O xoves, 6 de setembro, retomáronse as concentracións semanais diante de diferentes centros públicos galegos. Desta volta as mobilizacións estiveron marcadas por dous aspectos: o refluxo vacacional e a nula repercusión da prensa máis centrada, como a Xunta, na propia campaña eleitoral.
Estas concentracións, reflexo da nosa dignidade como empregadas e empregados públicos, van máis aló dunha cuestión da loita contra os despedimentos e a precarización das nosas condicións laborais, que ao final redundan nun peor servizo público. As concentracións, coma as de onte, son unha expresión máis do rechazo sostido no tempo aos ataques contra a cidadanía das reformas políticas de Feijoo e Rajoy: menos dereitos laborais, educación máis cara, peores servizos sanitarios, ínfimos servizos socias e máis impostos. E todo para que? Para sacar da crise á banca afundida na súa propia cobiza.
A Xunta paralizada por eleccións
Estes días os despachos da Xunta ferven recompilando datos e organizando equipos de cara a campaña. Na concentración en San Caetano realizouse unha pequena parodia con este tema. Na mesma concentración, un par de persoas caracterizadas cunhas caretas de Feijoo e Rajoy repartiron entre os asistentes as papeletas eleitorais co logo do PP na que estaban representadas diferentes "correntes" ideolóxicas.
No medio da concentración estaba localizado un retrete cunha caixa na que estaba escrita a palabra VOTE rotulado cunha B en vermello por riba e o logo do PP con dúas tesoiras na que as persoas concentradas ían depositando a papeleta.
Precisamente en San Caetano, e aínda en período de vacacións estival, xuntáronse ao redor de 200 persoas preto da zona do consello da Xunta. Entre os lemas coreados atopamos o “Feijoo, escoita, estamos en loita”, “Mans arriba, esto é un atraco” ou “o noso diñeiro dádesllo aos banqueiros”. Finalmente realizouse unha forte pitada, con gritos de “fóra, fóra” destinados ao presidente do executivo galego.
Ausencia da prensa
Outra das notas foi a case nula cobertura por parte da prensa das concentracións que tiveron lugar ao longo de todo o país. Cómpre recordar que durante todos os xoves do mes de xullo os as concentracións en San Caetano, coincidindo co Consello da Xunta, eran cubertas por varios medios e axencias de prensa. Aínda que pareza que non, astistiron diversos medios ao Consello da Xunta; chegamos a localizar varios coches da radio galega e da TVG. Obviamente diante dos centros públicos onte “non pasou nada” e as traballadoras e traballadores da Xunta acatan o que manda Feijoo como este acata o que manda Rajoy.
