O mércores, 27 de xuño, tivo lugar unha xuntanza co director xeral de Función Pública con relación á elección de destino do persoal veterinario.
Tal e como avanzou na Mesa Xeral do 12 de xuño, o director xeral comunicanos que a toma posesión, tanto do persoal que concursou como do que está en destino provisional, será en setembro. A convocatoria para a elección de destino definitivo sairá en breve no DOG e será presencial o día 5 de xullo previsiblemente a partir das 16.30h. Só irán a elección de destino 256 persoas (258 menos 2 que non están na actualidade) e os postos que se ofertan son 284 dos 303 do listado que nos presentaron ás organizacións sindicais.
Non van a ofertar os 19 da coletilla "afectados polo decreto da OPE 2008" e quedan de persoal interino quenes as ocupan. Non ofertan os postos que non aparecían de Mar xa que a consellaría así o solicitou alegando que van a facer proximamente unha modificación da RPT. En canto ás 12 persoas das 34 que lles colleron o posto no concurso de traslados cesarán e quedanse fóra.
Dende a CIG reiteramos que teñen que ofertar todalas vacantes (303+10 de Mar) e que de non facerse se xudicializaría o proceso xa que non se pode blindar postos ao persoal interino e, dentro destes, resulta moi sospeitoso que só saquen determinados postos.
O director xeral contestou que era potestade da administración sacar só 258 postos se o consideraban oportuno e que barallaron todas as posibilidades. Con relación á OPE 2008 dixeron que estaban estudando a súa próxima convocatoria.
Descarga listaxe final de postos
