O venres 05/08/2011, a CIG-Autonómica vén de presentar un recurso potestativo de reposición contra Orde do 21 de xullo de 2011 (DOG 26/07/2011), pola que se convoca proceso selectivo para o ingreso no corpo de xestión da Xunta de Galicia, subgrupo A2, escala de xestión e sistemas de información.
O motivo do recurso é que a referida convocatoria non recolle a posibilidade de que os aspirantes da quenda de promoción interna opten pola conservación da nota do primeiro exercicio da convocatoria anterior, incumprindo a Base II da Orde de 21/11/2008 na que se recolle esta previsión.
Desde a CIG-Autonómica, instamos á Administración a que se respecten os dereitos e intereses lexítimos dos aspirantes de promoción interna, cumprindo os acordos e disposicións vixentes.
Descargar o recurso potestativo de reposición presentado pola CIG
