Novas por contido

Das primeiras dúas asembleas realizadas nos Servizos Centrais o xoves, 26 de setembro, decidiuse realizar unha concentración "exprés" o venres, 27 de setembro, na explanada da cafetaría de San Caetano.

Unha vella reivindicación do pasado entre as traballadoras e traballadores das Administracións volve a poñerse de actualidade estes días nos Servizos Centrais da Xunta de Galiza. A concentración tan rápida vén motivada pola data sinalada xa que ademais de ser o Consello de Ministros onde se levará o anteproxecto de Lei dos Orzamentos do Estado (no que se confirma que ao persoal do Estado non lle recortan as pagas extras) aquí haberá Consello da Xunta e as asembleas consideran que hai que presionar para pedir un trato similar "cando aínda se está a tempo"

 

Nas ditas asembleas houbo máis acordos dos que se dará conta cun pouco máis de tempo.

Destacar tamén que independentemente da cuestión económica, detrás de todo esto as traballadoras e traballadores públicos asistentes ás asembleas ven un ataque aos Servizos Públicos. Detrás dos médicos, profesoras e profesores e outros colectivos máis queridos está o persoal de Administración Xeral... todas e todos nós facemos funcións útiles para a sociedade, menos visibles moitas veces, pero que moven outras mareas como a branca ou a verde: as persoas que traballamos para que os nenos teñan buses, centros escolares, comedores, garderías para que os centros médicos teñan camas e medicamentos, os que inspeccionamos os alimentos que nos levamos á boca, as que xestionamos axudas ao noso malogrado I+D, as que xestionamos as axudas ou atendemos ás persoas máis sensibles (dependencia, maiores, exclusión social...), as que están detrás de procesos selectivos, as que pagan as nóminas, as que vixian as nosas costas ou os nosos montes, os que conseguen os ingresos para que funcione todo, etc., etc., etc.

Agredirnos a nós é agredir o noso traballo e a nosa función de servizo á cidadanía, ou a caso o noso recorte redunda en que non haxa repagos na Sanidade, manteñan o número dos efectivos, non suban o prezo dos comedores, garderías, etc.? Non, recorte de traballadores e traballadoras públicas e servizos públicos máis caros, de menos calidade e con menos efectivos.

Outras novas recentes

Martes, 20 Mai 2025

Trincando no público: non hai dúas sen tres

A Xunta vai licitar a xestión privada da residencia da Coruña (Eirís) da Fundación Amancio Ortega A CIG esixe a xestión pública directa das residencias de maiores! A Xunta volve sacar a concurso para as empresas privadas a xestión dos servizos públicos e licita os servizos de atención de outra máis das residencias de maiores das sete doadas pola Fundación Amancio Ortega....
Martes, 27 Mai 2025

EGAP: convocatoria de actividades de formación continua

No DOG do 27/05/2025 a EGAP publica a RESOLUCIÓN do 26 de maio de 2025 pola que se convocan as actividades de formación continua para o persoal ao servizo da Administración xeral da Comunidade Autónoma de Galiza, das entidades públicas instrumentais do sector público autonómico e da Administración institucional. Convocan as actividades formativas que figuran no anexo II,...
Venres, 23 Mai 2025

Concurso de traslados de Gardacostas: relación definitiva de persoas admitidas e puntuacións provisionais

No DOG do23/05/2025 publican: - RESOLUCIÓN do 21 de maio de 2025, da Dirección Xeral de Emprego Público e Administración de Persoal, pola que se aproba a relación definitiva de persoas admitidas e excluídas do concurso para a provisión de postos de traballo vacantes de corpos e escalas de Administración especial da Administración xeral da Comunidade Autónoma de Galiza,...