Novas por contido

Hoxe pola mañá deu comezo oficialmente en San Caetano a recollida de sinaturas en defensa dos servizos públicos iniciada pola Xunta de Persoal e Comité de Empresa dos Servizos Centrais. A actuación enmárcase dentro da campaña levada a cabo pola Plataforma Galega en Defensa dos Servizos Públicos de cara ao proxecto dos Orzamentos que previsiblemente aprobará a Xunta a semana que vén.

Conscientes da necesidade duns Servizos 100% Públicos e de calidade, as traballadoras e traballadores públicos temos que ser os primeiros na súa defensa. Xa temos dito en moitas ocasións que non se trata simplemente do aspecto retributivo, trátase da dignificación do traballo que realizamos para a sociedade e que os Gobernos actuais non cesa de desleixar non só con palabras  senón a través dos actos: coa privatización e a contratación reiterada con empresas privadas para facer o noso traballo; un traballo realizado para a cidadanía por nós, con vocación de servizo e non beneficio, con máis garantías e menor custo.

Hoxe, na súa primeira xornada, a recollida tivo lugar entre as 10h e as 13h no edificio administrativo de San Caetano nas portas de Facenda e Benestar. Mañá disporán outra mesa na concentración que terá lugar ás 11:30h diante da Consellaría de Presidencia. Pecharan a campaña o venres en San Lázaro cunha mesa que estará instalada de 9h a 12h na entrada da Consellaría de Sanidade.

É a gran maioría o persoal o que se esta achegando ás mesas a asinar e mesmo achegan follas que traen da súa unidade ou servizo. Dado o ritmo de recollida, confían en acadar un nivel semellante de paticipación ao da útima campaña, na que se sobrepasou as 3.000 sinaturas nun centro de 4.000 traballadoras e traballadores públicos.

É necesaria a marea branca, a verde pero tamén a negra. E non somos menos que o do resto de compañeiras e compañeiros doutras Administracións aínda que o noso xefe así nos trate como tales, vendéndonos a flexibilidade que xa teñen na do Estado desde vai anos a cambio de recortarnos as extras cousa que, no Estado, non tiveron nin este nin no vindeiro ano. “Non somos traballadoras e traballadores públicos de segunda”.

Estamos fart@s, foron moitas as compañeiras e compañeiros os que intercambiaron palabras con nós, falando de falsa austeridade, de inxustizas e mentiras, de organización e loita. “Din recortarnos a paga extra para manter os servizos públicos esenciais, é onde está o mantemento cando lle queren facer pagar á xente o tratamento do cancro!? E mentres se gastan millóns en publicidade institucional ou en ir montando casetas da Xunta en feiras”.

Outras novas recentes

Mércores, 20 Agosto 2025

‘Por un Monte Galego con Futuro’ convoca protestas contra a política forestal do PP “que queima os montes e as casas”

A CIG fai un chamamento a participar nas 26 concentracións que terán lugar en cidades e vilas de todo o país este xoves 21 a partir das 20:00h A plataforma ‘Por un monte Galego con Futuro’ convoca mobilizacións para denunciar que a actual vaga de incendios que está a padecer Galiza é consecuencia directa da política forestal do PP, unha política forestal que, tal e como...
Martes, 19 Agosto 2025

A CIG critica a caótica xestión do Goberno galego en materia de persoal de incendios

Alertamos de que se están a facer chamamentos en plena vaga de lumes sen tempo para formar en prevención. Dende a CIG-Autonómica denuncia a caótica xestión da Xunta de Galiza en materia de persoal do Servizo de Prevención e Defensa contra Incendios Forestais (SPIF), até o punto de que a día de hoxe aínda non se coñecen nin as vacantes que están por cubrir. Temos datos de...
Venres, 22 Agosto 2025

Máis de 45.000 persoas bótanse á rúa en toda Galiza contra a política forestal do PP e en solidariedade coas persoas afectadas pola vaga ...

A CIG reclama medidas inmediatas para recuperar os bens e paliar as consecuencias, e un servizo público único, de xestión directa e dependente da Xunta de Galiza, para traballar na prevención e respostar ás multiemerxencias do medio natural e rural durante  todo o ano. Un total de 29 localidades de todo o país acolleron o 21 de agosto mobilizacións multitudinarias...