EXTRACTO da Resolución do 1 de xuño de 2026 pola que se convocan dúas bolsas de formación dirixidas a persoas cun título universitario oficial de grao ou equivalente en Dereito para facilitar a especialización en políticas e dereito da Unión Europea, mediante a realización de prácticas en asuntos comunitarios na oficina da FGE en Bruxelas, Bolsas Galiza Europa (código de procedemento PR770Q).
O importe total da bolsa distribuirase da seguinte maneira:
– Retribución bruta (pagamento a cada persoa bolseira): 16.500,00 €.
– Axuda de desprazamento para gastos de viaxe (pagamento a cada persoa bolseira): 500 €.
– Seguridade Social: 722,37 € (por cada persoa bolseira).
– Seguro adicional de cobertura sanitaria en Bélxica: 99,19 €.
O prazo de presentación de solicitudes e da documentación complementaria será dun mes contado a partir do día seguinte ao da publicación da resolución da correspondente convocatoria no Diario Oficial de Galiza.
- Detalles
No DOG do 03/06/2026 publican a RESOLUCIÓN do 26 de maio de 2026 pola que se ordena a publicación do Acordo do Consello de la Xunta de Galiza do 25 de maio de 2026 polo que se aproba a modificación da relación de postos de traballo da Consellaría de Medio Ambiente e Cambio Climático.
A aprobación da modificación da relación de postos de traballo da Consellaría de Medio Ambiente e Cambio Climático xustifícase polas obrigas derivadas do Real decreto 394/2025, do 13 de maio, de traspaso de funcións e servizos da Administración do Estado á Comunidade Autónoma de Galiza en materia de ordenación e xestión do litoral, e polo Decreto 50/2025, do 30 de xuño, polo que a Comunidade Autónoma de Galiza asume as funcións e os servizos traspasados pola Administración xeral do Estado en materia de ordenación e xestión do litoral.
Xustifícase tamén polas modificacións derivadas do Decreto 106/2025, do 11 de novembro, polo que se modifica o Decreto 137/2024, do 20 de maio, polo que se establece a estrutura orgánica da Consellaría de Medio Ambiente e Cambio Climático, así como polas razóns indicadas no punto primeiro do acordo.
- Detalles
No DOG do 02/06/2026 a FUNDACIÓN CENTRO TECNOLÓXICO DA CARNE publica o ANUNCIO do 27 de maio de 2026 polo que se convocan procesos selectivos para contratar persoal laboral temporal.
As bases das convocatorias e os impresos de solicitude están dispoñibles na páxina web (www.ceteca.net) e no taboleiro de anuncios da Fundación, no Parque Tecnolóxico de Galiza, avenida de Galiza, 4, 32900 San Cibrao das Viñas (Ourense).
O prazo de presentación das solicitudes será de dez (10) días hábiles, que se contarán a partir do día seguinte á publicación deste anuncio.
- Detalles
No DOG do 01/06/2026 publican a RESOLUCIÓN do 28 de maio de 2026, da Dirección Xeral de Emprego Público e Administración de Persoal, pola que se resolve o concurso ordinario para a provisión de postos de traballo vacantes do corpo superior da Administración xeral da Comunidade Autónoma de Galiza, escala superior de estatística, e do corpo de xestión da Administración xeral da Comunidade Autónoma de Galiza, escala técnica de estatística.
En aplicación do establecido na base XI da convocatoria do concurso de traslados, a toma de posesión nos postos adxudicados como consecuencia da resolución deste concurso efectuarase a partir do día seguinte ao do cesamento e iniciará o cómputo dos prazos posesorios establecidos no artigo 8 do Decreto 151/2022, do 12 de setembro, polo que se aproba o Regulamento dos procedementos de mobilidade do persoal funcionario de carreira da Administración xeral da Comunidade Autónoma de Galiza e das entidades públicas instrumentais integrantes do sector público autonómico.
O cesamento deberá efectuarse o día 2 de xuño de 2026.
- Detalles
No DOG do 01/06/2026 publican a RESOLUCIÓN do 21 de maio de 2026, do tribunal nomeado para cualificar o proceso selectivo para o ingreso, mediante o sistema de oposición, pola quenda de acceso libre, na agrupación profesional de persoal funcionario da Administración xeral da Comunidade Autónoma de Galiza, escala de persoal subalterno, convocado mediante a Resolución do 24 de novembro de 2025 (Diario Oficial de Galiza número 233, do 2 de decembro), pola que se resolven as reclamacións presentadas ás puntuacións do primeiro exercicio.
Publican a nova puntuación obtida no portal web corporativo: funcionpublica.xunta.gal
- Detalles
No DOG do 01/06/2026 a EGAP publica a RESOLUCIÓN do 22 de maio de 2026 pola que se convocan as actividades formativas do Plan de formación do Servizo Público de Emprego de Galiza do ano 2026.
O prazo de presentación de solicitudes principiará o día seguinte ao da publicación desta resolución no Diario Oficial de Galiza e rematará o día 8 de xuño de 2026.
O número máximo de cursos que se poden solicitar durante o prazo de presentación de solicitudes limítase a tres.
- Detalles
No DOG do 01/06/2026 a EGAP publica a RESOLUCIÓN do 22 de maio de 2026 pola que se convocan actividades formativas para o persoal empregado público das entidades locais e do sector público autonómico de Galiza.
Convocan os cursos que figuran no anexo II, que deberán desenvolverse segundo as bases detalladas no anexo I.
O prazo de presentación de solicitudes será desde o día seguinte ao da publicación desta resolución no Diario Oficial de Galiza ata o día 8 de xuño, inclusive.
