Con relación ás propostas que sairon das asembleas celebradas o pasado 12 de xullo, a Xunta de Persoal e Comité de Empresa de Servizos Centrais da Xunta de Galiza adoptaron os seguintes acordos para aplicar de xeito inmediato:
Elaborar un modelo de escrito para remitir ás unidades de persoal co obxecto de que regularicen a porcentaxe de retención do IRPF, toda vez que as retribucións a percibir durante o ano 2012 se viron reducidas cunha navallada importante.
Remitir un escrito ao Presidente do Goberno ofrecéndolle alternativas económicas para incrementar a recaudación e non ter que atracar como están facendo á clase traballadora. Deste escrito tamén elaboramos unha versión individualizada que pode remitir calquera persoa.
Estamos elaborando un escrito para implicar aos autónomos e as pequenas e medianas empresas do noso entorno na loita contra o paquete de agresións do Goberno. Os recortes indiscriminados só xeneran máis crise e non son a solución para a maioría da cidadanía, e eso inclúe aos autónomos e PYMES que dependen maioritariamente do comercio interior.
Establecer os mércores como día sen consumo coa idea de reflexionar sobre a quen lle damos de comer cos nosos cartos e se debemos seguir facéndoo, baixo o lema “consumes ou consúmente?”. Esta medida a manteremos ata o día de Nadal co simbolismo da supresión desa paga extra.
Determinar os venres como día de loito (VENRES NEGRO). Non te esquezas de traer algunha prenda negra e poñer no teu posto de traballo o cartaz co lazo negro. É unha medida que non é difícil de cumplir e se visualiza facilmente.
Descargar paquete de cartaces. Colabora poñéndoos polo teu centro.
Outras medidas, que precisan maior infraestrutura como o boikot de actos públicos, os peches ou a folga, foron trasladadas as distintas organizacións sindicais. En calquera caso, se queres colaborar cos peches ou boikots manda un correo. Faise un chamaento a seguir saíndo á rúa e participando nas concentracións do xoves, 26 de xullo, e nas manifestacións do luns, 30 de xullo.
Descargar cartaz coa convocatoria. Colabora poñéndoo polo teu centro.
Desde a CIG apoioamos e impulsamos as ditas medidas e traballamos na cordinación e impulso do resto.