Novas por contido

Nunha reunión que tivo lugar o mércores, 18 de xullo, o director xeral de Función Pública comentounos como ía ler a Xunta de Galiza a letra pequena do RDL 20/2012 e ata onde aplicarían estas medidas.

1.    Sumprímese a paga extra de decembro a todo o persoal da administración galega. Non van a exercer as competencias autonómicas  no caso dos complementos (non queren compensar). En relación á parte proporcional xerada ata o día da entrada en vigor do R.D.-Lei, o director xeral manifestou que se aplicará tal como se recolle no mesmo, e polo tanto quedan anulados todos os conceptos retributivos que integran as pagas extras. O director xeral tamén manifestou que en Galicia non hai ningunha persoa que non alcance en computo anual  1.5 veces (ingresos brutos) o salario mínimo interprofesional.

2.    Os días de libre disposición pasan de 6 a 3; suprimen os días adicionais por antigüidade tanto para estes como para as vacacións e será aplicable a partires do 1 xaneiro de 2013. (tampouco deciden exercer as competencias autonómicas para amortiguar este recorte que, na práctica, non ten significación económica).

3.    Os complementos por ITs quedarán como se recolle na lei de medidas temporais no emprego en Galicia aprobada no mes de marzo.

4.    Se lle manifestou o noso desacordo con que este R.D.-Lei modifica algúns apartados do EBEP en vez de suspendelos temporalmente polo que consideramos que será moi dificultoso voltar a recuperalos.

5.    Pregúntaselle ao DXFP se a aplicación desta norma e as anteriores suporía un recorte e diminución de persoal na administración como por exemplo incremento de amortizacións, despedimentos, aplicación da reducións dun 1/3 da xornada a persoal interino e temporais, etc. O director xeral responde que haberá axustes (amortizacións) en función das necesidades de persoal de cada consellería, ente, ou organismo; non serán inmediatos a non ser que Bruselas pedira que se recortara o 25% do persoal nas distintas administracións. Manifestou que este ano non habería recorte da xornada para interinos e laborais temporais.

6.    As persoas indefinidas non fixas por sentenza que non están afectadas pola consolidación serán as primeiras que van sufrir as amortizacións.

7.    Dixo que as asistencias técnicas actuais non se van a renovar.

8.    En canto á mobilidade, o artigo 15º do RDL 20/2012 é só de aplicación no ámbito da administración do estado.

9.    Preguntado pola consolidación e desenvolvemento de procesos pendentes, dixo que a semana que vén presentaría as OOSS un cronograma.


Outras novas recentes

Mércores, 18 Xuño 2025

Mobilízate pola profesionalización das cociñas da Xunta e os dereitos do persoal non docente

Fartas xa desta Adminstración Pública que mingunea ao persoal que traballa nas cociñas de xestión da Xunta de Galiza e pisa os dereitos do persoal non docente nos centros de ensino públicos, convocámoste á movilización que terá lugar o vindeiro día luns 30 de xuño ás 11 horas que partirá dende diante da Consellaría de Educación nos edificios administrativos de San...
Martes, 24 Xuño 2025

Voto a favor condicionado da CIG-Autonómica ao I Plan de Igualdade do Consello de Contas (23/06/2025)

A CIG avoga por un I Plan de Igualdade máis ambicioso e efectivo, cun ámbito temporal de 3 anos de duración —en vez de 4—, ademais de promover que a enquisa de igualdade ao persoal se adiante ao primeiro ano do plan. Consello de Contas de Galiza: 18 anos de atraso na aprobación do I Plan de Igualdade Todas as Administracións Públicas teñen a obriga de contar cun plan de...
Xoves, 19 Xuño 2025

A CIG consegue unha sentenza histórica: primeira sentenza do Estado que recoñece a aplicación dos coeficientes redutores a un compañeiro ...

Estimase a demanda interposta ante a Tesoureiría da Seguridade Social e a Xunta de Galiza condenando a certificar as bonificacións que correspondan na aplicación dos coeficientes redutores de xubilación previstos no Real Decreto 383/2008 do 14 de marzo que establece os coeficientes redutores da idade de xubilación dos/as bombeiros/as ao servizo da administración e...