Na nómina de xullo pagarán o 1%. Na nómina de agosto irán os trienios do Consorcio.

O Director Xeral de Función Pública informou aos sindicatos nunha xuntanza que tivemos o venres 14, que:

• Na nómina de xullo irán os atrasos polo incremento do 1%, así como a corrección de erros nos trienios de determinado persoal.
• Na nómina de agosto incluirán os atrasos polos trienios do persoal do Consorcio de Igualdade e Benestar, tras rematar o recoñecemento dos servizos prestados.

Está ben que a Administración pague ao seu persoal as cantidades comprometidas polo goberno. Pero esa boa nova non comprace as demandas da CIG:

• O IPC galego do ano 2016 foi do 1,6%
• En xuño do 2017, o IPC galego interanual era do 1,6%

(datos o Instituto Galego de Estatística)

Collamos o dato que collamos, un incremento do 1% é unha nova perda de poder adquisitivo que afonda aínda máis na enorme perda que as empregadas e empregados públicos levamos acumulando ano tras ano.

Así que, Sr. Presidente da Xunta, lembrámoslle o Plan de renegociación da débeda salarial contraída pola Xunta co seu persoal que a CIG xa lle presentou fai anos e que para nós segue vixente. Como xa lle dixemos no escrito que lle remitimos, esta organización sindical estaría disposta a dar todo tipo de facilitades no relativo aos prazos e aos conceptos, actuando de xeito flexíble, de cara a que a parte debedora poida satisfacer as súas débedas coas empregadas e empregados públicos.