- Detalles
No DOG do 29/05/2026 publican a RESOLUCIÓN do 21 de maio de 2026, da Dirección Xeral de Emprego Público e Administración de Persoal, pola que se aproba a relación provisional de persoas admitidas e excluídas do concurso para a provisión de postos de traballo vacantes do corpo de auxiliares de carácter técnico de Administración especial da Administración xeral da Comunidade Autónoma de Galiza, escala de xerocultor ou xerocultora, e do corpo auxiliar da Administración xeral da Comunidade Autónoma de Galiza, escala de persoal de servicios xerais (PSX).
A relación de persoas admitidas e excluídas publicarase no portal web corporativo da Xunta de Galiza https://www.xunta.gal/funcion-publica na epígrafe de concurso de traslados. A listaxe de persoas solicitantes excluídas figura como anexo desta resolución.
- Detalles
No DOG do 29/05/2026 publican a RESOLUCIÓN do 21 de maio de 2026, do tribunal designado para cualificar o proceso selectivo para o ingreso, mediante o sistema de oposición, pola quenda de acceso libre e de promoción interna, no corpo facultativo superior de Administración especial da Administración xeral da Comunidade Autónoma de Galiza, subgrupo A1, escala de profesores numerarios de institutos politécnicos marítimo-pesqueiros, especialidade de pesca marítima, pola que se fai pública a data, a hora e o lugar de realización da segunda parte do segundo exercicio.
Terá lugar o día 3 de xuño de 2026 en chamamento único que se iniciará ás 15.30 horas, na sala D do Edificio Administrativo de San Caetano, en Santiago de Compostela.
- Detalles
No DOG do 29/05/2026 publican a RESOLUCIÓN do 19 de maio de 2026, do tribunal designado para xulgar o proceso selectivo para o ingreso no corpo auxiliar da Administración xeral da Comunidade Autónoma de Galiza, escala de persoal de servizos xerais (PSX), subgrupo C2, en prazas reservadas para seren cubertas por persoas que acrediten discapacidade intelectual, convocado pola Resolución da Consellaría de Facenda e Administración Pública do 16 de novembro de 2023 (Diario Oficial de Galiza número 220, do 20 de novembro), pola que se dá publicidade a diversos acordos.
Publican as puntuacións do segundo exercicio.
- Detalles
No DOG do 29/05/2026 publican a RESOLUCIÓN do 15 de maio de 2026, do tribunal cualificador do proceso selectivo para o ingreso mediante o sistema de oposición, pola quenda de acceso libre e promoción interna, no corpo facultativo superior de Administración especial da Administración xeral da Comunidade Autónoma de Galiza, subgrupo A1, escala de ciencias, especialidade de ciencias do mar, convocado mediante a Resolución do 18 de xullo de 2025 (Diario Oficial de Galiza número 162, do 26 de agosto), pola que se lles dá publicidade a diversos acordos.
Publican as puntuacións obtidas polas persoas aspirantes presentadas á proba realizada o día 24 de marzo de 2026, correspondente ao primeiro exercicio.
- Detalles
No DOG do 28/05/2026 publican a RESOLUCIÓN do 21 de maio de 2026 pola que se convoca o proceso selectivo mediante o sistema de oposición para o ingreso, pola quenda de acceso libre e de promoción interna, no corpo superior da Administración xeral da Comunidade Autónoma de Galiza, subgrupo A1, escala de letrados e letradas.
O prazo para presentar as solicitudes será de vinte (20) días hábiles, que se contarán a partir do seguinte ao da publicación desta convocatoria no Diario Oficial de Galiza (DOG).
- Detalles
No DOG do 28/05/2026 publican:
- RESOLUCIÓN do 19 de maio de 2026 pola que se acepta unha renuncia á condición de funcionario/a de carreira do corpo de auxiliares de carácter técnico, especialidade bombeiro/a forestal.
- RESOLUCIÓN do 19 de maio de 2026 pola que se aceptan unhas renuncias á condición de funcionario/a de carreira do corpo de auxiliares de carácter técnico, especialidade bombeiro/a forestal.
- Detalles
No DOG do 28/05/2026 publican a RESOLUCIÓN do 26 de maio de 2026 pola que se ordena a publicación do Acordo do Consello da Xunta de Galiza, do 25 de maio de 2026, polo que se aproba a modificación da relación de postos de traballo da Axencia Tributaria de Galiza.
- Detalles
No DOG do 27/05/2026 publican:
- RESOLUCIÓN do 20 de maio de 2026, da Dirección Xeral de Emprego Público e Administración de Persoal, pola que se aproban e se fan públicas as listaxes provisionais de persoas admitidas e excluídas no proceso selectivo, mediante o sistema de oposición, para o ingreso pola quenda de acceso libre no corpo superior da Administración xeral da Comunidade Autónoma de Galiza, subgrupo A1, convocado pola Resolución do 19 de novembro de 2025 (Diario Oficial de Galiza número 228, do 25 de novembro).
- RESOLUCIÓN do 20 de maio de 2026, da Dirección Xeral de Emprego Público e Administración de Persoal, pola que se aproban e se fan públicas as listaxes provisionais de persoas admitidas e excluídas no proceso selectivo, mediante o sistema de oposición, para o ingreso pola quenda de acceso libre no corpo de xestión da Administración xeral da Comunidade Autónoma de Galiza, subgrupo A2, convocado pola Resolución do 19 de novembro de 2025 (Diario Oficial de Galiza número 228, do 25 de novembro).
As persoas aspirantes poderán consultar o estado das solicitudes de inscrición presentadas e a situación como admitidas ou excluídas en fides.xunta.gal
A listaxe completa de persoas aspirantes admitidas e excluídas, con indicación da causa determinante da súa exclusión, poderase consultar no portal web corporativo funcionpublica.xunta.gal
- Detalles
No DOG do 27/05/2026 publican a RESOLUCIÓN do 19 de maio de 2025 pola que se convoca para a elección de destino definitivo unha nova persoa aspirante que superou o proceso selectivo para o ingreso no corpo facultativo superior de Administración especial da Administración xeral da Comunidade Autónoma de Galiza, subgrupo A1, escala de profesores numerarios de institutos politécnicos marítimo-pesqueiros, especialidade de procesos de cultivo acuícola, convocado pola Resolución do 22 de decembro de 2022 (Diario Oficial de Galiza número 244, do 26 de decembro), modificada pola Resolución do 20 de xaneiro de 2023 (Diario Oficial de Galiza número 15, do 23 de xaneiro) e pola Resolución do 6 de febreiro de 2023 (Diario Oficial de Galiza número 26, do 7 de febreiro).
Os postos ofertados e os requisitos exixidos para a súa ocupación figuran como anexo II desta resolución. As persoas aspirantes elixirán as prazas ao subgrupo, escala e especialidade a que acceden de conformidade co indicado no anexo II desta resolución.
Para o acceso á aplicación informática para a elección de destino, a Dirección Xeral de Emprego Público e Administración de Persoal remitiralles ás persoas aspirantes un correo electrónico co usuario e a clave de acceso á aplicación do proceso selectivo.
No prazo máximo de dous (2) días hábiles contados a partir do día seguinte ao da publicación desta resolución no DOG, a persoa aspirante, no suposto de que non recibise correctamente o seu usuario e clave, deberá poñerse en contacto co servizo informático da Dirección Xeral de Emprego Público e Administración de Persoal, no teléfono 881 99 98 83, para que se lle faciliten os datos necesarios.
Unha vez transcorrido o prazo sinalado no parágrafo anterior, abrirase un prazo de cinco (5) días hábiles para que as persoas aspirantes que constan no anexo I desta resolución seleccionen telematicamente, a través do sistema electrónico, os destinos ofertados por orde de prelación.
- Detalles
No DOG do 27/05/2026 a EGAP publica a RESOLUCIÓN do 19 de maio de 2026 pola que se convoca unha actividade formativa para persoal delegado de protección de datos da Xunta de Galiza.
Poderá participar na acción formativa convocada nesta resolución o persoal empregado público nomeado delegado de protección de datos (en diante, DPD) ou cuxo nomeamento estea previsto a curto prazo, destinado na Administración xeral da Comunidade Autónoma de Galiza, nas entidades públicas instrumentais enunciadas na alínea a) do artigo 45 da Lei 16/2010, do 17 de decembro, de organización e funcionamento da Administración xeral, na Administración institucional, así como o persoal empregado público que forme parte do equipo de apoio aos DPD nos ámbitos anteriormente indicados e outro persoal da Amtega con responsabilidades en materia de protección de datos. Os empregados públicos destinatarios desta acción formativa deben atoparse en situación de servizo activo (incluído o persoal que teña concedido un permiso por motivos de conciliación da vida persoal, familiar e laboral) e reunir os requisitos establecidos nesta convocatoria.
O prazo para a inscrición permanecerá aberto desde as 9.00 horas do día seguinte ao da publicación desta resolución no Diario Oficial de Galiza ata as 14.00 horas do día 3 de xuño de 2026.