Novas por contido

Na CIG negámonos a participar do paripé da Xunta para aprobar as bases dos procesos selectivos.

Negámonos a participar da pseudonegociación dos procesos selectivos (de novo) por ser discriminatorios, incoherentes e desiguais entre grupos e corpos e por non respectar acordos previos.

Amparados polo mal chamado "Acordo de Concertación" asinado por CCOO, UGT e a Xunta, agora pretenden varrer cos procesos selectivos de consolidación de prazas de laborais, eliminan as prazas da promoción interna de cada convocatoria (o 50% polo V convenio do persoal laboral e do 25-50% para persoal funcionario) e cocen bases de convocatorias de procesos intragables.

A Xunta de Galiza capitaneada pola dirección xeral da Función Pública non garda nin sequera as formas e atrévese a mandar os borradores finais para as mesas de negociación antes de que remate o prazo para presentar alegacións.

Chegados a este punto negámonos a participar do paripé no que converteron a Mesa Xeral e Comisión de Persoal que esta a ser empregada para lesionar os dereitos do persoal empregado público e das persoas opositoras. Por iso acordamos que a CIG NON VOTA pois non imos ser cómplice de toda esta situación, aínda que algúns se empeñen en dicir que nos abstivemos.

Sobran razóns para a dimisión do director xeral da Función Pública:

  • Os borradores xa estaban enviados ao DOG antes da negociación.
  • Propuxémoslles en mesas anteriores acordar uns criterios xerais para todos os procesos selectivos antes de negociar un por un e negouse.
  • Seguen improvisando, dando bandazos con borradores diferentes e incoherentes entre procesos de grupos similares, como procesos con tres exercicios e desenvolvemento de temas uns e con un exercicio e sen temas outros para o mesmo subgrupo, ou algún proceso con maior materia en subgrupos inferiores que en superiores en determinadas leis.
  • Promocións internas insuficientes e máis duras que procesos de acceso libre.
  • Distinto criterio sobre notas de corte en cada convocatoria.
  • Procesos que proveñen dunha Oferta Pública de Emprego raquítica, insuficiente, discriminatoria e inxusta. Para colmo funcionariza prazas que tiñan que saír como laborais.

Esto foi o que cociñaron na Mesa Xeral e Comisión de Persoal do 21.11.2019:

  • Convocatorias de acceso libre e estabilización de funcionarios de corpos xerais A1-A2-C1-C2 e consolidación de persoal laboral I-II-III-IV (funcións administrativas). As bases pasaron por Mesa Xeral e foron aprobadas en CP, o mesmo día; coas seguintes modificacións respecto dos borradores iniciais (recibidos fai unha semana): Reducción dalgúns temas: A1 pasa a 101 temas, A2 queda en 70, C1 en 16 e C2 en 13; aumentan tempo para as probas; no exercicio de temas pasan de 3 de 6 a 2 de 4, e sen lectura posterior dos temas (A1 e A2); primeiro exercicio en 4 meses para C1/C2 e 5 para A1/A2. Tomas de posesión despois da resolución do concurso de corpos xerais.
  • Aprobaron en Comisión de Persoal a convocatoria de persoal biólogo sen ningún cambio.
  • Aprobaron a retirada de prazas dos procesos de consolidación de persoal laboral que requirían titulación especifica para incorporalas aos futuros procesos de escalas. Recibimos presións para que apoiaramos a medida cando nin a propia Función Pública pode garantir que a medida fose de aplicación a todo o mundo que estea nas mesmas situacións. Non podemos apoiar nestes termos esta medida proposta e acordada dun día para o seguinte, porque non se fixo coas garantías precisas.
  • O director xeral informou dunha nova data para a publicación do concurso de traslados de corpos xerais no DOG: o 27 de novembro.
  • As convocatorias destes procesos selectivos publicaranse no DOG un día da semana que ven.

A CIG negámonos a participar destes procesos inxustos e pedimos de novo a retirada dos borradores que a Xunta quere impoñer sen negociar. A CSIF votou en contra e a “minoría amable” de CCOO e UGT apoiaron só a convocatoria de C1 e C2, non a de A1 e a de A2.

Como consecuencia desta longa lista de desatinos, a Xunta de Galiza provoca conflito, desigualdade, discriminación e procesos de selección incoherentes e pretende descapacitar o emprego público. Porén, dende a CIG non imos quedar paradas e anunciamos accións de loita e mobilizacións combativas!!

Descargar os borradores que foron á Comisión de Persoal do 21/11/2019 (non conteñen os cambios feitos na propia sesión):

Outras novas recentes

Luns, 09 Novembro 2026

A CIG convoca 17 mobilizacións por todo o país na xornada de folga xeral do 11N

A central nacionalista empraza a clase traballadora galega a visibilizar a parálise da actividade económica e laboral da xornada de 24 horas asistindo masivamente ás marchas A CIG anunciou a convocatoria dun total de 17 mobilizacións por todo o país durante a xornada de folga xeral prevista para o vindeiro 11 de novembro baixo o lema 'Galiza en loita por unha vida digna'...
Luns, 09 Novembro 2026

Dúbidas ante a folga xeral do 11 de novembro

Respostas ás preguntas máis frecuentes para que todas as persoas traballadoras poida facer valer os seus dereitos Desde a CIG tentamos responder ás principais dúbidas que xiran arredor da convocatoria de Folga Xeral do vindeiro 11 de Novembro para que todas as persoas traballadoras do país poidan facer valer os seus dereitos e secundar a mobilización con liberdade. 1. Cal...
Venres, 13 Novembro 2026

Promoción interna de corpos xerais; funcionarización en excedencia; finanzas-veterinarios/as-agacal-gain-intecmar (MSF e MX 10/11/26)

O martes 10, véspera da Folga Xeral, asistimos á Mesa Xeral e Mesa Sectorial de Persoal Funcionario, nas que se trataron as convocatorias de promoción interna a corpos xerais e dos procesos de funcionarización de persoal laboral fixo que está en excedencia. Na rolda aberta de intervencións a DXEP deu información da escala de finanzas, da repesca de funcionarización de...