O xoves, 20 de setembro, tivo lugar outro día máis para a dignidade das traballadoras e traballadores públicos. As persoas concentradas en San Caetano desplegaron unha pancarta na que se lía "Nos traballamos, non roubamos" e levaron a protesta ao interior do edificio administrativo.
Na concentración deixouse claro que está protesta ía máis aló do cabreo das traballadoras e traballadores públicos polo recorte dos seus propios dereitos, trátase dunha protesta en defensa dos servizos públicos e en contra dos recortes antisociais que afectan a toda a cidadanía (traballadores/as, pensionistas, persoas paradas, autónomos, pequenos/as empresarios/as...). Uns recortes que supoñen un atraco ante o que as persoas concentradas escenificaron varias veces o "mans arriba!"; un atraco xa que o diñero destes recortes vai directamente a parar "os banqueiros".
Outras consignas coreadas foron "Non hai Xunta para tanto chourizo", "Feijoo escoita estamos en loita" ou "A ti que estás mirando tamén che están roubando". Precisamente e dado que faltaban moitas compañeiras e compañeiros, as persoas alí concentradas entraron no edificio administrativo nunha improvisada protesta polo medio de San Caetano chamando á unidade. Á entrada houbo un pequeno enforntamento coa policía que non deixou desplegar a pancarta dentro do edificio. Porén, chegada a protesta ás portas de Presicendia as traballadoras e traballadores conseguiron deplegala.
O acto tivo que rematar ante o acoso policial de controlar o tempo da protesta. Agardamos que se controle co mesmo énfase o tempo de cocción dos chourizos deste cocido popular no que se atraca ao pobo para rescatar á banca.
Remate da concentración diante de Presincendia tras acceder ao interior do edificio administrativo de San Caetano
