Novas por contido

O xoves 13 de setembro, o persoal funcionario e laboral da Xunta concentrouse entre as 11 e as 12 horas en moitas cidades e vilas do País. As traballadoras e traballadores berráronlle a Feijóo que non están de acordo coa supresión da paga extra, coa eliminación de días de asuntos propios, coa penalización das baixas do persoal traballador, coas amortizacións de prazas e co desmantelamento dos Servizos Públicos en xeral.

As consignas que se berraron, entre outras, foron “Non faltan cartos, sobran ladróns”, “O Público é Servizo, o privado beneficio”, “A Xunta de Galiza, recorta e privatiza”, “O noso diñeiro, vai para os banqueiros”, entre outras.

Desta volta si apareceu prensa, ao contrario que a semana pasada, pero tarde, mal e a rastras e de seguro que non atopará o mesmo espazo que para calquera chorrada que axude a que a cidadanía pense en calquera outra cousa. De seguro que o desmantelamento dos Servizos Públicos, os recortes á cidadanía, non son tan importantes como calquera partido chorra da “roja”, opio para o pobo, non vaia ser que nos deamos conta do que realmente ocorre e nos ergamos todos e todas dunha vez e mudemos esta sociedade para que se converta nun modelo de xustiza social, tal e como incluso a constitución española tende a recoñecer.

Os empregados e empregadas públicas non imos ficar parados nin calados, aí veñen as eleccións autonómicas, outra das consignas que se berrou foi “Feijóo cretino, volve de interino”. Moito ollo, sr. presidente, agora tócalle a vostede pasar por un proceso de recortes e igual vai ter que procurar acomodo noutro lugar, lonxe das caras cadeiras do Consello da Xunta, onde aprobou vostede e os seus vasalos medidas e medidas en aras da austeridade que supoñen, realmente, a posta nas mans do capital do suculento negocio dos Servizos Públicos.

Outras novas recentes

Mércores, 26 Marzo 2025

Boletín CIG-Saúde Laboral nº 59 - marzo 2025

Boletín do Gabinete Técnico Confederal de Saúde Laboral da CIG. Neste número: Riscos psicosociais e saúde mental no traballo: Que son os riscos psicosociais? Que importancia ten o problema? Que se pode facer para previr e xestionar os riscos psicosociais? Prevención e xestión dos riscos psicosociais relacionados co traballo Apoio ao persoal que se enfronta a retos...
Luns, 31 Marzo 2025

Modificación RPT Política Social e Consorcio. Comisión de Persoal (27/03/25)

O pasado xoves, 27 de marzo fomos convocados para a Comisión de Persoal onde se tratou a modificación da RPT de Política Social e a do consorcio. Dende a CIG votamos en contra, así como tamén o fixeron o resto de organizacións sindicais con excepción de CSIF que se abstivo, fundamentalmente debido a : Non se tiveron en conta as nosas alegacións presentadas. Créase un posto...
Xoves, 27 Marzo 2025

Estase a restrinxir o teletraballo ás bravas?

A prestación de servizos na modalidade de teletraballo na Administración da Comunidade Autónoma de Galiza funcionaba ata o de agora con relativa normalidade agás a xa endémica opacidade da Xunta e a reiteración do incumprimento da convocatoria das Comisións de Seguimento para que as organizacións sindicais poidamos exercer un control.   Mais nos últimos días están a chegar...