Medio Rural disculpouse polo feito de convocarnos o venres a derradeira hora da mañá para  esta xuntanza da Comisión de Seguimento do persoal do SPDCIF. Adxuntaron ao correo, borrador de cuadrante de traballo para a campaña 2010.

O primeiro punto foi aprobación da acta 3/2009 da Comisión de Seguimento celebrada en data 29 de Outubro. Pois ben, non ai por onde collela, polo que se lle fixo un montón de alegacións, quedando en enviarllas por correo electrónico para a súa modificación e posterior aprobación.

O segundo punto a tratar, estudo do cuadrante de traballo para o ano 2010.

Por parte do Director Xeral de Montes fai as seguintes apreciacións ao cuadrante presentado:

• Que cumpre o establecido no Convenio Colectivo Único para o Persoal Laboral da Xunta de Galiza.
• Que aínda que cumpre co establecido no C.C.Ú. un cuadrante de traballo deberá ser flexíbel a hora de poder ser modificado como consecuencia de inserir as vacacións do persoal. Aínda así, insiste en que confían no seu funcionamento durante todo o ano 2010.

Por parte da CIG fixéronse as seguintes apreciacións:

• Na derradeira xuntanza (29 Outubro) quedaron en convoncarnos en máis menos 15 días. Transcurriron cáseque 2 meses. Agora entroulles a presa.

• Dado que non tivemos tempo material para estudalo, quedamos pendentes en darlle unha resposta, aínda que a primeira vista, cumpre co máximo de horas anuais, descanso semanal de 2 días naturais, descanso de domingos alternos durante todo o ano, descanso da metade dos festivos en cómputo anual, compensacións por domingos e festivos traballados.

• Faltaría por incluir as quendas de traballo, para os dous niveis de risco marcados.

A partires de aquí entramos nun debate en relación aos cuadrantes de traballo sen interés, aínda que dende a CIG lles fixemos varias valoracións en relación novamente aos cuadrantes:

- Entrega de cuadrantes para primeiros de ano, en aplicación do establecido no C.C.Ú.

- Sinatura polo responsábel do distrito e co selo do centro dos cuadrantes de traballo.

- Deberán achegar este borrador de cuadrante aos comités de empresa para a súa aprobación, cumprindo deste xeito o establecido no C.C.Ú. Quedaron en remitilos mañá martes 22 de Decembro, estando os comités obrigados a tomar unha decisión ao respecto.

Para rematar a xuntanza, comentou o Director Xeral de Montes que para finais do mes de Xaneiro de 2010, voltarán convocarnos para tratar os puntos tratados na derradeira xuntanza mantida no mes de Outubro.