No DOG do 15/10/2010, e segundo a previsión de Función Pública, publícase a Resolución do 8 de outubro de 2010 pola que se aproba a relación definitiva de admitidos e excluídos do concurso 01/2010 para a provisión de postos de traballo vacantes na Administración xeral da Xunta de Galicia, convocado pola Orde do 4 de maio de 2010 (DOG 06/05/2010). Nesta resolución saen publicadas as persoas excluídas de xeito definitivo.

Nesta ligazón, podedes comprobar se estades na listaxe de admitidos introducindo o voso NIF, o código "F0110" no campo "concurso" e "2010" no campo "ano".

Contra esta resolución, que pon fin á vía administrativa, poderase interpoñer recurso potestativo de reposición ante a conselleira de Facenda, no prazo dun mes contado desde o día seguinte ao da súa publicación no Diario Oficial de Galicia, ou poderase impugnar directamente ante o Xulgado do Contencioso-Administrativo de Santiago de Compostela, no prazo de dous meses contados desde a mesma data.